<p><span style="color: #000000;"><strong>(ភ្នំពេញ)៖</strong> «មានគេស៊ើបសួរខ្ញុំច្រើន សួររបៀបបញ្ឆិតបញ្ឆៀង លើរឿងនេះ តែខ្ញុំបានបដិសេធចំពោះការដោះដូរខ្លួនប្រាណ ដើម្បីបានភាពល្បី ព្រោះខ្ញុំចង់មានអ្វីៗ ដោយសមត្ថភាពពិតៗ មិនពឹងគេ ឬឲ្យមានគេជួយតាមរបៀបនេះ និយាយរួមខ្ញុំអត់ចង់បានការដោះដូរ អ្វីឡើយ»។ នេះជាការលើកឡើង របស់អតីតបេក្ខនារី ក្នុងកម្មវិធី «The voice Cambodia» កញ្ញា តាក់ ណារីតា ដែលបានថ្លែងប្រាប់ Khmertalking នាយប់ថ្ងៃទី០៩ ខែកញ្ញា ឆ្នាំ២០១៦នេះ ក្នុងឱកាសថ្ងៃខួបកំណើត របស់នាង។</span></p>
<p><span style="color: #000000;">អតីតបេក្ខនារី ក្នុងកម្មវិធីលំដាប់ពិភពលោក និងបច្ចុប្បន្នជាតារាចម្រៀងប្រចាំ នៅក្នុងភោជនីយដ្ឋាន Beer Station រូបនេះ បានឲ្យដឹងទៀតថា នាងពិតជាស្រឡាញ់សិល្បៈខ្លាំង ហើយក្នុងជីវិតរបស់នាង នឹងផ្ញើខ្លួនផ្ញើប្រាណ លើមាគ៌ាសិល្បរហូតហើយ ប៉ុន្តែមិនមែនតែដើម្បីភាពល្បីល្បាញ នាងសុខចិត្តធ្វើអ្វីមួយតាមផ្លូវកាត់ ឬដោយការដោះដូរខ្លួនប្រាណ នោះទេ ពោលគឺចង់ឲ្យមានកេរ្តិ៍ឈ្មោះ ដោយសមត្ថភាពខ្លួនឯងពិតៗ ដោយទេពកោសល្យពិតៗ ហើយនាងក៏មិនចូលចិត្ត អ្នកដែលចង់ឲ្យនាងល្បី តាមផ្លូវបែបនេះឡើយ។</span></p>
<p><span style="color: #000000;">ស្រីស្រស់ទើបតែប្រារព្ធ កម្មវិធីខួបកំណើតគម្រប់វ័យ២៣ឆ្នាំ កញ្ញា តាក់ ណារីតា បានសង្កត់ធ្ងន់ថា អ្វីដែលនាងធ្វើសព្វថ្ងៃនេះ គឺដើម្បីបំពេញក្ដីបំណងរបស់ខ្លួន ដែលបានប៉ងប្រាថ្នាជាយូរមកហើយ តែក្នុងការងារនេះ ជាធម្មតាតែងតែមានអ្នកមកសួរនាំនាង ដោយប្រយោល គេមិនហ៊ានសួរត្រង់ៗទេ ប៉ុន្តែចម្លើយ គឺមិនអាចទទួលយកបាន ព្រោះការឆ្លងបទពិសោធន៍ រយៈពេលជាង៣ឆ្នាំមកនេះ នាងអាចយល់ដឹងច្រើនហើយ។</span></p>
<p><span style="color: #000000;">សកម្មភាពសិល្បៈ របស់តារាចម្រៀង តាក់ ណារីតា ត្រូវបានគេសង្កេតឃើញថា បច្ចុប្បន្ននេះ នាងកំពុងតែនិពន្ធបទភ្លេង និងទំនុកច្រៀងថ្មី «Oragenal Song» ដោយខ្លួនឯង ហើយបទនោះ មានចំណងជើងថា «បាន iPhone6 ចោល អិនចុចពិល» ប៉ុន្តែព្រោះនាងត្រូវជាប់កុងត្រា១ឆ្នាំ ជាមួយកម្មវិធី «The voice Cambodia» នាងមិនទាន់អាចចូលជ្រក ក្នុងផលិតកម្មណាមួយបានឡើយ ទោះបីជាកន្លងមក មានគេទាក់ទងមកច្រើនក្ដី។</span></p>
<p><span style="color: #000000;">កញ្ញា តាក់ ណារីតា ត្រូវបានមហាជនស្គាល់ជាទូទៅថា នាងជាបេក្ខនារីលេចធ្លោមួយរូប ក្នុងកម្មវិធី «The voice Cambodia» រដូវការទី២ ដែលបានជាប់ ដល់វគ្គ Live Show តាមរយៈការបកស្រាយបទចម្រៀង មានចំណងជើងថា «ភ្លៀវធ្លាក់ក្នុងបេះដូង»។ ទោះបីជាមិនបានជាប់ជាជយលាភីក្ដី ប៉ុន្តែនាងសប្បាយចិត្ត និងចង់បង្ហាញស្នាដៃខ្លួនឯង តាមរយៈ ការធ្វើបទ «Oragenal Song» ហើយបើមានការគាំទ្រខ្លាំង នាងនឹងនឹងប្រឹងប្រែង ឲ្យអស់ពីលទ្ធភាព៕</span></p>
<p><span style="color: #000000;"><img src="http://image.freshnewsasia.com/2016/fn-2016-09-10-12-34-32-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/fn-2016-09-10-12-34-32-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/fn-2016-09-10-12-34-32-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/fn-2016-09-10-12-34-46-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/fn-2016-09-10-12-34-57-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/fn-2016-09-10-12-34-57-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/fn-2016-09-10-12-34-58-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/fn-2016-09-10-12-34-58-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/fn-2016-09-10-12-34-58-4.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/fn-2016-09-10-12-34-58-5.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/fn-2016-09-10-12-34-59-6.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/fn-2016-09-10-12-34-59-7.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/fn-2016-09-10-12-35-02-0.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>