<p>ព័ត៌មានអន្តរជាតិ ៖ នាវេលាថ្ងៃត្រង់ ថ្ងៃមិញនេះ ម៉ោង ប្រមាណជាង ១២ និង ១២ នាទី ទំព័រសារ ព័ត៌មានរដ្ឋចិន ស៊ិនហួរ បានចុះអត្ថបទផ្សាយ អោយដឹងថា កំទេចកំទី អណ្តែតលើទឹកជាច្រើន ត្រូវបានគេប្រទះឃើញ ដោយយន្តហោះល្បាត នៅម្តុំដែលនាវាអូស្រ្តាលី Ocean Shield ចាប់បាន រលកសញ្ញាសង្ស័យ នេះបើតាមការអោយដឹង ពីមន្រ្តីផ្លូវការ តំណាងអោយនាវាល្បាតចិន Haixun 01 បញ្ជាក់អោយដឹងនៅថ្ងៃពុធនេះ ។</p>
<p><a class="thickbox" title="" href="/FileManager/Commons/2014/4/9/5378118-3x2-700x467-09-04-2014--14-56-19.jpg"><img src="/FileManager/Articles/mce/2014/4/9/5378118-3x2-700x467-09-04-2014--14-56-19.jpg" alt="" /></a></p>
<p>គួរបញ្ជាក់ថា នាវាល្បាត Haixun 01 បាននឹងកំពុងធ្វើដំណើរទៅតំបន់ អទិភាព ក្នុងការរុករកមាន ដែនវិសាលភាព ប្រមាណជាង ៧៥,០០០ គីឡូម៉ែត្រការ៉េ ពោលរាល់បំណែកកំទេចកំទី ទាំងអស់ ដែលបានចាប់ជាប់ នៅម្តុំ នាវា ចាប់បានរលកសញ្ញានោះ វាត្រូវបានគេសង្ស័យថា អាចជា បំណែក កំទេចកំទី របស់យន្តហោះ ម៉ាឡេស៊ី MH370 ។</p>
<p>បន្ថែមពីលើនេះ មន្រ្តីផ្លូវការ តំណាងអោយ នាវាល្បាតចិន Haixun 01 បានផ្តល់ជាកិច្ចសម្ភាសន៍ ដល់ទីភ្នាក់ងារ សារព័ត៌មានស៊ិនហួរ អោយដឹងថា ព័ត៌មានចុងក្រោយ នៃការប្រទះឃើញរាល់ បំណែកទាំងនេះ ត្រូវបានរាយការណ៍អោយដឹងកាលពី រាត្រី ថ្ងៃអង្គារ ម្សិលមិញនេះ ដោយមជ្ឈ មណ្ឌលសម្របសម្រួល ប្រទេសអូស្រ្តាលី Australia's Joint Agency Coordination Center (JACC)។</p>
<p><a class="thickbox" title="" href="/FileManager/Commons/2014/4/9/96-09-04-2014--14-56-28.jpg"><img src="/FileManager/Articles/mce/2014/4/9/96-09-04-2014--14-56-28.jpg" alt="" /></a></p>
<p>គួររំឭកផងដែរថា នាវាជាច្រើនគ្រឿង ត្រូវបានគេដាក់ពង្រាយ នៅតំបន់រុករក មានអទិភាពខាង លើ ក្រោយពីរដ្ឋាភិបាលប្រទេសចិន ក៏ដូចជា ប្រទេសអូស្រា្តលី កាលពីពេលកន្លងទៅនេះ បាន រាយការណ៍អោយដឹងថា ខ្លួនបានចាប់ជាប់ រលកសញ្ញា ជាច្រើនលើកច្រើនសា សង្ស័យចេញពី ប្រអប់ខ្មៅ យន្តហោះម៉ាឡេស៊ី MH370 ៕</p>
<p style="text-align: right;">ប្រែសម្រួល ៖ កុសល<br /> ប្រភព ៖ ស៊ិនហួរ</p>