<div>
<p><span style="color: #000000;"><strong>(ភ្នំពេញ)៖</strong> តារាស្រីពហុជំនាញ អ្នកនាង ខាត់ សុឃីម ថ្មីៗនេះបានជួបបញ្ហាក្នុងគ្រួសារ ដោយសារតែលោកឪពុកជាទីស្រឡាញ់របស់នាង បានធ្លាក់ខ្លួនឈឺធ្ងន់ ត្រូវវះកាត់ និងកំពុងសម្រាកព្យាបាល នៅក្នុងមន្ទីពេទ្យខេត្តសៀមរាប ដែលធ្វើឲ្យអ្នកនាង ខាត់ សុឃីម កំពុងតែពិបាកចិត្តយ៉ាងខ្លាំង។</span></p>
<p><span style="color: #000000;">តាមរយៈការសរសេរបង្ហោះសារ នៅលើបណ្តាញសង្គមហ្វេសប៊ុកផ្ទាល់ខ្លួន របស់អ្នកនាង ខាត់ សុឃីម បានសរសេររៀបរាប់ថា« ពុកខ្ញុំឈឺទៀតហើយ អីឡូវកំពុងចូលសង្គ្រោះបន្ទាន់ នៅមន្តីពេទ្យ សូមព្រះតាមថែរក្សាពុកឲ្យឆាប់ជា ។ ក្នុងចិត្តមិនសប្បាយទេ ព្រោះចិត្តនឹកគិតដល់ពុក កូនៗធ្វើការមិនទាន់ចប់ទេ ពុកអើយ អរគុណដល់ប្តីសំលាញ់ និងអាភឿនណាចា៎ មកដល់ហើយ ពុកឆាប់ជាណាពុក កូនពិតជាពិបាកចិត្តណាស់ ធ្វើការឲ្យគេមិនចង់កើត..»។</span></p>
<p><span style="color: #000000;">ឆ្លើយតបការសួរ នាំពីទស្សនិកជនតារាសម្តែងអ្នកនាង ខាត់ សុឃីម បានឲ្យដឹងទៀតថា «លោកពុករបស់ខ្ញុំគាត់បានធូរបន្តិចហើយ អរគុណមហាមិត្ត គាត់សង្រោះនៅសៀមរាប ។សូមអរគុណមិត្តរូមការងារ ផ្តល់កំលាំងចិត្តខលសួរសុខទុក្ខ។ គេហទំព័រ Khmertalking មិនទាន់អាចទំនាក់ទំនង ដើម្បីសួរនាំពីជំងឺលោក លីវ ខាត់ ឪពុករបស់តារាស្រីអ្នកនាង ខាត់ សុឃីម បាននៅឡើយទេ នាព្រឹកថ្ងៃទី២៨ ខែមករា នេះ »។</span></p>
<p><span style="color: #000000;">ទោះបីជាយ៉ាងណា ក្រោយពីទទួលបានដំណឹង នៃការធ្លាក់ខ្លួនឈឺធ្ងន់ ពីសំណាក់ឪពុករបស់ អ្នកនាង ខាត់ សុឃីម គេសង្កេតឃើញទស្សនិកជនគាំទ្រ និងអ្នកនិយមលេងហ្វេសប៊ុកជាច្រើន បានផ្ញើសារសួរនាំ ពីអាការៈជំងឺព្រមទាំងជូនពរ ឲ្យឪពុកអ្នកនាង ខាត់ សុឃីម គឺលោកតា លីវ ខាត់ ឆាប់ជាសះស្បើយ ពីជំងឺផងដែរ៕</span></p>
<p style="text-align: center;"><span style="color: #000000;"><img src="https://fbcdn-sphotos-b-a.akamaihd.net/hphotos-ak-xft1/v/t1.0-9/12647110_1551142375200128_8993290697695541557_n.jpg?oh=be9d3d4558a6ebba5f1545f0d3e9393c&oe=572E0DD6&__gda__=1462127287_3aaf111a1578ed690687b7ae4bb00431" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xta1/v/t1.0-9/12642978_1551142378533461_2369162306700179385_n.jpg?oh=f74a7f0aeba44d355f22a405ebcd3f36&oe=573525DD" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xtf1/v/t1.0-9/12439010_1551142385200127_4778763973135261898_n.jpg?oh=e39d84eed57ad8c1f12964b226d16005&oe=572FE9A8" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្រ្វេសញូវអាស៊ី</span></p>
</div>