<div class="article-content">
<p><strong>ភ្នំពេញ៖</strong> បុរសជាជនសង្ស័យ ម្នាក់បានជិះម៉ូតូម៉ាកស្ទេប ពណ៌ខ្មៅ ពាក់ស្លាកលេខ ភ្នំពេញ<br /> 1U-8002ចូលទៅទិញ ម្ហូប នឹងច្រក បបរស រួចបានបន្លំលួចយក ទូរស័ព្ទដៃម្ចាស់ហាងយីហោ<br /> សូ ឈឿន ផ្ទះលេខ ៣៣៨ ផ្លូវ ព្រះមុនីវង្ស សង្កាត់បឹងកេងកងទី ១ ខណ្ឌចំការមន ត្រូវម្ចាស់<br />គេទាន់ ចាប់វាយទ្រោមខ្លួន យកប្រគល់ឲ្យ សមត្ថកិច្ចនគរបាល ប៉ុស្តិ៍ កាលពីវេលាម៉ោង ១នឹង <br />២០នាទីរំលង អាធ្រាត្រឈានចូលថ្ងៃទី ១៨ខែកញ្ញា ឆ្នាំ ២០១៣។</p>
<p>ជនសង្ស័យខាងលើនេះឈ្មោះ ប៊ុន ធី ភេទប្រុស អាយុ ២៨ ឆ្នាំ ស្នាក់នៅមិនពិតប្រាកដ ។ <br />ប្រភពព័ត៌មានពីកន្លែង កើតហេតុបានឲ្យដឹងថា មុនពេលកើតហេតុ ជនសង្ស័យឈ្មោះ ប៊ុន ធី<br /> បានជិះម៉ូតូខាង លើមកឈប់នៅ ចំណុច ហាង បបរសខាងលើ ហើយចូលទៅអង្គុយកម្មង់ម្ហូប<br />នឹងបបរស ដើម្បីខ្ចប់យកទៅផ្ទះ ដែល ខណៈនោះ ម្ចាស់ហាង បានរៀបចំខ្ចប់លក់ដូរតាម<br />សម្រួល ដូចធម្មតា។ ពេលឃើញម្ចាស់ ហាងជាប់រវល់ ដៃខ្ចប់ម្ហូបអាហារ ទើបឈ្មោះ ប៊ុន ធី <br />បន្លំលួចបើកថតតុ ម្ចាស់ហាងលួចយកទូរស័ព្ទដៃ មួយគ្រឿងម៉ាក អាយហ្វូន ហើយត្រូវ ម្ចាស់ <br />ហាងឃើញទាន់ រួចព្រួតគ្នាវាយទ្រោមខ្លួន ។</p>
<p>ជនសង្ស័យរូបនេះត្រូវសមត្ថកិច្ចយកទៅ ឃុំខ្លួនកសាងសំណុំរឿង បញ្ជូនទៅអធិការដ្ឋាន<br />នគរបាលខណ្ឌ ចំការមន រង់ចាំធ្វើការសាកសួរ នឹងកសាងសំណុំរឿងបញ្ជូនបន្ត ទៅសាលា<br />ដំបូងរាជធានីភ្នំពេញ ផ្តន្ទាទោសតាមផ្លូវច្បាប់៕</p>
<p style="text-align: center;"><img src="http://image.dap-news.com:81/dap-news/dap-images/2013/september/id-078/Lay-220.jpg" alt="Photo by DAP-News" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/september/id-078/Lay-221.jpg" alt="Photo by DAP-News" width="500" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>