<p><span style="color: #000000;">ព័ត៌មានអន្តរជាតិ ៖ ទំព័រសារព័ត៌មាននាំមុខ បរទេស ស៊ីអិនអិន ចេញផ្សាយ ប៉ុន្មានម៉ោងមុននេះ អោយ ដឹងថា ឧទ្ធម្ភាគចក្រពេទ្យមួយគ្រឿង បានធ្លាក់នៅកន្លែងសំចតមន្ទីរពេទ្យមួយ កន្លែងឈ្មោះមន្ទីរពេទ្យ St. Louis ដោយបានសម្លាប់ ពីលុតជាអ្នកបើកបរស្លាប់បាត់ទៅហើយ ។ </span></p>
<p><span style="color: #000000;">ប្រភពសារព័ត៌មានដដែលបន្តអោយដឹងថា ៖ ឧទ្ធម្ភាគចក្រខាងលើ បាន ធ្លាក់ កាលពីល្ងាចថ្ងៃសុក្រចុង សប្តាហ៍កន្លងទៅ នៅឯបរិវេណសកលវិទ្យាល័យពេទ្យ St. Louis នេះបើយោងតាមសម្តីអ្នកនាំពាក្យលោក ស្រី Laura Keller ។ យ៉ាងណាមិញ នាយកដ្ឋានពន្លត់អគ្គីភ័យ St. Louis គូស បញ្ជាក់នៅលើទំព័រ ទ្វីតធើ របស់ខ្លួនអោយដឹងថា នាយកដ្ឋានរបស់ខ្លួន បានឆ្លើយតបទៅនឹងគ្រោះថ្នាក់ ធ្លាក់ ឧទ្ធម្ភាគចក្រខាងលើ ស្របពេលដែល អគ្គីភ័យត្រូវបានពន្លត់ដោយក្រុមអ្នកជំនាញ ។ </span></p>
<p><span style="color: #000000;"><a class="thickbox" title="" href="/FileManager/Commons/2015/3/9/90-09-03-2015--13-53-30.jpg"><img src="/FileManager/Articles/mce/2015/3/9/90-09-03-2015--13-53-30.jpg" alt="" /></a><br /></span></p>
<p><span style="color: #000000;">ដោយឡែក តាមរយៈសន្លឹករូបថត សរបញ្ជាក់អោយឃើញថានៅមានផ្សែងហុយនៅឡើយនៅកន្លែងកើត ហេតុស្របពេលដែល ក្រុមមន្រ្តីពាក់ព័ន្ធ បានចុះទៅដល់កន្លែងធ្លាក់ ។ សម្តី លោកស្រី Keller ជាអ្នកនាំ ពាក្យអោយដឹងថា ពុំមាន អ្នកជម្ងឺណាមួយ ឬបុគ្គលិកណាមួយ នៃមន្ទីរពេទ្យរងរបួសនោះទេ តែជាកុសល មានតែពីលុតជាអ្នកបើកតែម្នាក់ឯងតែប៉ុណ្ណោះ ដែលបានស្លាប់បាត់បង់ជីវិតបាត់ទៅហើយ ។ ពុំទាន់មាន ព័ត៌មានលម្អិតស្តីពីអត្តសញ្ញាណពីលុតនៅឡើយទេ ស្របពេលដែលព័ត៌មានជាក់លាក់នៃការធ្លាក់ពុំទាន់ មានការបញ្ជាក់ដូចគ្នាដែរ ។ ដោយឡែក ក្រុមអ្នកជំនាញ មកពី នាយកដ្ឋាន សុវត្ថិភាព ដឹកជញ្ជូនជាតិ កំពុងតែធ្វើការតាមដានស៊ើបអង្កេត ករណីធ្លាក់ ឧទ្ធម្ភាគចក្រ លើកនេះ យ៉ាងយកចិត្តទុកដាក់ជាទីបំផុត ៕</span></p>
<p style="text-align: right;"><span style="color: #000000;">ប្រែសម្រួល ៖ កុសល</span><br /><span style="color: #000000;">ប្រភព ៖ ស៊ីអិនអិន </span></p>