<p><span style="color: #000000;"><strong>(ភ្នំពេញ)៖</strong> ភ្នាក់ងារ Fresh News បានរាយការណ៍ពីក្រសួងមហាផ្ទៃបានឲ្យដឹងថា មានក្រុមនិស្សិតកំពង់រង់ចាំអញ្ជើញកញ្ញា ស្រីមុំ ទៅចូលរួមធ្វើសន្និសិទរួមគ្នានៅរសៀលថ្ងៃនេះ ស្ថិតនៅទល់មុខមន្ទីរពេទ្យលោកសង្ឃ។ នៅនៅខណៈពេលនេះ (ម៉ោង១១៖១៥នាទី) កញ្ញា ស្រីមុំ មិនទាន់ចាកចេញពីបន្ទប់សាកសួរនៅឡើយនោះទេ។ ក្រុមនិស្សិតទាំងនោះ បានកាន់លិខិតមួយច្បាប់ សម្រាប់ទុកអញ្ជើញ កញ្ញា ស្រីមុំ ។</span></p>
<p><span style="color: #000000;">ដោយឡែកក្រុមអ្នកកាសែត កំពុងរង់ចាំនៅខាងក្រៅ នៃបន្ទប់សាកសួរ របស់នាយកដ្ឋានប្រឆាំងភេរវកម្ម និងឧក្រិដ្ឋកម្មឆ្លងដែន នៃក្រសួងមហាផ្ទៃ។</span></p>
<p><span style="color: #000000;">កញ្ញា កញ្ញា ខុម ចាន់ដារ៉ាទី ហៅស្រីមុំ បានមកដល់ការិយាល័យនៃនាយកដ្ឋានប្រឆាំងភេរវកម្ម និងឧក្រិដ្ឋកម្មឆ្លងដែនហើយ នៅវេលាម៉ោង ប្រមាណ៨៖៥០នាទី ព្រឹកថ្ងៃទី១១ ខែមីនា ឆ្នាំ២០១៦នេះ។</span></p>
<p><span style="color: #000000;">លោក ស្រី ចំរើន តំណាងក្រុមនិស្សិតមួយក្រុមនោះ បានប្រាប់អង្គភាព Fresh News ឱ្យដឹងថា ពួកគេមានបច្ចេកទេស និងភស្តុតាងគ្រប់គ្រាន់ដើម្បីបញ្ជាក់ថា «ស្រីមុំ»បដិសេធខ្សែអាត់សំឡេងនោះគឺកំពុងកុហកដល់មហាជន ហើយថាពួកគេនឹងធ្វើសន្និសីទកាសែតមួយ បង្ហាញពីបច្ចេកទេសផ្ទៀងផ្ទាត់នៃរលកសំឡេងរបស់កញ្ញា «ស្រីមុំ» នៅវិទ្យាស្ថានអភិវឌ្ឍន៍សេដ្ឋកិច្ច (នៅទល់មុខពេទ្យលោកសង្ឃ) នារសៀលម៉ោង២៖០០ ថ្ងៃទី១១ ខែមីនា ឆ្នាំ២០១៦ស្អែកនេះ៕</span></p>
<p> </p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xap1/t31.0-8/920685_1568216620159370_8668423930479465511_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xla1/t31.0-8/10382102_1568216616826037_8915836268610908575_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xtp1/v/t1.0-9/12832301_1568261820154850_4459484987302075043_n.jpg?oh=c92244452e6e046b2ba44b2b35f52d7b&oe=5796A394" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>