<p>ព័ត៌មានអន្តរជាតិ ៖ យោងតាមទីភ្នាក់ងារសារព័ត៌មានបរទេស ដឹមីរ័រ ដែលទើបតែបានចេញ<br />កាលពីប៉ុន្មានម៉ោងមុននេះ បានគូសបញ្ជាក់អោយដឹងថា ដុំឈើមួយដុំ ដែលត្រូវបានគេ<br />សន្មត់ថា ជាស្លាកសញ្ញា ហាមចូល “no entry” គឺជាដុំឈើរបស់ចក្រភពអង់គ្លេស ដែលមាន<br />អាយុកាលចាស់ជាទីបំផុតនោះគឺ មានអាយុកាលដល់ទៅជាង ៦,០០០ ឆ្នាំ បន្ទាប់ពីវាត្រូវ<br />បានរកឃើញដោយក្រុមបុរាណវត្ថុវិទូ (archaeologists) ។</p>
<p><a class="thickbox" title="" href="http://camnews.com.kh/FileManager/Commons/2013/7/19/50-19-07-2013--09-28-37.jpg"><img src="http://camnews.com.kh/FileManager/Articles/mce/2013/7/19/50-19-07-2013--09-28-37.jpg" alt="" width="443" height="297" /></a></p>
<p>ដុំឈើ ដែលមានប្រវែងជាងមួយម៉ែត្រកន្លះមួយនេះ ធ្លាប់បានគេប្រើប្រាស់ធ្វើជាព្រំប្រទល់<br />ដែនហាមចេញចូលរបស់ក្រុមកុលសម្ព័ន្ធ របស់ចក្រភពអង់គ្លេសសម័យបុរាណ។ គួររំឭក<br />ផងដែរថា ដុំចម្លាក់ឈើមួយនេះ ត្រូវបានរកឃើញនៅឯ ការដ្ឋានទំនប់វារីអគ្គីសនីមួយ<br />កន្លែង នាជ្រលងភ្នំ Rhondda ។</p>
<p>យ៉ាងណាមិញ បើយោងតាមសម្តីលោកRichard Scott Jones បុរាណវត្ថុវិទូមកពី Heritage<br /> Recording Services Wales អះអាងអោយដឹថា ដុំឈើចម្លាក់មួយនេះ វាពិតជាមានតម្លៃ<br />ជាខ្លាំង ក៏ព្រោះតែវាគឺជាផ្នែកមួយ នៃស្នាដៃសិល្បៈចម្លាក់ដ៏កម្រពីសម័យបុរាណ ពោលគឺ<br />វាមានអាយុកាលដល់ទៅជាង ៦,២៧០ ឆ្នាំឯណោះ អំឡុងចុងយុគសម័យ Mesolithic និង<br />ដើមយុគសម័យ Neolithic (Late Mesolithic/Early Neolithic period) ៕</p>
<p style="text-align: right;">ដោយ ៖ ពិសិដ្ឋ<br />ប្រភព ៖ ដឹមីរ័រ</p>