<p><span style="color: #000000;"><strong>រតនគិរីៈ</strong> សមត្ថកិច្ចមួយក្រុម ជិៈរថយន្តឡង់គ្រីស័រ ស៊េរីទំនើប ដែលគេដឹងថា មកពីភ្នំពេញ កាលពីព្រឹកថ្ងៃទី១១ ខែកញ្ញា ឆ្នាំ២០១៥ កន្លងទៅ បានស្ទាក់ចាប់រថយន្តសាំយ៉ុង ដឹងឈើប្រណិត១គ្រឿង ខណៈកំពុងធ្វើដំណើរ លើផ្លូវជាតិលេខ៧៦ ចេញពីស្រុកកោះញែក ឆ្ពោះមកទីរួមស្រុក លំផាត់ខេត្តរតនគិរី ចំងាយពីស្នាក់ការ អាវុធ ហត្ថលេខ៧៨១ប្រមាណ៥គីឡូម៉ែត្រ។</span></p>
<p><span style="color: #000000;">បើតាមប្រជាពលរដ្ឋ ធ្វើដំណើរឆ្លងកាត់ប្រាប់ឲ្យដឹងថា ពួកគាត់បានឃើញ សមត្ថកិច្ចមួយក្រុម (ស្លៀក ពាក់ ស៊ីវិល) ជិៈរថយន្តឡង់គ្រីស័រស៊េរី ទំនើបដោយយក រថយន្តបិទមុខ-ក្រោយ មិនអោយរថយន្តដឹកឈើធ្វើដំណើរ ទៅមុខរួច។ បន្ទាប់មកពួកគាត់(សមត្ថកិច្ច) បានធ្វើការចរចាគ្នា ដោយប្រើពេលវេលាជាច្រើន ម៉ោងតាំង ពីម៉ោង ប្រមាណជាង១០ព្រឹករហូតដល់រសៀល(ថ្ងៃទី១១ ខែកញ្ញា ឆ្នាំ២០១៥) ទម្រាំត្រូវថ្លៃគ្នា១២០០ដុល្លារ ហើយ ប្រគល់ រថយន្តសាំយ៉ុងដឹកឈើអោយម្ចាស់វិញ ពោលគឺមិនបញ្ជូន ទៅរដ្ឋបាលព្រៃឈើដោះ ស្រាយតាមច្បាប់ នោះទេ។ ដោយសារតែតម្លៃចរចាគ្នានោះខ្ពស់កប់ពពកម្ចាស់ រថយន្តដឹកឈើគ្មានលុយ អោយពួកគាត់ ក៏យកម៉ូតូមួយគ្រឿង ជិៈបណ្តើរយំតាមផ្លូវបណ្តើរមកលក់ នៅក្រុងបានលុង យកលុយប្រគល់ឲ្យ ក្រុមសមត្ថកិច្ចដើម្បីបញ្ចប់រឿង។</span></p>
<p><span style="color: #000000;">បើតាមសមត្ថកិច្ចស្រុកលំផាត់ប្រាប់ឲ្យដឹងថា ម្ចាស់រថយន្តសាំយ៉ុងដឹកឈើខាងលើនេះ មានឈ្មោះចែ សក់ក្រហម មានទីលំនៅក្នុងទីរួម ស្រុកលំផាត់តែម្តង ហើយមុននឹងសមត្ថកិច្ច មួយក្រុមជិៈរថយន្តឡង់ គ្រីស័រស៊េរីទំនើប ស្ទាក់ចាប់នោះរូបគាត់ត្រូវក្រុមសមត្ថកិច្ច ប្រចាំការស្រុកកោះញែក ខេត្តមណ្ឌលគិរី ចាប់យកលុយរួចម្តងហើយ (ព្រឹកថ្ងៃទី១១ ខែកញ្ញា ឆ្នាំ២០១៥)។ គេកំពុងតែធ្ងល់ថាសមត្ថកិច្ច មួយក្រុមចុះពីភ្នំពេញ មកបង្ក្រាបបទល្មើសព្រៃឈើ ឫក៏មកធ្វើមេខ្មូតស៊ីឈើ? ៕</span></p>
<p><span style="color: #000000;"><a class="thickbox" title="" href="/FileManager/Commons/2015/9/14/9-14-2015-1-16-41-pm-14-09-2015--13-23-25.png"><span style="color: #000000;"><img src="/FileManager/Articles/mce/2015/9/14/9-14-2015-1-16-41-pm-14-09-2015--13-23-25.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/9/14/9-14-2015-1-16-53-pm-14-09-2015--13-23-35.png"><span style="color: #000000;"><img src="/FileManager/Articles/mce/2015/9/14/9-14-2015-1-16-53-pm-14-09-2015--13-23-35.png" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>