<div class="article-content">
<p><strong>ភ្នំពេញ ៖</strong> មន្រ្តីជាន់ខ្ពស់ កម្ពុជា-ថៃ នឹងបើកកិច្ចប្រជុំរួមគ្នាមួយ នៅថ្ងៃទី០៨ ខែឧសភា ឆ្នាំ ២០១៣<br /> ដើម្បីរិះរកវិធី ទប់ស្កាត់ប្រជាពលរដ្ឋកម្ពុជា មិនឲ្យ ឆ្លងដែនខុសច្បាប់ ចូលទៅកាប់ឈើគ្រញូង ក្នុង<br />ទឹកដីថៃ ក៏ដូចជៀសវាងការ បាញ់សម្លាប់ ពីសំណាក់ទាហានថៃផងដែរ ។</p>
<p>ក្រសួងការបរទេសកម្ពុជា នៅថ្ងៃទី៣០ ខែមេសា ឆ្នាំ ២០១៣ បានចេញ សេចក្តីប្រកាសព័ត៌មាន ឲ្យ<br />ដឹងថា កិច្ច ប្រជុំនេះ នឹងធ្វើឡើង នៅទីក្រុងប៉ោយ ប៉ែត ខេត្តបន្ទាយមានជ័យ ដោយភាគីកម្ពុជា ដឹក<br />នាំដោយលោក ឡុង វីសាឡូ រដ្ឋលេខាធិការក្រសួងការបរទេស និងសហប្រតិបត្តិការអន្តរជាតិ ដោយ<br />ឡែកភាគីថៃដឹកនាំដោយលោក Jullapong Nonsrichai អនុរដ្ឋមន្រ្តីការបរទេសថៃ ។</p>
<p>សេចក្តីប្រកាសព័ត៌មាន ដដែលនេះ បានបញ្ជាក់ថា កិច្ចពិភាក្សារវាងមន្រ្តីជាន់ខ្ពស់ នៃប្រទេសទាំងពីរ<br /> អាចនឹងរៀប ចំឲ្យមានការដើរល្បាត រួមគ្នា តាម បណ្តោយព្រំដែន កម្ពុជា-ថៃ ដើម្បីទប់ស្កាត់នូវសកម្ម<br />ភាព ឆ្លងដែនដោយខុសច្បាប់ និងប្រកបដោយគ្រោះថ្នាក់ ដែលកើតមានជារឿយៗ នាពេលកន្លងមក។</p>
<p>លោក កុយ គួង អ្នកនាំពាក្យក្រសួងការបរទេស បានថ្លែងប្រាប់ មជ្ឈមណ្ឌលព័ត៌មានដើមអម្ពិល ឲ្យ<br />ដឹងថា កិច្ច ប្រជុំពិភាក្សានេះ អាចនឹងជួយទប់ ស្កាត់ ការឆ្លងដែន ដោយខុសច្បាប់ របស់ប្រជាពលរដ្ឋ<br />ខ្មែរ ក៏ដូចជាជៀសវាង ការបាញ់ប្រហារ ពីសំណាក់ទាហានថៃ ឲ្យបានប្រសើរជាងមុន ។</p>
<p>បើយោងតាមរបាយការណ៍ ពីក្រសួងការបរទេស បានឲ្យដឹងថា រយៈពេល ៤ខែ ដើមឆ្នាំ ២០១៣ ប្រជា<br />ពលរដ្ឋ ខ្មែរ ចំនួន៧នាក់ បានរងនូវការ បាញ់សម្លាប់ ពីទាហានថៃ ខណៈដែលពួកគេព្យាយាមឆ្លងដែន<br /> ចូលទៅកាប់ឈើ គ្រញូងនៅលើទឹកដីថៃ៕</p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>