<p>ការ “សម្ដែងសិល្បៈ” របស់សិល្បករជនជាតិអាហ្វ្រិកខាងត្បូង ឈ្មោះ Steven Cohen បានក្លាយជាឈុតឆាកសម្ដែងបែបកំប្លែងឥតគិតថ្លៃមួយ ដែលបណ្ដាលឱ្យគាត់ត្រូវបាននគរបាលចាប់ខ្លួន ហើយត្រៀមនឹងឡើងតុលាការ នៅចុងឆ្នាំនេះ។</p>
<p style="text-align: center;"><a class="thickbox" title="" href="/FileManager/Commons/2013/9/12/steve-cohen-arrested-for-dancing-with-a-chicken-tied-to-his-cock-at-the-eiffel-tower-12-09-2013--20-45-40.jpg"><img style="display: block; margin-left: auto; margin-right: auto;" src="/FileManager/Articles/mce/2013/9/12/steve-cohen-arrested-for-dancing-with-a-chicken-tied-to-his-cock-at-the-eiffel-tower-12-09-2013--20-45-40.jpg" alt="" /></a>អ្នកសម្ដែង Steven Cohen យកខ្សែចងលិង្គឱ្យមាន់អូស នៅទីលាន <br />Place du Trocadero</p>
<p>កាលពី ថ្ងៃទី ១០កញ្ញាកន្លងទៅ ភ្ញៀវទេសចរណ៍ទាំងឡាយ បានទស្សនាកំសាន្ដសប្បាយនូវឈុតឆាកសម្ដែង “សិល្បៈ” កំប្លែងដោយមិនគិតថ្លៃមួយ នៅមុខតួ Eiffel របស់ក្រុងបារីស ប្រទេសបារាំង។ ដោយមិនខ្ចីអើពើដល់ការរិះគន់របស់មនុស្សនៅជុំវិញ សិល្បករម្នាក់ឈ្មោះ Steven Cohen នៅតែបញ្ចេញកាយវិការសម្ដែង របស់ខ្លួន ជាមួយនឹងសត្វមាន់មួយក្បាល ដែលត្រូវបានចងខ្សែជាប់នឹងលិង្គរបស់គាត់។<br /><br />ការបង្ហាញខ្លួន និងសម្ដែងឈុតឆាកដ៏ចម្លែកនេះ ត្រូវបាន Steven Cohen ធ្វើឡើង នៅចំពោះមុខមនុស្សរាប់រយនាក់ ដែលមានវត្តមាននៅទីលាន Place du Trocadero នាវេលាម៉ោងប្រហែល ៩និង៣០នាទីព្រឹក។</p>
<p style="text-align: center;"><a class="thickbox" title="" href="/FileManager/Commons/2013/9/12/steve-cohen-arrested-for-dancing-with-a-chicken-tied-to-his-cock-at-the-eiffel-tower1-12-09-2013--20-47-03.jpg"><img src="/FileManager/Articles/mce/2013/9/12/steve-cohen-arrested-for-dancing-with-a-chicken-tied-to-his-cock-at-the-eiffel-tower1-12-09-2013--20-47-03.jpg" alt="" /></a></p>
<p style="text-align: center;">ការស្លៀកពាក់ចម្លែក និងចងប្រដាប់ភេទរបស់ខ្លួន ជាប់នឹងខ្សែចងមាន់នេះ ធ្វើឱ្យមានអន្ដរាគមន៍ពីនគរបាល</p>
<p>ការសម្ដែង របស់ Cohen នឹងមិនមានអ្វីត្រូវរិះគន់នោះទេ ប្រសិនគាត់ស្លៀកពាក់ត្រឹមត្រូវ ។ Cohen ពាក់ស្បែកជើងកែងចោត ពាក់រោមមាន់ឈ្មោលនៅលើក្បាល ស្រោមដៃពណ៌ក្រហមមានចងរោមមាន់ និងរុំក្រណាត់ជុំវិញពោះ។ ចំណែកនៅត្រង់ប្រដាប់ភេទរបស់គាត់ គេឃើញមានចងខ្សែជាប់ទៅនឹងខ្សែចងមាន់ឈ្មោលមួយក្បាលដែលដើរ នៅខាងមុខ។<br /><br />ក្រោយពីបានតុបតែងខ្លួនរួច Cohen ចាប់ផ្ដើមសម្ដែង ដោយដើរត្រាបតាមមាន់ នៅចំពោះមុខហ្វូងមនុស្សដែលកំពុងយកចិត្តទុកដាក់នឹងសកម្មភាពរបស់គាត់។ មេធាវីរបស់ Cohen ឱ្យដឹងថា Cohen បានរាំដូចសត្វមាន់ក្នុងរយៈពេលប្រហែល ១០នាទី មុនពេលនគរបាលមកដល់។</p>
<p style="text-align: center;"><a class="thickbox" title="" href="/FileManager/Commons/2013/9/12/steve-cohen-arrested-for-dancing-with-a-chicken-tied-to-his-cock-at-the-eiffel-tower2-12-09-2013--20-50-15.jpg"><img src="/FileManager/Articles/mce/2013/9/12/steve-cohen-arrested-for-dancing-with-a-chicken-tied-to-his-cock-at-the-eiffel-tower2-12-09-2013--20-50-15.jpg" alt="" width="407" height="450" /></a></p>
<p style="text-align: center;">Steven Cohen ជាអ្នកសិល្បៈមួយរូប ដែលតែងបញ្ចេញសកម្មភាពប្លែកៗ នៅទីសាធារណៈ</p>
<p>សកម្មភាព និងការស្លៀកពាក់ដ៏ចម្លែករបស់ Cohen បណ្ដាលឱ្យគាត់ត្រូវចាប់ខ្លួន ក្រោមបទចោទប្រកាន់ថា បានបញ្ចេញសកម្មភាពអាក្រក់នៅទីសាធារណៈ។ ក្រោយការចាប់ខ្លួនមួយថ្ងៃ Cohen ក៏ត្រូវបានដោះលែងឱ្យនៅក្រៅឃុំបណ្ដោះអាសន្ន ប៉ុន្ដែ អ្នកសិល្បៈរូបនេះនឹងត្រូវឡើងតុលាការនៅថ្ងៃទី ១៦ខែធ្នូខាងចុងឆ្នាំនេះ។</p>
<p>និយាយកាន់ជើងសកម្មភាពកូនក្ដី របស់ខ្លួន មេធាវីរបស់ Cohen ថ្លែងថា កូនក្ដីរបស់គាត់គ្រាន់តែចង់បញ្ចូនសារទៅកាន់មនុស្សទាំងឡាយ អំពីការបែងចែក ឬប្រកាន់គ្នា រវាងអាហ្វ្រិកខាងត្បូងដែលជាស្រុកកំណើតរបស់ Cohen និងប្រទេសបារាំងជាកន្លែងដែល Cohen កំពុងរស់នៅ តែប៉ុណ្ណោះ។</p>
<p style="text-align: right;"><br />ដោយ ៖ តារា<br />ប្រភព ៖ anorak<br /><br /><br /></p>