<p><span style="color: #000000;"><strong>ភ្នំពេញ៖</strong> ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា បានមានព្រះរាជបន្ទូលថា ប្រជាពលរដ្ឋខ្មែរ ក៏អាចដោះស្រាយបញ្ហារបស់ខ្លួន ដោយខ្លួនឯងបានដែរ មិនចាំបាច់ ពឹងពាក់បរទេសនោះឡើយ។ នេះបើយោងតាមប្រធានគណបក្សសង្គ្រោះជាតិ លោក សម រង្ស៊ី ដែលបានដក ស្រង់ព្រះរាជបន្ទូលរបស់ព្រះមហាក្សត្រ នៅក្នុងព្រះរាជសារផ្ញើជូនសម័យប្រជុំរដ្ឋសភាលើកទី៤ នីតិកាលទី៥ នាថ្ងៃទី០៧ ខែមេសា ម្សិលមិញនេះ។</span></p>
<p><span style="color: #000000;">បើតាមទំព័រសង្គមហ្វេសប៊ុក លោក សម រង្ស៊ី បានដកស្រង់ព្រះរាជបន្ទូលរបស់ព្រះមហាក្សត្រខ្មែរមកផ្សព្វផ្សាយ ថា ចាប់តាំងពីគណបក្សប្រជាជនកម្ពុជា និងគណបក្សសង្រ្គោះជាតិ បានចុះកិច្ចព្រមព្រៀងនឹងគ្នា កាលពីថ្ងៃទី ២២ ខែកក្កដា ឆ្នាំ២០១៤ ប្រជាជាតិកម្ពុជា មានការលើកទឹកចិត្តដោយគណបក្សទាំងពីរនេះ បានជួបពិភាក្សាគ្នា ជាបន្តបន្ទាប់យ៉ាងសកម្ម ហើយដោះស្រាយសម្របសម្រួលគ្នា បាននូវបណ្តាបញ្ហាជាដើមហេតុ នៃទំនាស់ មាន ជាអាទិ៍ ការកែសម្រួលរចនាសម័្ពន្ធរបស់រដ្ឋសភា, ការកែសម្រួល នៃច្បាប់ស្តីពីការបោះឆ្នោត ជ្រើសតាំងតំណាង រាស្ត្រ និងការរៀបចំ និង ការប្រព្រឹត្តទៅ នៃគណៈកម្មាធិការជាតិរៀបចំការបោះឆ្នោត ជាដើម។</span></p>
<p><span style="color: #000000;">ដំណោះស្រាយទាំងឡាយខាងលើនេះ បានជួយលើកតម្កើងកិត្យានុភាពជាតិ តាមរយៈខ្មែរ ក៏ចេះដោះស្រាយ បញ្ហារបស់ខ្លួន ដោយខ្លួនឯងដែរ៕</span></p>
<p><span style="color: #000000;"><a class="thickbox" title="" href="/FileManager/Commons/2015/4/8/4-8-2015-10-48-55-am-08-04-2015--10-53-50.png"><img src="/FileManager/Articles/mce/2015/4/8/4-8-2015-10-48-55-am-08-04-2015--10-53-50.png" alt="" /></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>