<p><span style="color: #000000;"><strong>(ភ្នំពេញ)៖</strong> កីឡាករខ្សែបម្រើប្រយុទ្ធ Chen Po-liang របស់ក្រុមជម្រើសជាតិចិនតៃប៉ិ បានចេញសេចក្តីថ្លែងការណ៍ មួយ ឆ្លើយតបទៅនឹងអ្នកគាំទ្រនៅលើបណ្តាញសង្គម Facebook របស់កម្ពុជា ដែលគំរាមប្រឆាំងនឹងរូបគេវិញ ពេលមកប្រកួតជើងទី២ នៃវគ្គជម្រុះបឋម ពានរង្វាន់ប្រចាំទ្វីបអាស៊ី Asian Cup 2019 ថ្ងៃទី០៧ ខែមិថុនាខាងមុខ។</span></p>
<p><span style="color: #000000;">តាមរយៈសារព័ត៌មាន China Times ដែលបានដកស្រង់សេចក្តីថ្លែងការណ៍របស់កីឡាករវ័យ២៧ឆ្នាំ Po-liang ឲ្យដឹងថា <strong>«ខ្ញុំក៏ដូចអ្នកខ្លះបាននិយាយដែរ ខ្ញុំមិនបានប៉ះអ្នកទេ ក្រោកឡើងមក! តាមពិតបាល់ទាត់ វាតែងតែ មានការអធ្យាស្រ័យឲ្យគ្នាជានិច្ចនៅលើទីលាន ជាមួយនឹងលទ្ធផលឈ្នះ-ចាញ់ គ្រាន់តែជាលទ្ធផលគួរឲ្យ ត្រេកអរប៉ុណ្ណោះ»</strong>។</span></p>
<p><span style="color: #000000;">ក្នុងសេចក្តីថ្លែងការណ៍នោះដដែលបានបន្តថា <strong>«គ្រប់ការប្រកួត នរណាក៏ចង់ឈ្នះដែរ ប៉ុន្តែនោះគ្រាន់តែជាល្បែងមួយ ប៉ុណ្ណោះ ហើយក្រោយពេលបញ្ចប់ការប្រកួត ខ្ញុំក៏បាននិយាយ និងចាប់ដៃកីឡាករកម្ពុជាទៀតផង»</strong>។</span></p>
<p><span style="color: #000000;">ទន្ទឹមគ្នានោះដែរ Chen Po-liang ក៏បានថ្លែងអំណរគុណចំពោះអ្នកគាំទ្រចិនតៃប៉ិ និងក្រុមអ្នកគាំទ្រកម្ពុជាផងដែរ ហើយក៏រំពឹងថា អ្នកគាំទ្រកម្ពុជា មិនយកគំនុំគុំគួនរូបលោក ពេលមកប្រកួតជើងទី២នៅពហុកីឡដ្ឋានជាតិ ថ្ងៃទី០៧ ខែមិថុនាខាងមុខឡើយ ដោយលោកបន្តពង្រឹងសមត្ថភាពខ្លាំងឡើង ដើម្បីជួយក្រុមចិនតៃប៉ិ បើទោះបីជាការប្រកួត នៅលើកឆាកអន្តរជាតិ ជារឿងដ៏គួរឲ្យចាប់អារម្មណ៍ និងស្វិតស្វាញបំផុតនៅលើទីលានក៏ដោយ។</span></p>
<p><span style="color: #000000;">សូមរំលឹកថា តាមរយៈវិដេអូផ្សាយបន្តផ្ទាល់នៅលើកញ្ចក់ទូរទស្សន៍ BTV-News និង Fresh News TV បានឃើញ យ៉ាងច្បាស់ថា កីឡាករកម្ពុជា ឈិន ឈឿន បានដួលក្នុងប្រអប់គ្រោះថ្នាក់ ដែលជាការប៉ះទង្គិចគ្នាជាមួយ Chen Po-liang នៅនាទីទី៨០ ចុងម៉ោងក្នុងវគ្គទី២ និងពុំត្រូវបានពិន័យកាតអ្វីឡើយ ក្រៅពីលោកអាជ្ញាកណ្តាលហៅមក ព្រមានប៉ុណ្ណោះ ដោយអាចជាកំហុសដោយអចេតនារបស់គេ ក៏ថាបាន៕</span></p>
<p><span style="color: #000000;"><img src="https://fbcdn-sphotos-c-a.akamaihd.net/hphotos-ak-xap1/t31.0-8/13308304_1736438613262323_7569618853185675720_o.png" alt="" width="730" /></span></p>
<p><span style="color: #000000;"><img src="https://fbcdn-sphotos-g-a.akamaihd.net/hphotos-ak-xlp1/v/t1.0-9/13315338_1736438606595657_649024406599041826_n.png?oh=364bde01b52fa04efdc4334f891f5548&oe=57C6E874&__gda__=1472804454_66fc5e5a0283a744f060b4c55b76189a" alt="" width="730" /></span></p>
<div id="news_detail" class="postcontainer">
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>
</div>
<div class="detail_bottom_function">
<div class="facebook_like"></div>
</div>