<p><span style="color: #000000;"><strong>(វ៉ាស៊ីនតោន)៖</strong> សហរដ្ឋអាមេរិកបានសម្រេចចេញចំណាត់ការក្តៅមួយ គឺការហាមឃាត់ស្ថានប័នហិរញ្ញវត្ថុរបស់ខ្លួនក្នុងការបើកដំណើរ ឬក៏បង្កើតគណនីណាមួយជាមួយនឹង ធនាគាររបស់ប្រទេស កូរ៉េខាងជើង ដែលនេះជាទណ្ឌកម្មមួយទៀតឆ្លើយតបទៅនឹងការអភិវឌ្ឍកម្មវិធីផលិតគ្រាប់មីស៊ីល និងអាវុធនុយក្លេអ៊ែរដែលមិនព្រមបញ្ឈប់តាមការទាមទាររបស់អន្តរជាតិ។ នេះបើតាមការចេញផ្សាយ ដោយសារព័ត៌មាន Channel News Asia នាព្រឹកថ្ងៃសៅរ៍ ទី០៥ ខែវិច្ឆិកា ឆ្នាំ២០១៦។</span></p>
<p><span style="color: #000000;"><br /><a class="thickbox" title="" href="/FileManager/Commons/2016/11/5/21-05-11-2016--11-24-18.jpg"><img src="/FileManager/Articles/mce/2016/11/5/21-05-11-2016--11-24-18.jpg" alt="" /></a><br /></span></p>
<p><span style="color: #000000;">ក្រសួងរតនាគារជាតិអាមេរិកបានប្រកាសថា ប្រទេសកូរ៉េខាងជើងបានប្រើប្រាស់ក្រុមហ៊ុនធំៗមួយចំនួន និងទីភ្នាក់ងារផ្សេងៗទៀតដើម្បីផ្ទេរហិរញ្ញវត្ថុទៅកាន់ទីក្រុងព្យុងយ៉ាងក្នុងការទ្រទ្រង់ការផលិតអាវុធប្រល័យលោកហើយទង្វើបែបនេះក៏កំពុងប្រឆាំងនឹងទណ្ឌកម្មរបស់អន្តរជាតិផងដែរ។ លោក Adam Szubin អនុរដ្ឋមន្ត្រីស្តីទីនៃក្រសួងរតនាគារអាមេរិកបានថ្លែងថា <strong>«ជំនួយទាំងនោះមិនមានកត់ត្រានៅក្នុងប្រព័ន្ធគ្រប់គ្រងហិរញ្ញវត្ថុនោះទេ ដូច្នេះអាមេរិកបានសម្រេចដាក់ការហាមឃាត់ជាទូទៅមិនឲ្យមានការជាប់ពាក់ព័ន្ធនឹងស្ថាប័នហិរញ្ញវត្ថុណាមួយនៅក្នុងប្រទេសកូរ៉ខាងជើងនោះឡើយ»</strong>។</span></p>
<p><span style="color: #000000;">គួរបញ្ជាក់ថាចាប់តាំងពីដើមឆ្នាំ២០១៦មក ប្រទេសកូរ៉េខាងជើងបានទទួលរងទណ្ឌកម្មជាច្រើនពីអន្តរជាតិដែលទណ្ឌកម្មទាំងនោះស្ថិតនៅក្នុងគោលដៅបង្ខំឲ្យទីក្រុងព្យុងយ៉ាងបញ្ឈប់កម្មវិធីនុយក្លេអ៊ែរ និងការផលិតគ្រាប់មីស៊ីលដ៏មានអានុភាព ប៉ុន្តែរដ្ឋកុម្មុយនិស្តមួយនេះមិនព្រមបន្ថយឥទ្ធិពលរបស់ខ្លួននោះឡើយដោយនៅតែបន្តសកម្មភាពផលិត និងសាកល្បងអាវុធកាន់តែខ្លាំងឡើងៗ ដែលបានបង្កឲ្យសន្តិសុខនៅក្នុងតំបន់ធ្លាក់ទៅក្នុងហានិភ័យខ្ពស់ជាងមុន៕</span></p>
<p><br /><a class="thickbox" title="" href="/FileManager/Commons/2016/11/5/21a-05-11-2016--11-23-50.jpg"><img src="/FileManager/Articles/mce/2016/11/5/21a-05-11-2016--11-23-50.jpg" alt="" /></a></p>
<p style="text-align: right;"><span style="color: #000000;">ប្រភព ៖ CNA</span></p>