<p><span style="color: #000000;">ព័ត៌មានអន្តរជាតិ ៖ សហរដ្ឋអាមេរិក លើកឡើងអោយដឹងថា ខ្លួននឹងដាក់ពង្រាយយន្តហោះឈ្លប យកការណ៍ US P8 Poseidon នៅលើទឹកដី ប្រទេសសឹង្ហបុរីជាលើកដំបូង បំផុត ក្នុងទំព័រប្រវត្តិសា ស្រ្តយោធា នេះបើយោងតាមការដកស្រង់សម្រង់អត្ថបទផ្សាយ ពីគេហ ទំព័រ សារព័ត៌មានបរទេស នាំមុខ ប៊ីប៊ីស៊ី ។ </span></p>
<p><a class="thickbox" title="" href="/FileManager/Commons/2015/12/8/14a-08-12-2015--14-38-25.jpg"><img src="/FileManager/Articles/mce/2015/12/8/14a-08-12-2015--14-38-25.jpg" alt="" /></a></p>
<p><span style="color: #000000;">របាយការណ៍ បញ្ជាក់អោយដឹងថា និន្នាការនៃការលើកឡើងខាងលើនេះត្រូវបានគេមើលឲ្យឃើញ ថាជាបរិបទចុងក្រោយបំផុត ពាក់ព័ន្ធនឹងសកម្មភាពយោធា សហរដ្ឋអាមេរិកឆ្លើយតបទៅនឹងភាព តានតឹងជុំវិញប្រធានបទក្តៅ ជម្លោះសមុទ្រចិនខាងត្បូង ។ ប្រភពអោយដឹង ថា យន្តហោះ ឈ្លប យកការណ៍ US P8 Poseidon ប្រភេទ Boeing នឹងបង្ហាញវត្តមានរបស់ខ្លួន រយៈពេល ១ សប្តាហ៍ ពេញនៅលើទឹកដីប្រទេស សឹង្ហបុរី ។ </span></p>
<p><span style="color: #000000;">របាយការណ៍ បញ្ជាក់អោយដឹងថា យន្តហោះឈ្លប យការណ៍ សហរដ្ឋអាមេរិក US P8 Poseidon ធ្លាប់បំពេញបេសកម្មការងាររបស់ខ្លួនរួចមកហើយ នៅក្នុងប្រទេស ជប៉ុន ហ្វីលីពីន និង ម៉ាឡេស៊ី ។ កិច្ចព្រមព្រៀងនៃការដាក់ពង្រាយ យន្តហោះឈ្លបយការណ៍សហរដ្ឋអាមេរិក US P8 Poseidon ក៏រួមបញ្ជូនដូចគ្នាដែរ ពីប្រតិបត្តិការ ប្រឆាំងភារវកម្មប្រឆាំងចោរសមុទ្រនិងការផ្តល់ជំនួយសង្គ្រោះ គ្រោះធម្មជាតិ ដែលត្រូវបានប្រកាសឡើងនាដើមសប្តាហ៍ថ្ងៃច័ន្ទនេះក្រោយពីជំនួបប្រជុំនៅរដ្ឋធានី វ៉ាស៊ិនតោន សហរដ្ឋអាមេរិក រវាងសមភាគីមកពី ២ ប្រទេស នោះ គឺ រដ្ឋលេខាធិការ ការពារជាតិ សហរដ្ឋអាមេរិក លោក Ash Carter និង រដ្ឋមន្រ្តី ការពារជាតិ សឹង្ហបុរី Ng Eng Hen ។ ច្រើនជាង ការដាក់ពង្រាយយន្តហោះ ឈ្លបយកការណ៍ US P8 Poseidon នៅសឹង្ហបុរី មានការរំពឹងទុកថានឹង មានការដាក់ពង្រាយនៅប្រទេសតំបន់អាស៊ីភាគអាគ្នេយ៍ផ្សេងទៀតដូចគ្នាដែរ។ </span></p>
<p><a class="thickbox" title="" href="/FileManager/Commons/2015/12/8/14-08-12-2015--14-38-35.jpg"><img src="/FileManager/Articles/mce/2015/12/8/14-08-12-2015--14-38-35.jpg" alt="" /></a></p>
<p><span style="color: #000000;">អំនះអំណាងពីប្រទេសចិន ដែលថា ស្ទើរតែទាំងស្រុង សមុទ្រ ចិនភាគខាងត្បូង ស្ថិតនៅក្រោម អធិបតេយ្យភាពរបស់ខ្លួន នាំមកនូវភាពតានតឹងជាខ្លាំង ជាមួយនឹងបណ្តាប្រទេសជិតខាងរួមមាន ដូចជា វៀតណាម ហ្វីលីពីន ម៉ាឡេស៊ី និងប្រទេសមួយ ចំនួន ផ្សេងទៀត ។ ច្រើនជាងការអះអាង ចិនបានសាងសង់ឡើង កោះសិប្បនិម្មិត បានមួយចំនួន ហើយ ។ មិនត្រឹមតែប៉ុណ្ណោះ ចិនក៏មាន ជម្លោះដាច់ដោយឡែក មួយផ្សេងទៀត ជាមួយនឹងប្រទេសជប៉ុន ផងដែរ ពាក់ព័ន្ធនឹងសមុទ្រចិន ភាគខាងកើត ៕</span></p>
<p> </p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ ប៊ីប៊ីស៊ី </span></p>