<div class="article-content">
<p><strong>ព្រះសីហនុ៖</strong> កាលពីយប់ថ្ងៃទី២៧ ខែមិថុនា ឆ្នាំ២០១៣ វេលាម៉ោង២២ មានគ្រោះថ្នាក់ចរា<br />ចរណ៍ មួយបង្កឡើង ដោយខ្លួនឯង ដោយនារីម្នាក់ បើកបរម៉ូតូម៉ាកស្កុបពី បានបុករបាំងពុះ<br />ថ្នល់ ហើយរងរបួសបែកក្បាល យ៉ាងធ្ងន់ធ្ងរ ហើយត្រូវយក ទៅសង្រ្គោះនៅគ្លីនិកឯកជន<br />ភ្លាមៗ ។ ហេតុការណ៍នេះកើតឡើង នៅចំនុចផ្លូវកែងបត់ ទៅរង្វង់មូលតោពីរ អតីតតុលា<br />ការចាស់ ស្ថិតនៅភូមិ៤ សង្កាត់លេខ៤ ក្រុង-ខេត្តព្រះសីហនុ ។</p>
<p>តាមសាក្សីនៅកន្លែងកើតហេតុបានប្រាប់ឱ្យដឹងថា អំឡុងពេលកើតហេតុគេឃើញជនរង<br />គ្រោះបើកបរម៉ូតូម៉ាក ស្កុបពី គ្មានស្លាកលេខ បើកបរម្នាក់ឯង រេពេញថ្នល់ ក្នុងអាការៈស្រវឹង<br /> ក្នុងទឹសដៅពីជើងទៅត្បូង សំដៅទៅរង្វង់ មូលតោពីរ ពេលទៅដល់ចំនុចកើតហេតុដែលជា<br />ផ្លូវកោងបត់ ទៅស្តាំដៃសំដៅទៅរង្វង់មូលតោពីរ ជនរងគ្រោះ មិនបានបង្អង់ល្បឿនដើម្បី បត់<br />ទៅស្តាំដៃទេ បែរជាទៅត្រង់សំដៅទៅបុករបាំងពុះថ្នល់ ធ្វើឱ្យជនរងគ្រោះ ប៉ើងហោះ ទៅលើ<br />បុកនិងបង្គោលភ្លើងដែលបំពាក់លើ របាំងពុះថ្នល់បណ្តាឱ្យរងរបួសបែកក្បាល យ៉ាងធ្ងន់ធ្ងរ និង<br />រលាត់ដៃជើងសន្លប់បាត់មាត់បាត់ក ។ភ្លាមៗនោះគេបានទាក់ទងហៅរថយន្តពេទ្យទៅសង្រ្គោះ<br />ភ្លាមៗផងដែរ ។</p>
<p>តាមរយៈមិត្តភកក្តិរបស់ជនរងគ្រោះ ដែលបានមកមើលនៅមន្ទីរពេទ្យបានប្រាប់ឱ្យដឹងថា ក្រុម<br />ខ្លួននិង ជនរងគ្រោះ បានជួបជុំគ្នាហូបស្រាបៀរ នៅហាងគោដុតមួយកន្លែងយីហៅ ល្អ នៅម្តុំ<br />ឆ្នេរអូរឈើរទាលតាំងពី ល្ងាចមកម្លេះ បន្ទាប់ពីបានគឹតលុយរួចម្នាក់ៗ ក៏ចាកចេញទៅផ្ទះរៀងៗ<br />ខ្លួន ក្នុងនោះក៏មានជនរងគ្រោះម្នាក់ ដែរដោយបានបើកម៉ូតូ ជូនមិត្តប្រុសរបស់ខ្លួនទៅផ្ទះវិញ តែ<br />មិនដឹងជាមានបញ្ហាអ្វីបានជាជនរងគ្រោះ បើកម៉ូតូត្រលប់មកវិញតែម្នាក់ឯង ក៏ជួបគ្រោះថ្នាក់នៅ<br />ពាក់កណ្តាលផ្លូវតែម្តង ។</p>
<p>តាមសាក្សីដដែលនេះបានប្រាប់ឱ្យដឹងថា ជនរងគ្រោះមានឈ្មោះ ស្រី និច អាយុ២២ឆ្នាំ មុខរបរ<br />បំរើការ នៅហាងខារ៉ាអូខេ អ៊ិចហ្គោល ក្នុងសង្កាត់លេខ២ ក្រុង-ខេត្តព្រះសីហនុ៕</p>
<p style="text-align: center;"><img src="http://image.dap-news.com:81/dap-news/dap-images/2013/June/id-067/CH-1272.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/June/id-067/CH-1268.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/June/id-067/CH-1269.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/June/id-067/CH-1270.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/June/id-067/CH-1271.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>