<p><span style="color: #000000;"><strong>ប៉ៃលិន៖</strong> ប្តីជនដៃដល់ ប្រមឹកផឹកស្រវឹងជោគ ប្រើអំពើរហិង្សាទៅលើប្រពន្ធខ្លួនឯងរងបួសធ្ងន់ ភ័យខ្លាំងពេក រត់គេចខ្លួនបាត់ស្រមោលតែម្តង។ ហេតុការណ៍ប្ ដីវាយប្រពន្ធនេះបានកើតឡើង នៅវេលាម៉ោង១២ និង៣០នាទីរំលងអធ្រា ថ្ងៃទី០៥ ខែវិច្ឆិការ ឆ្នាំ២០១៥ នៅមុខផ្ទះស្ត្រីរងគ្រោះ ក្នុងភូមិអូរតាប្រាំង សង្កាត់ប៉ៃលិន ក្រុងប៉ៃលិន ខេត្តប៉ៃលិន ។</span></p>
<div>
<p><span style="color: #000000;">បើតាមប្រភពប្រាប់ថា ប្តីប្រមឹកជាជនដៃដល់ បានស្រវឹងជោគ មកពីរកន្លែងកាប់ជ្រូក ដោយខឹងប្រពន្ធដើរទៅ មើលប្អូនស្រីថ្លៃ របស់ប្ដី ឆ្លងទន្លេ ទើបចេញពីមន្ទីរពេទ្យ ក៏ស្ដីបន្ទោសអោយប្រពន្ធ បន្ទាប់មកប្ដីយកដែកជ្រុង វាយទៅលើប្រពន្ធ បែកក្បាល និងវាយចំខ្នង ចំកំភួនជើងជាច្រើនដែក បណ្តាលសន្លប់មួយស្ទុះ។ ក្រោយពីដឹងខ្លួន ក៏រត់ទៅផ្ទះមេក្រុម និងមេភូមិ ដែលនៅជិតគ្នាឲ្យជួយហៅ រថយន្តសង្គ្រោះ របស់មន្ទីរពេទ្យបង្អែក ខេត្តប៉ៃលិន បានយកទៅព្យាបាល ដោយឃើញឱកាសល្អ ក៏គេខ្លួនតែម្តង។</span></p>
<p><span style="color: #000000;">ស្ត្រីជនរងគ្រោះដែលប្ដីវាយបែកក្បាល ត្រូវជើងធ្ងន់ធ្ងរនេះ ឈ្មោះ សាត ធីតា អាយុ៣៤ឆ្នាំ កម្មករ លាង ចាន ហាងគុយឲ្យគេ នៅជិតផ្សារប៉ាហ៊ីប៉ៃលិន។ ចំណែកប្ដី ជាជនដៃដល់ ឈ្មោះម៉ម ហ៊ាន ភេទប្រុស អាយុ៣៣ឆ្នាំ មុខរបរកម្មករកាប់ជ្រូក ក្រោយពីប្ដីប្រើហិង្សាទៅលើប្រពន្ធរួច ក៏ជិះម៉ូតូគេច ខ្លួនបាត់ ស្រមោល។</span></p>
<p><span style="color: #000000;">បច្ចុប្បន្ននេះកម្លាំងសមត្ថកិច្ច អ ហ ខេត្តប៉ៃលិន កំពុងតែស្រាវជ្រាវ ដើម្បីចាប់យកជនដៃដល់ មកផ្តន្ទាទោស តាមច្បាប់៕</span></p>
<p><span style="color: #000000;"><a class="thickbox" title="" href="/FileManager/Commons/2015/11/6/11-6-2015-8-38-55-am-06-11-2015--08-45-43.png"><span style="color: #000000;"><img src="/FileManager/Articles/mce/2015/11/6/11-6-2015-8-38-55-am-06-11-2015--08-45-43.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/11/6/11-6-2015-8-39-11-am-06-11-2015--08-45-55.png"><span style="color: #000000;"><img src="/FileManager/Articles/mce/2015/11/6/11-6-2015-8-39-11-am-06-11-2015--08-45-55.png" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>
</div>