<p><span style="color: #000000;"><strong>(ភ្នំពេញ)៖</strong> បុរសជាអ្នកបើកបររថយន្តដឹកស៊ីម៉ង់ត៍របស់ក្រុមហ៊ុនខេស៊ីមិនម្នាក់ ដែលបានធ្វើទារុណកម្មវាយធ្វើបាប និងប៉ុនប៉ងចាក់សម្លាប់ស្រ្តីម្នាក់ជាអ្នកក្បែរខាងគ្នា នៅថ្ងៃម្សិលម៉ិញនោះ ត្រូវបានកម្លាំងនគរបាលខណ្ឌពោធិសែនជ័យចាប់ខ្លួនបានហើយ នៅយប់ថ្ងៃទី០៥ ខែកុម្ភៈ ឆ្នាំ២០១៧ រំលងអាធ្រាត្រ ខណៈវិលត្រឡប់ទៅផ្ទះវិញ បន្ទាប់ពីព្យាយាមរត់គេចខ្លួនបាត់ បានរយៈពេល១២ម៉ោង។</span></p>
<p><span style="color: #000000;">ស្រ្តីរងគ្រោះមានឈ្មោះ អ៊ឹម ស្រីម៉ៅ អាយុ៣០ឆ្នាំ មានស្រុកកំណើតនៅភូមិត្រពាំងស្រងែ ឃុំអង្គតាសោម ស្រុកត្រាំកក់ ខេត្តតាកែវ សព្វថ្ងៃស្នាក់នៅភូមិគោកចំបក់ សង្កាត់ចោមចៅ ខណ្ឌពោធិ៍សែនជ័យ ត្រូវបុរសឈ្មោះ ឆេង លី ជាអ្នកបើកបររថយន្តរបស់ក្រុមហ៊ុនខេស៊ីមិន ស្នាក់នៅបន្ទប់ផ្ទះជួលក្បែរគ្នា យកកូនកាំបិតប៉ងចាក់សម្លាប់ដោយមិនដឹងមូលហេតុ នៅថ្ងៃទី០៥ ខែកុម្ភៈ ឆ្នាំ២០១៧ តែមិនបានដូចចិត្ត ព្រោះត្រូវអ្នកជិតខាងរត់ទៅជួយទាន់ ថែមទាំងគម្រាមតាមសម្លាប់ឲ្យបានទៀត។</span></p>
<p><span style="color: #000000;">ស្រ្តីរងគ្រោះបាននិយាយថា ខ្លួននិងជនបង្កខាងលើជាអ្នកក្បែរខាងគ្នា ហើយមិនដែលមានទំនាស់នឹងគ្នាទាល់តែសោះ ប៉ុន្តែមិនដឹងថាជននោះខឹង ឬមានគំនុំអ្វីជាមួយខ្លួនតាំងពីពេលណាមកទេ ទើបបានជាវាយធ្វើបាប និងប៉ងសម្លាប់ខ្លួនបែបនេះ។</span></p>
<p><span style="color: #000000;">ស្រ្តីរងគ្រោះបាននិយាយថា នៅមុនពេលកើតហេតុ ខ្លួនបានបោសសម្អាតផ្ទះ ស្រាប់តែជននោះស្រែកឡូឡាដាក់នាង ហើយបានទាញអំបោស មកវាយលើរូបនាងទាំងកម្រោលដោយមិនដឹងមូលហេតុ បន្ទាប់មកជននោះ បានទាញយកកូនកាំបិតប៉ងចាក់សម្លាប់នាងទៀត ប៉ុន្តែបានអ្នកជិតខាងជួយទាន់។</span></p>
<p><span style="color: #000000;">ក្រោយពីមានការភ្ញាក់ផ្អើល ជនបង្កបានបើករថយន្ត ម៉ាកវីហ្គោ គេចខ្លួនបាត់ ព្រមទាំងបានគម្រាមតាមទូរស័ព្ទថា ទោះនាងទៅដល់ទីណា ក៏តាមសម្លាប់នាងចោលដែរ និងគម្រាមថានឹងដាក់ពាក្យប្ដឹងនាងទៀតផង។</span></p>
<p><span style="color: #000000;">ក្រោយពេលទទួលរងទារុណកម្ម និងការប៉ុនប៉ងចាក់សម្លាប់ ពីសំណាក់ជនដៃដល់ខាងលើរួចមក ស្ដ្រីរងគ្រោះ បានទូរស័ព្ទសុំអន្តរាគមន៍ពីកម្លាំងនគរបាលប៉ុស្ដិ៍ចោមចៅ ហើយកម្លាំងនគរបាលក៏បានចុះទៅភ្លាមៗ។ លុះដល់វេលាយប់រំលងអាធ្រាត្រ ថ្ងៃដដែលនោះ ទើបកម្លាំងនគរបាល ឃាត់ខ្លួនជនបង្កបានក្នុងផ្ទះតែម្ដង។</span></p>
<p><span style="color: #000000;">បច្ចុប្បន្ន ជនសង្ស័យត្រូវបានកម្លាំងជំនាញនាំទៅសួរនាំ ដើម្បីកសាងសំណុំរឿងបញ្ជូនទៅតុលាការចាត់កាត់តាមច្បាប់៕</span></p>
<p><span style="color: #0000ff;"><a href="/News/Detail/25250/local-news" target="_blank"><span style="color: #0000ff;">-ចុចអាន ៖ សង្ស័យជាតិមុនធ្វើបុណ្យខុស បានជាតិនឹងប៉ះអ្នកជិតខាងអាក្រក់ដល់ថ្នាក់នឹង!</span></a></span></p>
<p><span style="color: #000000;"><br /><a class="thickbox" title="" href="/FileManager/Commons/2017/2/6/1aa-06-02-2017--11-40-35.png"><img src="/FileManager/Articles/mce/2017/2/6/1aa-06-02-2017--11-40-35.png" alt="" /></a><br /></span></p>
<p><span style="color: #000000;"><img src="http://image.freshnewsasia.com/2017/010/fn-2017-02-06-11-33-17-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/010/fn-2017-02-06-11-33-17-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/010/fn-2017-02-06-11-33-17-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/112/fn-2017-02-05-14-27-05-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/112/fn-2017-02-05-14-27-06-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/112/fn-2017-02-05-14-27-06-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/112/fn-2017-02-05-14-27-06-3.jpg" alt="" width="730" /></span></p>
<p><span style="color: #000000;"><strong>ស្រ្តីរងគ្រោះឈ្មោះ អ៊ឹម ស្រីម៉ៅ</strong></span></p>
<p><span style="color: #000000;"><img src="http://image.freshnewsasia.com/2017/112/fn-2017-02-05-14-27-18-0.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>