<p><span style="color: #000000;">ព័ត៌មានកីឡា៖ កីឡាករ Cristiano Ronaldo ផ្ទេរចេញពីក្លឹប Man United ចូលមក Real Madrid កាលពីឆ្នាំ ២០០៩ ជាមួយនឹងតម្លៃខ្លួនដែលខ្ពស់ជាងគេ ក្នុងទឹកដីអង់គ្លេសគឺដល់ទៅ៨០ លានផោន ។ ស្របពេលនៃការចាកចេញ ពេលនោះ Man United ក៏មានការសោកស្ដាយជាខ្លាំងផងដែរ រហូតមកទល់ពេលនេះ ។ ក្រោយពេល Ronaldo បានចាកចេញប្រមាណជា ៤ រដូវកាល លោក Sir Alex Ferguson ក៏ចូលនិវត្ដ អ្នក គ្រប់គ្រងជាបន្ដបន្ទាប់ ដូចជាលោក Louis Van Gaal បច្ចុប្បន្នបានព្យាយាម ចូលសួរនឹងតាមដានជាប់ ជាមួយ ទីផ្សារកីឡាករ ម្នាក់នេះត្រលប់មកវិញ ប៉ុន្ដែលទ្ធផលមិនទាន់មាននៅឡើយ ។ </span></p>
<p><span style="color: #000000;">យោងតាមគេហទំព័រ Mirror បានបង្ហាញ ឲ្យដឹងថា លោក Cristiano Ronaldo នឹងមិនចូលនិវត្ដក្នុងក្លឹប Real Madrid នោះទេ ដោយអាចនឹងវិលត្រលប់ទៅកាន់ Man United ថ្ងៃណាមួយមិនខានឡើយ។ ដោយហេតុ ហ៊ានអះអាង យ៉ាងដូច្នេះ ព្រោះថាពាក្យសម្ដីរបស់កីឡាករបាននិយាយប្រាប់អ្នកសារព័ត៌មានស្របពេល មានសំណូរលើកឡើងថា » ថាតើនៅថ្ងៃអនាគត កីឡាករនឹងវិលត្រលប់ទៅកាន់ Man United វិញដែរឬទេ? » ស្របពេលនោះ កីឡាករបានថ្លែងដោយច្បាស់ថាៗ » ហេតុអ្វីបានអត់ សម្រាប់ពេលអនាគត ដូចអ្វីដែលខ្ញុំធ្លាប់និយាយជាច្រើនដងទៅហើយ ថាខ្ញុំក៏មិនដឹងដែរ ថានឹងមានរឿងអ្វីកើតឡើង ប៉ុន្ដែសម្រាប់ពេលនេះ ខ្ញុំគ្រាន់តែចង់នៅក្នុងទឹកដី Real Madrid នៅឡើយ »។ ប៉ុន្ដែសម្រាប់លោក Jorge Mendes ភ្នាក់ងាររបស់កីឡាករ ផ្ទាល់បាននិយាយថា Ronaldo គឺមិនវិលត្រលប់ទៅកាន់ Man United ទេ នៅថ្ងៃអនាគត។</span></p>
<p><span style="color: #000000;"><a class="thickbox" title="" href="/FileManager/Commons/2015/11/10/11-10-2015-9-40-44-am-10-11-2015--09-49-02.png"><span style="color: #000000;"><img src="/FileManager/Articles/mce/2015/11/10/11-10-2015-9-40-44-am-10-11-2015--09-49-02.png" alt="" /></span></a><br /></span></p>
<p style="text-align: right;"><span style="color: #000000;">ដោយ៖ អឿ អ៊ុយ</span></p>
<p style="text-align: right;"><span style="color: #000000;">ប្រភព៖ Mirror </span></p>