<p><span style="color: #000000;"><strong>កណ្តាល</strong> : បុរសម្នាកបានរង របួសបែកមុខ បែកក្បាល ហូរឈាម ស្រោចពេញដងខ្លួន ដោយសារ ដៃគូផឹកស៊ីក្នុង វង់ជាមួយគ្នា យកកែវស្រា វាយទៅក្បាល បណ្តាលឲ្យរង របួសធ្ងន់ ខណ:ស្រវឹងរៀងៗខ្លួន ហើយទាស់សំដីគ្នា កាលវេលាម៉ោង៩ និង១០នាទីយប់ ថ្ងៃទី ២៧ ខែវិច្ឆិកា ឆ្នាំ២០១៤ ក្នុងភូមិព្រែកតានប់ ឃុំកំពង់ស្វាយ ស្រុកកៀនស្វាយ ។</span></p>
<p><span style="color: #000000;">មន្ត្រីនគរបាល បានអោយដឹងថា ជនដៃដល់ ឈ្មោះ សុង ប៊ុនសួរ ភេទប្រុស អាយុ ៣៤ឆ្នាំ មុខរបរជាកសិករ រស់នៅភូមិព្រែកតានប់ ឃុំកំពង់ស្វាយ ស្រុកកៀនស្វាយ ។ ចំណែកជនរងគ្រោះ ឈ្មោះ ធឿន ធី ភេទប្រុស អាយុ ២៧ឆ្នាំ មុខរបរជាកសិករ រស់នៅភូមិព្រែកដូង ឃុំកំពង់ស្វាយ ស្រុកកៀនស្វាយ ។</span></p>
<p><span style="color: #000000;">មន្ត្រីនគរបាលឃុំកំពង់ស្វាយ បានបញ្ជាក់ថា នៅវេលាកើតហេតុខាងលើ ជនសង្ស័យអង្គុយផឹកស្រាជាមួយមិត្តភ័ក្រ ចំនួន ៣នាក់ទៀត ស្របពេលនោះ មានទាស់ពាក្យសំដីគ្នា ស្រាប់តែជនសង្ស័យយកកែវស្រា វាយលើផ្ទៃមុខជនរងគ្រោះ បណ្ដាលអោយមានរបួសស្នាមហូរឈាម។</span></p>
<p><span style="color: #000000;">ក្រោយកើតហេតុ អធិការនគរបាលស្រុកកៀនស្វាយ លោក ប៉ា សំអិត បានបញ្ជាមន្ត្រីនគរបាលប៉ុស្តិ៍កំពង់ស្វាយ ចុះទៅអន្តរាគមន៍ និងឃាត់ខ្លួនជនដៃដល់ បញ្ជូនមកអធិការដ្នាននគរបាលស្រុក ដើម្បីផ្តុំសំណុំរឿង ចាត់ការតាមនិតិវិធីច្បាប់ ។ ចំណែកអ្នករងរបួសបញ្ជូនទៅព្យាបាលនៅមន្ទីរពេទ្យ ។</span></p>
<p><span style="color: #000000;"><a class="thickbox" title="" href="/FileManager/Commons/2014/11/28/11-28-2014-11-33-34-am-28-11-2014--11-39-34.png"><span style="color: #000000;"><img src="/FileManager/Articles/mce/2014/11/28/11-28-2014-11-33-34-am-28-11-2014--11-39-34.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2014/11/28/11-28-2014-11-33-00-am-28-11-2014--11-39-44.png"><span style="color: #000000;"><img src="/FileManager/Articles/mce/2014/11/28/11-28-2014-11-33-00-am-28-11-2014--11-39-44.png" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធិដោយ៖ ដើមអម្ពិល</span><span style="color: #000000;"><br /></span></p>