<p><span style="color: #000000;"><strong>- ជនរងគ្រោះ ឈ្មោះ ឡោ សុភាព ជាប្រធានរដ្ឋបាល រោងចក្រស៊ីនម៉ា<br /></strong></span></p>
<p><span style="color: #000000;"><strong>ភ្នំពេញ៖</strong> ឃាតកម្មដ៏ព្រឺព្រួចកណ្តាលរាជធានីភ្នំពេញ បានកើតមានទៀតហើយនារាត្រីនេះ ដោយបុរសម្នាក់ ត្រូវ បានគេបាញ់ចំនួន ៤គ្រាប់ បណ្តាលឲ្យដេកដួលស្លាប់ភ្លាមៗមួយរំពេចក្នុងថ្លុកឈាម នៅក្នុងហាងគុយទាវ «ឆ្នាំង ភ្លើងសឹងហ៊ឺភ្នំពេញ» នៅជិតវិទ្យាល័យបឹងកេងកង ក្នុងសង្កាត់បឹងកេង១ ខណ្ឌចំការមន។ សមត្ថកិច្ច បានបញ្ជាក់ថា ឃាតកម្មបាញ់សម្លាប់នេះ សង្ស័យជារឿងគំនុំ មិនមែនជាអំពើប្លន់នោះឡើយ។</span></p>
<p><span style="color: #000000;">ឃាតកម្មបាញ់សម្លាប់បង្កឲ្យភ្ញាក់ផ្អើលនេះ បានកើតឡើងនៅវេលាម៉ោងប្រមាណ ៨ និង២០នាទីយប់ថ្ងៃអាទិត្យ ទី ១៤ ខែមិថុនា ឆ្នាំ២០១៥នេះ។ ជនរងគ្រោះ មានឈ្មោះ ឡោ សុភាព អាយុ ៣២ឆ្នាំ មានលំនៅឋានក្នុងសង្កាត់បឹងកេងកង៣ ខណ្ឌចំការមន និងមានមុខរបរជាប្រធានរដ្ឋបាលរោងចក្រស៊ីនម៉ា នៅម្តុំផ្លូវវែងស្រេង។ ភរិយាជនរងគ្រោះមានឈ្មោះ ឃ្លាំង ស្រីមុំ ជាបុគ្គលិកក្រុមហ៊ុនឯកជន។</span></p>
<p><span style="color: #000000;">បើតាមសាក្សីនៅកន្លែងកើតហេតុ បានឲ្យដឹងថា នៅមុនកើតហេតុគេមិនដឹងថា ជនរងគ្រោះ និងជនបង្កនាំគ្នាមក ពីទីណានោះទេ ស្រាប់តែជិះម៉ូតូដល់កន្លែងកើតហេតុ បានឈប់ឈ្លោះប្រកែក និងប្រតាយប្រតប់គ្នា។ ពេលនោះ គេបានឭជនជនរងគ្រោះ ស្រែកថា «លុយហ្នឹងអញគង់តែសងហ្អែងទេ»។</span></p>
<p><span style="color: #000000;">ក្រោយពីស្រែកដូច្នេះ ជនរងគ្រោះ ក៏បានរត់ចូលទៅក្នុងហាងគុយទាវ «ឆ្នាំងភ្លើងសឹងហ៊ឺភ្នំពេញ» ហើយក្រុមជន ល្មើស ក៏រត់ចូលតាម និងដកកាំភ្លើង K59 បាញ់ចំនួន ៤គ្រាប់ទៅលើជនរងគ្រោះ ត្រូវចំក្បាល និងកន្លែងផ្សេងៗ ទៀត បណ្តាលឲ្យដេកដួលស្លាប់ភ្លាមៗមួយរំពេច។</span></p>
<p><span style="color: #000000;">ក្រោយបាញ់ប្រហារលើជនរងគ្រោះហើយ ជនសង្ស័យបានយកកាបូបលុយ និង ទូរស័ព្ទដៃរបស់ជនរងគ្រោះ ឡើងជិះម៉ូតូគេចខ្លួនបាត់ទៅ។ ម៉ូតូជនរងគ្រោះមិនត្រូវបានជនសង្ស័យយកទៅនោះទេ។</span></p>
<p><span style="color: #000000;">បុរសរងគ្រោះគេមិនទាន់ស្គាល់អត្តសញ្ញាណនៅឡើយទេ មានអាយុប្រហែល ៣៥ឆ្នាំ ពាក់អាវស ខោខ្មៅ ជិះម៉ូតូម៉ាកអាយខុន ពណ៌ទឹកក្រូច លាយស ពាក់ស្លាកលេខ ភ្នំពេញ 1AC-7591 តែម្នាក់ឯង។ ចំណែកឯជនសង្ស័យជិះម៉ូតូម៉ាកហុងដាឌ្រីម មានគ្នា ២នាក់។</span></p>
<p><span style="color: #000000;">ក្រោយកើតហេតុភ្លាមៗ ទាំងកម្លាំងនគរបាល និងកងរាជអាវុធហត្ថ បានចុះទៅដល់កន្លែងកើតហេតុ ដើម្បីពិនិត្យ និងធ្វើកោសលវិច័យ។</span></p>
<p><span style="color: #000000;">ជំហ៊ានដំបូង នៃការពិនិត្យកន្លែងកើតហេតុ និងសាកសួរទៅលើសាក្សីឃើញហេតុការណ៍ សមត្ថកិច្ច បានធ្វើការសន្និដ្ឋានការបាញ់ប្រហារនេះ មិនមែនជាអំពើប្លន់នោះទេ តែអាចជារឿងគំនុំ។</span></p>
<p><span style="color: #000000;">ការបាញ់ប្រហារ ដ៏គួរឲ្យរន្ធត់ និងព្រឺព្រួចបែបនេះ ធ្លាប់បានកើតឡើងម្តងផងដែរកាលពីចុងឆ្នាំ២០១៤ ទៅលើពាណិជ្ជករដ៏ល្បីមួយរូប នៅកម្ពុជា គឺលោកឧកញ៉ា អ៊ឹង ម៉េងជឺ នៅក្បែរពហុកីឡដ្ឋានជាតិ អូរឡាំពិក ក្នុងសង្កាត់ទួលស្វាយព្រៃទី២ ខណ្ឌចំការមន នៅអំឡុងម៉ោងជាង ៧យប់ គ្រារូបលោកបើករថយន្តមកទិញផ្លែឈើ។ រហូតដល់បច្ចុប្បន្នសំណុំរឿងធ្វើឃាតបាញ់ប្រហារនេះ នៅមិនទាន់បិទបញ្ចប់ នៅឡើយនោះទេ៕</span></p>
