<div class="article-content">
<p><strong>ភ្នំពេញ ៖</strong> មន្ដ្រីក្រសួងយុត្ដិធម៌មួយរូប បានបើករថយន្ដទាំងប្រវឹងជោក ទៅបុក បង្គោលភ្លើង មុខខ្លោងទ្វារជ័យទីស្ដីការ គណៈរដ្ឋមន្ដ្រី បណ្ដាលឱ្យទ្រេត ហើយ រថយន្ដបែកកង់មុខ ហោះឡើងទៅលើសួន ច្បារទៅមុខលែងរួច។គ្រោះថ្នាក់ចរាចរណ៍ បង្កឡើងដោយស្ថានភាពស្រវឹង របស់មន្ដ្រី ក្រសួងយុត្ដិធម៌រូបនេះ បានបង្កឱ្យមានការ ភ្ញាក់ផ្អើល កាលពីវេលាម៉ោង ៨ និង១៥ នាទីយប់ថ្ងៃទី១៨ ខែកុម្ភៈ ឆ្នាំ២០១៤ ស្ថិតនៅមុខទីស្ដីការគណៈរដ្ឋមន្ដ្រី ក្នុងខណ្ឌ ៧ មករា ។</p>
<p>មន្ដ្រីនគរបាល ចរាចរណ៍ជើងគោករាជ ធានីភ្នំពេញ ដែលចុះទៅអន្ដរាគមន៍នៅ កន្លែងកើតហេតុ បាននិយាយថា អ្នកបើក រថយន្ដបង្កគ្រោះថ្នាក់ចរាចរណ៍ខាងលើនេះ ឈ្មោះ ភី ចិត្រ អាយុ ៤០ឆ្នាំ ជាមន្ដ្រីបម្រើ ការងារ នៅក្រសួងយុត្ដិធម៌ និងបច្ចុប្បន្ន ស្នាក់នៅផ្ទះលេខ ៤១ អឺសូន្យ ផ្លូវលេខ ៧០ សង្កាត់ស្រះចក ខណ្ឌដូនពេញ ។</p>
<p>មន្ដ្រីនគរបាលចរាចរណ៍ជើងគោកដែល បានសាកសួរ ប្រជាពលរដ្ឋនៅក្បែរកន្លែង កើតហេតុបាននិយាយថា នៅវេលាម៉ោង ខាងលើ អ្នកបើករថយន្ដបាឡែនពណ៌ស្ក ពាក់ស្លាកលេខភ្នំពេញ 2Q-9737 ធ្វើដំណើរ ក្នុងទិសដៅពីលិចទៅកើត តាមបណ្ដោយ ផ្លូវសហព័ន្ធរុស្ស៊ី ក្នុងល្បឿនយ៉ាងលឿនលុះដល់ចំណុចកើតហេតុស្រាប់តែរ៉េចង្កូតឡើង លើសួន បុកបង្គោលភ្លើងបណ្ដាលឱ្យទ្រេត រួចហើយរថយន្ដបែកកង់ និងជ្រុលទៅលើ សួនច្បារ ទៅមុខលែងរួច ។ ក្រោយកើត ហេតុ ទាំងអ្នកបើករថយន្ដ និងរថយន្ដត្រូវ បាននាំខ្លួនយកទៅការិយាល័យចរាចរណ៍ ជើងគោក រាជធានីភ្នំពេញ ដើម្បីកសាង សំណុំរឿងបញ្ជូនទៅកាន់តុលាការ ៕</p>
<p style="text-align: center;"><img src="http://image.dap-news.com:81/dap-news/dap-images/2014/February/id-067/CH-00478.jpg" alt="" width="550" /></p>
<p style="text-align: center;"><img src="http://image.dap-news.com:81/dap-news/dap-images/2014/February/id-067/CH-00479.jpg" alt="" width="550" /></p>
<p style="text-align: center;"><img src="http://image.dap-news.com:81/dap-news/dap-images/2014/February/id-067/CH-00480.jpg" alt="" width="550" /></p>
<p style="text-align: center;"><img src="http://image.dap-news.com:81/dap-news/dap-images/2014/February/id-067/CH-00481.jpg" alt="" width="550" /></p>
<p style="text-align: center;"><img src="http://image.dap-news.com:81/dap-news/dap-images/2014/February/id-067/CH-00482.jpg" alt="" width="550" /></p>
<p style="text-align: center;"><img src="http://image.dap-news.com:81/dap-news/dap-images/2014/February/id-067/CH-00483.jpg" alt="" width="550" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>