<p><span style="color: #000000;"><strong>(ភ្នំពេញ)៖</strong> អគ្គិភ័យបានឆាបឆេះកញ្ចុះស្បូវ នៅក្នុងភោជនីយដ្ឋានយីហោ «តន្រ្តីក្ដាមស្រែ» ស្ថិតនៅតាមបណ្ដោយផ្លូវជាតិលេខ៤ ក្នុងភូមិព្រៃស្វាយ សង្កាត់ចោមចៅ ខណ្ឌពោធិ៍សែនជ័យ ប៉ុន្តែបានរលត់ទៅភ្លាមៗ ដោយសារតែក្រុមបុគ្គលិក និងថៅកែហាងពន្លត់ខ្លួនឯងទាន់ពេលនារសៀលថ្ងៃទី៨ ខែវិច្ឆិកា ឆ្នាំ២០១៦នេះ។</span></p>
<p><span style="color: #000000;">តែអ្វីដែលគួរឲ្យហួសចិត្តនោះ គឺនៅពេលកើតហេតុនោះ កម្លាំងសមត្ថកិច្ច និងអាជ្ញាធរបានទៅជួយអន្តរាគមន៍ ប៉ុន្តែត្រូវបានម្ចាស់ហាងបិទទ្វារមិនឲ្យចូលនោះឡើយ។</span></p>
<p><span style="color: #000000;">សមត្ថកិច្ចមូលដ្ឋាន បានឲ្យដឹងថា កញ្ចុះអង្គុយផឹកស៊ីចំនួន៤ ត្រូវបានភ្លើងឆេះ ដែលបណ្ដាលមកពីកម្ទេចផ្កាភ្លើង មកពីជាងផ្សាដែកធ្លាក់លើ។</span></p>
<p><span style="color: #000000;">យ៉ាងណាក៏ដោយ សមត្ថកិច្ចបានបញ្ជាក់ថា សម្រាប់គ្រោះអគ្គិភ័យនេះ មិនមាននរណាម្នាក់ដឹងថា មានមនុស្សប៉ុន្មាននាក់រងរបួស ឬក៏អត់នោះឡើយ ព្រោះនៅពេលកើតហេតុនោះ ម្ចាស់ហាង រួមនិងបុគ្គលិកបម្រើការងារនៅក្នុងនោះ បានរួមគ្នាពន្លត់ មិនបានពឹងផ្អែកលើរថយន្តពន្លត់អគ្គិភ័យ និងទទួលយកការអន្តរាគមន៍ពីអាជ្ញាធរ សមត្ថ កិច្ចនោះឡើយ។</span></p>
<p><span style="color: #000000;">ភ្នាក់ងារ Fresh News បានរាយការណ៍ថា ម្ចាស់ហាងខាងលើ បានទាញទ្វាររបងបិទជិត និងមិនបានអនុញ្ញាត ឲ្យនរណាម្នាក់បានចូលទៅពិនិត្យមើល ពីស្ថានភាពនៃការឆាបឆេះនោះទេ ម្នាក់ៗបានត្រឹមឈរនៅខាងក្រៅ តោងរបងអឺតមើលទៅខាងក្នុងតែប៉ុណ្ណោះ ដោយពួកគេនិយាយថា បានពន្លត់ភ្លើងរលត់វិញហើយ៕</span></p>
<p><span style="color: #000000;"><iframe src="https://www.facebook.com/plugins/video.php?href=https%3A%2F%2Fwww.facebook.com%2Ffreshnewsasia%2Fvideos%2F634886443349817%2F&show_text=0&width=560" frameborder="0" width="500" height="415"></iframe></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-11-08-16-17-59-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-11-08-16-17-59-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-11-08-16-17-59-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-11-08-16-17-59-3.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>