<p><span style="color: #000000;"><a class="thickbox" title="" href="/FileManager/Commons/2015/6/15/6-15-2015-9-18-57-am-15-06-2015--09-26-23.png"><img src="/FileManager/Articles/mce/2015/6/15/6-15-2015-9-18-57-am-15-06-2015--09-26-23.png" alt="" /></a></span></p>
<p><a class="thickbox" title="" href="/FileManager/Commons/2015/6/15/6-15-2015-9-19-13-am-15-06-2015--09-31-09.png"><img src="/FileManager/Articles/mce/2015/6/15/6-15-2015-9-19-13-am-15-06-2015--09-31-09.png" alt="" /></a></p>
<p><a class="thickbox" title="" href="/FileManager/Commons/2015/6/15/6-15-2015-9-19-31-am-15-06-2015--09-31-22.png"><img src="/FileManager/Articles/mce/2015/6/15/6-15-2015-9-19-31-am-15-06-2015--09-31-22.png" alt="" /></a></p>
<p><a class="thickbox" title="" href="/FileManager/Commons/2015/6/15/6-15-2015-9-19-47-am-15-06-2015--09-31-34.png"><img src="/FileManager/Articles/mce/2015/6/15/6-15-2015-9-19-47-am-15-06-2015--09-31-34.png" alt="" /></a></p>
<p><a class="thickbox" title="" href="/FileManager/Commons/2015/6/15/6-15-2015-9-20-04-am-15-06-2015--09-31-45.png"><img src="/FileManager/Articles/mce/2015/6/15/6-15-2015-9-20-04-am-15-06-2015--09-31-45.png" alt="" /></a></p>
<p><a class="thickbox" title="" href="/FileManager/Commons/2015/6/15/6-15-2015-9-20-25-am-15-06-2015--09-31-56.png"><img src="/FileManager/Articles/mce/2015/6/15/6-15-2015-9-20-25-am-15-06-2015--09-31-56.png" alt="" /></a></p>
<p><a class="thickbox" title="" href="/FileManager/Commons/2015/6/15/6-15-2015-9-20-45-am-15-06-2015--09-32-07.png"><img src="/FileManager/Articles/mce/2015/6/15/6-15-2015-9-20-45-am-15-06-2015--09-32-07.png" alt="" /></a><a class="thickbox" title="" href="/FileManager/Commons/2015/6/15/6-15-2015-9-20-25-am-15-06-2015--09-31-56.png"></a><a class="thickbox" title="" href="/FileManager/Commons/2015/6/15/6-15-2015-9-20-04-am-15-06-2015--09-31-45.png"></a><a class="thickbox" title="" href="/FileManager/Commons/2015/6/15/6-15-2015-9-19-47-am-15-06-2015--09-31-34.png"></a><a class="thickbox" title="" href="/FileManager/Commons/2015/6/15/6-15-2015-9-19-31-am-15-06-2015--09-31-22.png"></a><a class="thickbox" title="" href="/FileManager/Commons/2015/6/15/6-15-2015-9-19-13-am-15-06-2015--09-31-09.png"></a><span style="color: #000000;"><a class="thickbox" title="" href="/FileManager/Commons/2015/6/15/6-15-2015-9-18-57-am-15-06-2015--09-26-23.png"></a></span></p>
<p><object width="500" height="300" data="http://www.youtube.com/v/zu9RNAQP0xQ&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/zu9RNAQP0xQ&rel=1" /></object></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>