<p><span style="color: #000000;"><strong>ភ្នំពេញ ៖</strong> លិខិតចំហរមួយ ច្បាប់របស់ លោក សុខ ប៊ុន ដែលមជ្ឈមណ្ឌលព័ត៌មាន ដើមអម្ពិល ទើបទទួលបាននៅម៉ោង ២៣និង៣០នាទីយប់ថ្ងៃទី១៤ ខែកក្កដា ឆ្នាំ២០១៥ ក្នុងនោះលោក សុខ ប៊ុន បានធ្វើសេចក្តីប្រកាសឧឡាប្ញក និងជាសាធារណៈពាក់ព័ន្ធ និងហេតុការណ៍ ដែលបានកើតឡើងនៅយប់ថ្ងៃទី០២ ខែកក្កដា ឆ្នាំ២០១៥កន្លងទៅជាមួយកញ្ញា សាសា ដើម្បីបំភ្លឺ និងឆ្លើយតបចំពោះចម្ងល់មួយចំនួនដូចខាងក្រោម៖</span></p>
<p><span style="color: #000000;">ក្នុងលិខិតចំហរ លោក សុខ ប៊ុន បានសរសេរថា «មួយរយៈពេលខ្លី ដែលខ្ញុំបាទអវត្តមាននៅក្នុងប្រទេសកម្ពុជាកន្លងមក គឺខ្ញុំបាទមានភារៈកិច្ច និងកាតព្វកិច្ចក្នុងការទទួលខុសត្រូវ ដោយសេចក្តីអង់អាចក្លាហានចំពោះរឿងឯកជនផ្ទាល់ខ្លួនផង និងបញ្ហាសុខភាពផង។ មួយវិញទៀត ចំពោះបញ្ហាដែលត្រូវដោះស្រាយចំពោះមុខតុលាការ ឬអាជ្ញាធរសាធារណៈ ខ្ញុំនឹងចូលខ្លួនមកទទួលខុសត្រូវក្នុងការស្វែងរកការពិត និងយុត្តិធម៌ជូនដល់ភាគីពាក់ព័ន្ធទាំងអស់ទៅតាមនិតិវិធិរបស់តុលាការ”</span></p>
<p><span style="color: #000000;">មេធាវីរបស់លោក សុខ ប៊ុន បានឲ្យដឹងថា រាល់ទង្វើដែលលោក សុខ ប៊ុន ធ្វើដូចជា៖ ប្រកាសធ្វើការសុំទោសជាសាធារណៈចំពោះកំហុស ដែលធ្វើឲ្យកញ្ញា សាសា រងរបួសស្នាម, ព្រមទាំងសូមចូលរួមផ្តល់ថវិកា១សែនដុល្លារ នឹងជាពិសេសប្រកាសលាឈប់ពីងារជា ឧកញ៉ា ចាប់ពីថ្ងៃនេះតទៅ។ ក្នុងនោះដែរ លោក សុខ ប៊ុន ក៏បានប្រកាសលាឈប់ពីអគ្គនាយកក្រុមហ៊ុន TECHO-SBG Development Co., Ltd. និងលាឈប់ពីប្រធានសមាគមវាយតម្លៃអចលនវត្ថុផងដែរនោះ គឺបង្ហាញដោយស្មោះត្រង់ និងទទួលខុសត្រូវចំពោះមុខច្បាប់ មិនបានរត់គេចចេញពីបង្ហាញឡើយ ៕</span></p>
<p><span style="color: #000000;">ខាងក្រោមនេះ ជាលិខិតចំហររបស់លោក សុខ ប៊ុន</span></p>
<p><span style="color: #000000;"><a class="thickbox" title="" href="/FileManager/Commons/2015/7/15/7-15-2015-9-27-28-am-15-07-2015--09-32-46.png"><span style="color: #000000;"><img src="/FileManager/Articles/mce/2015/7/15/7-15-2015-9-27-28-am-15-07-2015--09-32-46.png" alt="" /></span></a></span></p>
<p style="text-align: right;"><br /><span>ផ្ដល់សិទ្ធដោយ៖ ដើមអម្ពិល</span><span style="color: #000000;"><a class="thickbox" title="" href="/FileManager/Commons/2015/7/15/7-15-2015-9-27-28-am-15-07-2015--09-32-46.png"></a></span></p>