<p><strong>រឿងដែលកីឡាករឆ្នើម Ronaldo ធ្វើការទាមទារចាកចេញពី Real កំពុងតែធ្វើឲ្យអ្នក<br />គាំទ្រ</strong><strong>ក្លឹប Real ( Madridista ) មានការច្របូកច្របល់យ៉ាងខ្លាំង។</strong></p>
<p>ជាមួយការស៊ុតបញ្ចូលសំណាញ់របស់ Granada កាលពីយប់ថ្ងៃអាទិត្យដែលបានជួយឲ្យ Real<br />ដណ្តើមបានជ័យជំនះ(3-0), Ronaldo រកបានគ្រាប់បាល់សរុប 150គ្រាប់ឲ្យ Real ក្រោយពីធ្វើ<br />ការប្រកួតបាន 149ប្រកួត។ លទ្ធផលនេះ បានធ្វើឲ្យ CR7 លោតចូល top 10 ខ្សែប្រយុទ្ធឆ្នើម<br />បំផុតក្នុងប្រវត្តិសាស្ត្រក្លឹបបាល់ទាត់ស្តេចអេស្បាញ។</p>
<p>Ronaldo មិនបានសប្បាយចិត្តទេ នៅពេលទាត់បាល់បញ្ចូលទីបានសំរេច ធ្វើឲ្យមនុស្សជាច្រើន<br />នៅពេលនោះមានការងឿងឆ្ងល់ដោយមិនយល់មូលហេតុ ហេតុអ្វីបានដូច្នេះ។ ប៉ុន្តែក្រោយនោះ<br /> Ronaldo បានធ្វើឲ្យទស្សនិកជនមិនតិចឡើយមានការភ្ញាក់ផ្អើលជាមួយនឹងសំដីដែលនិយាយថា<br /> ចង់ចាកចេញពី Bernabeu។ ជាការស្រាយបញ្ជាក់ទៅអ្នកសារព័ត៌មាន, CR7 គ្រាន់តែនិយាយថា:<br />” ខ្ញុំមិនសប្បាយចិត្ត ហើយក្លឹបដឹងហេតុអ្វីបានដូច្នេះ"។ </p>
<p style="text-align: center;"><a class="thickbox" title="" href="/FileManager/Commons/2012/9/4/1346733287-bong-da-ronaldo1-04-09-2012--15-09-17.jpg"><img src="/FileManager/Articles/mce/2012/9/4/1346733287-bong-da-ronaldo1-04-09-2012--15-09-17.jpg" alt="" /></a></p>
<p style="text-align: center;"><span style="color: #0000ff;">Ronaldo នឹងចាកចេញពី Bernabeu?</span></p>
<p style="text-align: left;">មិនទាន់មានប្រតិកម្មអ្វីពីក្លឹបឆ្លើយតបនឹងសំដី ចង់ចាកចេញរបស់ Ronaldo នៅឡើយទេ ប៉ុន្តែ<br />ច្បាស់ណាស់ថានៅ Bernabeu កំពុងតែមានបញ្ហា។ រឿងមិនចុះសំរុងគ្នារវាងក្រុមកីឡាករអេ<br />ស្បាញ(Casillas, Ramos, Alonso, Albiol) និងពរទុយហ្គាល់(Ronaldo, Pepe, Coentrao) តាំងពី<br />យូរមកហើយនោះ បានធ្វើឲ្យបន្ទប់ផ្លាស់ប្តូរសម្លៀកបំពាក់របស់ Real មិនសូវជាបានស្ងប់ស្ងាត់<br />ប៉ុន្មានឡើយ។ ប្រសិនបើប្រធានក្លឹបលោក Perez និងគ្រូបង្វឹកលោក Mourinho មិនបានដោះ<br />ស្រាយឲ្យ Ronaldo ស្ងប់ចិត្តទេ ហើយបណ្តោយឲ្យកីឡាកររូបនេះចាកចេញទៅ នោះនឹងជាការ<br />បាត់បង់ដ៏ធំមួយសំរាប់ Real Madrid៕</p>
<p style="text-align: right;"> </p>
<p style="text-align: right;">ដោយ៖ សិលា<br />ប្រភព៖ 24h</p>