<p>ក្រុមអ្នកជំនាញការផ្នែកសន្ដិសុខអ៊ីនធឺរណិត បានព្រមានអ្នកប្រើអ៊ីនធឺរណិត ឱ្យកាត់បន្ថយសកម្ម<br />ភាពនៅលើ Online ឱ្យមកនៅកម្រិតទាបបំផុត តាមដែលអាចធ្វើបាន រហូតដល់បណ្ដាក្រុមហ៊ុន<br /> កំចាត់កំហុសផ្នែកការពារសុវត្ថិភាព ដែលមានឈ្មោះថា "Heartbleed" ។</p>
<p style="text-align: center;"><a class="thickbox" title="" href="/FileManager/Commons/2014/4/10/heartbleed-10-04-2014--11-13-50.jpg"><img src="/FileManager/Articles/mce/2014/4/10/heartbleed-10-04-2014--11-13-50.jpg" alt="" /></a></p>
<p><br />Heartbleed (បកប្រែបណ្ដោះអាសន្ន ៖ បេះដូងហូរឈាម និងមានឈ្មោះកូដ ៖ CVE-2014-0160) ជាឈ្មោះមួយដែលចង់បញ្ជាក់អំពីទិន្នន័យសំខាន់ដែលអាចបែកធ្លាយ ក្នុងកម្រិតធ្ងន់ធ្ងរបំផុត។ <br /> Heartbleed គឺជាឈ្មោះ ដែលត្រូវបានក្រុមសន្ដិសុខប្រព័ន្ធអ៊ីនធឺរណិត កំណត់ជា កំហុសមួយ ក្នុង<br />ប្រព័ន្ធ OpenSSL (*) ។ អ្វីដែលគួរឱ្យភ្ញាក់ផ្អើលនោះ គឺថា កំហុសធំនៅក្នុង OpenSSL ដែលទើប<br />ត្រូវបានរកឃើញនេះ បានកើតឡើងតាំងតែពីជាង ២ឆ្នាំមុន។ Heartbleed អនុញ្ញាតឱ្យមនុស្ស<br />គ្រប់រូប នៅលើអ៊ីនធឺរណិត អាចយកបាននូវ ឈ្មោះ លេខកូដសម្ងាត់ និងខ្លឹមសាររបស់អ្នក ដែល<br />បានដាក់នៅលើគេហទំព័រមួយ ដែលគេតែងគិតថា មានសុវត្ថិភាព។<br /><br />កំហុសឆ្គងខាងលើនេះ បានជួយដល់ក្រុមឧក្រិដ្ឋជនអ៊ីនធឺរណិត លូកដៃចូលទៅលួចយកទិន្នន័យ<br /> ក្នុងប្រព័ន្ធ Server ដែលជាកន្លែងរក្សាឯកសាររបស់អ្នកប្រើប្រាស់ ដូចជា ព័ត៌មានឯកជន ឈ្មោះ<br />គណនី លេខកូដសម្ងាត់ រួមទាំងគណនីអេធីអឹម ផងដែរ។<br /><br />ប្រើប្រាស់ចំណុចខុសឆ្គងនេះ ក្រុមហែកកឺរ អាចនឹងប្រមូលបាននូវទិន្នន័យទំនាក់ទំនង រវាងអ៊ីន<br />ធឺរហ្វេស និង Server របស់គេហទំព័រ ហើយអាចលួចយកទិនន័យពីបណ្ដាសេវាកម្ម និងក្រុមអ្នក<br />ប្រើប្រាស់ ទន្ទឹមនឹងនេះ ក្រុមហែកកឺរ ក៏អាចបន្លំខ្លួនជាអ្នកផ្គត់ផ្គង់សេវាកម្ម។<br /><br />ប្រភពព័ត៌មាន ឱ្យដឹងថា គេហទំព័រជាង ៦៦% នៅទូទាំងពិភពលោក ប្រើប្រាស់ OpenSSL ។<br /> ក្នុងចំណោមនោះ មានគេហទំព័រជាច្រើន ដែលនៅតែប្រើកំណែចាស់របស់ OpenSSL កំពុងតែ<br />ប្រឈមនឹងហានិភ័យ ត្រូវបានក្រុមហែកកឺរ លួចឯកសារសំខាន់ៗ ដោយយោងទៅលើកំហុស <br />Heartbleed។<br /><br />ការសិក្សាស្រាវជ្រាវដំបូង ឱ្យដឹងថា Heartbleed គ្រាន់តែមានផលប៉ះពាល់ដល់កំណែ OpenSSL <br />ចាប់ពី 1.0.1 ដល់ 1.0.1f និងកំណែ 1.0.2 beta ។ ដើម្បីគេចពីបញ្ហា គេហទំព័រធំៗ កំពុងបន្ទាន់<br />សម័យ ដោយងាកទៅប្រើ កំណែ OpenSSL 1.0.1g ដែលទើបត្រូវបានចេញផ្សាយ កាលពីពេល<br />ថ្មីៗនេះ។<br /><br />យ៉ាងនេះក្ដី បណ្ដាគេហទំព័រធំៗ ដូចជា គេហទំព័រ Google, YouTube, Amazon, Microsoft, Twitter<br /> និង Facebook មិនស្ថិតក្រោមការគំរាមនេះទេ ប៉ុន្ដែ គេហទំព័រ Yahoo.com, Flickr និង 500px , <br />entrepreneur.com, slate.com និង wetransfer.com ជាដើម កំពុងតែប្រឈមនឹងហានិភ័យនេះ។<br /><br />នៅលើទំព័រ CNET ក្រុមហ៊ុន Yahoo ឱ្យដឹងថា ខ្លួនបានដោះស្រាយបញ្ហាប្រឈមនេះ នៅលើ<br />គេហទំព័រមួយចំនួន របស់ខ្លួន ក្នុងនោះរួមមាន Yahoo!, Yahoo! Search, Yahoo! Mail, Yahoo <br />Finance, Yahoo Sports, Yahoo Food, Yahoo Tech, Flickr និង Tumblr ។ ក្រុមហ៊ុននេះ ក៏បញ្ជាក់<br />ថា នឹងកែលំអកំហុសនៅលើគេហទំព័រទាំងមូលរបស់ខ្លួន ក្នុងពេលឆាប់ៗខាងមុខ។<br /><br />ក្រុមហ៊ុនស្រាវជ្រាវអ៊ីនធឺរណិត Netcraft ឱ្យដឹងថា មកដល់ពេលនេះ មាន Server ជាង ៥សែន<br /> នៅលើពិភពលោក ត្រូវរងផលប៉ះពាល់ដោយសារកំហុស Heartbleed ។ ប្រការនេះ នាំឱ្យក្រុម<br />អ្នកឯកទេស ធ្វើការព្រមានអំពីគ្រោះថ្នាក់ “ត្រូវគេលួចទិន្នន័យ”៕</p>
<p style="text-align: right;"><br /><br />ប្រែសម្រួលដោយ ៖ តារា<br />ប្រភព ៖ mashable<br /><br /></p>