<p><span style="color: #000000;"><strong>(ភ្នំពេញ)៖</strong> ក្រសួងសុខាភិបាល នៅថ្ងៃនេះបានចេញសារព្រមាន ដោយដាក់ចំណងជើងថា «ស្រាស ឬ ស្រាថ្នាំ ដែលផលិតនៅក្នុងតំបន់ យើងនេះ មានកម្រិត ជាតិពុលខ្ពស់»។ សារព្រមានរបស់ក្រសួងសុខាភិបាលនៅថ្ងៃទី១៥ ខែធ្នូ ឆ្នាំ២០១៥នេះ បានធ្វើឡើងក្នុងបំណង ដាស់តឿន និងក្រើនរំលឹកដល់ប្រជាពលរដ្ឋកម្ពុជា នៅទូទាំងប្រទេសឲ្យឈប់ផឹកស្រាស ឬ ស្រាថ្នាំ។</span></p>
<p><span style="color: #000000;">សារព្រមាននេះ បានធ្វើឡើងភ្លាមៗ បន្ទាប់ពីប្រជាពលរដ្ឋនៅខេត្ត ក្រចេះ ១៩០នាក់ បានពុលស្រាស និងស្លាប់រហូតដល់ ២១នាក់ គិត ចាប់ពីថ្ងៃទី១៩ ខែវិច្ឆិកា ឆ្នាំ២០១៥មក។</span></p>
<p><span style="color: #000000;">សារព្រមានរបស់ក្រសួងសុខាភិបាល រួមមាន៖ «កុំឲ្យផឹកស្រាស ឬស្រាថ្នាំ», «បើនៅតែផឹក អ្នកនឹងឈឺ ឬស្លាប់»។</span><br /><span style="color: #000000;">ក្នុងសារនេះ ក្រសួងក៏បានណែនាំផងដែរថា បើប្រជាពលរដ្ឋរងគ្រោះដោយស្រាស សូមប្រញាប់ទៅកាន់មណ្ឌលសុខភាព ឬ មន្ទីរពេទ្យ ដែលនៅជិតជាបន្ទាន់៕</span></p>
<p><span style="color: #000000;">សូមអានសារព្រមានរបស់ក្រសួងសុខាភិបាល ដែលមានខ្លឹមសារដូចខាងក្រោម៖</span></p>
<p><span style="color: #000000;"><a class="thickbox" title="" href="/FileManager/Commons/2015/12/15/1236605515327277670415891735804066702665468o-15-12-2015--10-30-50.jpg"><span style="color: #000000;"><img src="/FileManager/Articles/mce/2015/12/15/1236605515327277670415891735804066702665468o-15-12-2015--10-30-50.jpg" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ហ្រ្វេសញ៉ូវអាស៊ី</span></p>