<p><span style="font-size: 12px; color: #000000;">(ញូដេលី)៖ ប្រទេសឥណ្ឌាបានសម្រេចជោគជ័យដ៏ធំធេង គឺការបាញ់បង្ហោះគ្រាប់រ៉ុក្កែតមួយគ្រាប់ ដែលស្តុកផ្កាយរណប បានរហូតទៅដល់ ២០ គ្រឿងទៅកាន់ទីអវកាសក្នុងពេលតែមួយ ពីមជ្ឈមណ្ឌលអវកាស Sriharikota ស្ថិតនៅក្នុងរដ្ឋ Andhra Pradesh ភាគខាងត្បូងប្រទេស។ នេះបើតាមការចេញផ្សាយមុននេះបន្តិច ដោយទីភ្នាក់ងារព័ត៌មានចិនស៊ិនហួរ នារសៀលថ្ងៃពុធ ទី២២ ខែមិថុនា ឆ្នាំ២០១៦។</span></p>
<p><span style="font-size: 12px; color: #000000;"><a class="thickbox" title="" href="/FileManager/Commons/2016/6/23/20c-23-06-2016--09-59-00.jpg"><img src="/FileManager/Articles/mce/2016/6/23/20c-23-06-2016--09-59-00.jpg" alt="" /></a><br /></span></p>
<p><span style="color: #000000;">គ្រាប់រ៉ុក្កែត ដែលជួយដឹកនាំផ្កាយរណបទាំង ២០គ្រឿងនោះមានឈ្មោះថា Polar Satellite Launch Vehicle (PSLV) ត្រូវបានបាញ់បង្ហោះដោយជោគជ័យកាលពីព្រឹកថ្ងៃពុធ នេះ។ ផ្កាយរណបទាំង ២០គ្រឿងនោះ គឺបានមកពី ក្រុមហ៊ុន Cartosat, Terra Bella របស់ Google, និង ១៨គ្រឿងផ្សេងទៀតបានមកពីក្រុមហ៊ុនក្នុងនិងក្រៅស្រុក ដែលភាគច្រើនជាប្រភេទផ្កាយរណបដើម្បី អង្កេត និងសិក្សាលក្ខណៈជាទូទៅលើផែនដី។</span></p>
<p><span style="color: #000000;">គួរបញ្ជាក់ថាគ្រាប់រ៉ុក្កែត PSLV មានប្រវែង ៤៤,៤ម៉ែត្រ និងទម្ងន់ ៣២០តោន ត្រូវបានបាញ់ចេញកាលពីវេលាម៉ោង ៩៖២៦នាទីព្រឹកថ្ងៃពុធ ម៉ោងនៅទីក្រុងញូដេលី។ ដោយឡែកផ្កាយរណបចំនួន ២០គ្រឿងនោះសរុបមានទំងន់ ១,២៨៨ គីឡូក្រាម ដោយបានចំណាយពេល ២៦នាទី ទើបអាចបញ្ជូនទៅដល់គន្លងតារាវិថី។ រូបភាពពីផ្កាយរណប មួយចំនួន នឹងផ្តល់ផលប្រយោជន៍ដល់ផ្នែកគ្រប់គ្រង ភូមិសាស្ត្រ ធារាសាស្ត្រ និង ការអភិវឌ្ឍជនបទ៕</span></p>
<p style="text-align: right;"><span style="color: #000000;">ប្រភព ៖ ស៊ិនហួរ</span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>