<p><span style="color: #000000;"><strong>(ពោធិ៍សាត់)៖</strong> អ្នកគ្រូ កែវ វណ្ណា អាយុ ៤២ឆ្នាំ នាយិកាសាលាបឋមអូរដេកា ស្ថិតក្នុងភូមិអូរដេកា ឃុំប្រម៉ោយ ស្រុកវាលវែង ខេត្តពោ ធិ៍សាត់ បានស្លាប់បាត់បង់ជីវិតទាំងកូន នៅក្នុងផ្ទៃជិតគ្រប់ខែទៅហើយ ដោយសារតែជំងឺថប់ដង្ហើម នាម៉ោង៥៖១០នាទីព្រឹកថ្ងៃទី១៥ ខែមីនា ឆ្នាំ២០១៦នេះ ពេលដឹកបញ្ជូនមកសង្រ្គោះនៅមន្ទីរពេទ្យបង្អែក។</span></p>
<p><span style="color: #000000;">លោក ម៉ា សុភី ប្រធានភូមិអូរដេកា និងជាប្តីស្ត្រីរងគ្រោះ បានលើកឡើង ឲ្យដឹងថា នៅព្រឹកមិញភរិយារបស់លោក បានកើតជំងឺថប់ៗដង្ហើម ហើយណែនដើមទ្រូង ហើយក៏ដឹកបញ្ជូនមកដល់សង្រ្គោះនៅមន្ទីរពេទ្យបង្អែកខេត្ត ស្រាប់តែពេលកំពុងដឹក បញ្ជូននោះ ក៏ឡើងស្លេះ ហើយដាច់ខ្យល់ស្លាប់តាមផ្លូវតែម្តង។</span></p>
<p><span style="color: #000000;">បើតាមលោក ម៉ា សុភី ភរិយារបស់លោកមានកូនក្នុងផ្ទៃស្ទើរតែគ្រប់ខែទៅហើយ ហើយនេះក៏ជាកូនទី៣ នៃចំណងអាពាហ៍ពិពាហ៍ របស់លោកផងដែរ។ លោក ម៉ា សុភី ព្រោះតែក្តីស្រឡាញ់ បានយំឱបសពភរិយាគួរឲ្យសង្វេគ និងវិប្បយោគយ៉ាងខ្លាំង។</span></p>
<p><span style="color: #000000;">ជាមួយនិងដំណឹងមរណភាពរបស់អ្នកគ្រូ កែវ វណ្ណា ដែលជាមន្រ្តីរាជការនៅក្នុងខេត្តពោធិ៍សាត់នេះ អភិបាលខេត្តពោធិ៍សាត់ លោក ម៉ៅ ធនិន និងប្រធានមន្ទីរសុខាភិបាលខេត្ត បានចុះទៅជួបក្រុមគ្រួសារសពភ្លាមៗ នៅនិងមន្ទីរពេទ្យ និងចូលរួមរំលែកមរណទុក្ខ ជាមួយក្រុមគ្រួសារសពផងដែរ។</span></p>
<p><span style="color: #000000;">ក្នុងនាមសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន និងក្នុងនាមជាប្រធានកិត្តិយសសាខាកាកបាទក្រហមកម្ពុជាខេត្ត លោក ម៉ៅ ធនិន បានផ្តល់ថវិកា ២លានរៀលដល់ក្រុមគ្រួសារសព ដើម្បីចាត់ចែងធ្វើបុណ្យតាមប្រពៃណី។ លោកអភិបាលខេត្ត ក៏បានចាត់ចែង ឲ្យក្រុមការងារសាខាកាកបាទក្រហមខេត្តពោធិ៍សាត់ និងអនុសាខាកាកបាទក្រហមស្រុក ចុះជួយសម្រាលទុក្ខលំបាករបស់គ្រួសារ សពដល់គេហដ្ឋានក្នុងភូមិអូរដេកា ឃុំប្រម៉ោយ ស្រុកវាលវែង ខេត្តពោធិ៍សាត់ផងដែរ៕</span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xpf1/t31.0-8/858795_1570509583263407_3038198477875370433_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xpa1/t31.0-8/12366150_1570509573263408_8277062640566810276_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-f-a.akamaihd.net/hphotos-ak-xpf1/t31.0-8/10658854_1570509673263398_5141746371471426468_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-h-a.akamaihd.net/hphotos-ak-xlp1/t31.0-8/12513741_1570509579930074_3300625154228285274_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-c-a.akamaihd.net/hphotos-ak-xpa1/t31.0-8/1273596_1570509656596733_5960080514461929887_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-d-a.akamaihd.net/hphotos-ak-xtl1/t31.0-8/10604097_1570509716596727_1572981184503917428_o.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>