<p><span style="color: #000000;">អាមេរិកបានចាប់ពង្រត់ក្រុមអ្នកវិទ្យាសាស្ដ្រអាល្លឺម៉ង់ ក្រោយសង្គ្រាមលោកលើកទីពីរ ដើម្បីបម្រើ</span><br /><span style="color: #000000;">ការឱ្យមហិច្ឆតារបស់ខ្លួន។</span></p>
<p><span style="color: #000000;">សព្វថ្ងៃ ការមើលរូបភាពផែនដីដ៏ច្បាស់ពីផ្កាយរណប គឺជារឿងសាមញ្ញ។ ប៉ុន្តែ កាលពី ៧០ឆ្នាំមុន </span><br /><span style="color: #000000;">នេះគឺជារឿងផ្សេង។ កាលពីថ្ងៃទី២៤តុលាកន្លងទៅ គឺជាថ្ងៃខួបលើកទី៧០ឆ្នាំ នៃការបង្ហាញរូបភាព</span><br /><span style="color: #000000;">ផែនដីដំបូងគេ បន្ទាប់ពីធ្វើការស្រាវជ្រាវ។</span></p>
<p style="text-align: center;"><span style="color: #000000;"><a class="thickbox" title="" href="/FileManager/Commons/2016/10/28/earth-28-10-2016--11-10-16.jpg"><span style="color: #000000;"><img src="/FileManager/Articles/mce/2016/10/28/earth-28-10-2016--11-10-16.jpg" alt="" /></span></a></span></p>
<p style="text-align: center;"><span style="color: #000000;">រូបភាពស-ខ្មៅ ដែលត្រូវបានថតនៅលើកំពស់ ១០៤គីឡូម៉ែត្រ<br /></span><br /><span style="color: #000000;"><a class="thickbox" title="" href="/FileManager/Commons/2016/10/28/earthjpgd-28-10-2016--11-04-29.jpg"></a></span></p>
<p><span style="color: #000000;">រូបភាពដែលថតកាលពីថ្ងៃទី ២៤តុលា ឆ្នាំ ១៩៤៦ ដោយកាមេរ៉ាមួយ ដែលភ្ជាប់នៅលើកាំជ្រួច ដែល</span><br /><span style="color: #000000;">បាញ់បង្ហោះពីមូលដ្ឋានទ័ព White Sands Missile ក្នុងរដ្ឋ New Mexico អាមេរិក។</span></p>
<p><span style="color: #000000;">អាមេរិកបានចាប់ពង្រត់ក្រុមអ្នកវិទ្យាសាស្ដ្រផ្នែកកាំជ្រួចរបស់ពួកណាស៊ីអាល្លឺម៉ង់ ក្រោយសង្គ្រាម</span><br /><span style="color: #000000;">លោកលើកទីពីរ ដើម្បីបម្រើឱ្យគម្រោងខាងលើ។ ពួកគេប្រើប្រាស់កាំជ្រួច V-2 របស់អាល្លឺម៉ង់ </span><br /><span style="color: #000000;">ហើយភ្ជាប់ទៅលើវានូវកាមេរ៉ា Devry 35 ដើម្បីថតយករូបភាពនៃផែនដី នៅពេលកាំជ្រួចនេះត្រូវ</span><br /><span style="color: #000000;">បានបាញ់បង្ហោះទៅលើអាកាស។</span></p>
<p><span style="color: #000000;">កាមេរ៉ាត្រូវបានភ្ញាប់ក្នុងប្រអប់ដែកមួយដើម្បីការពារពីការកកិតជាមួយខ្យល់។ កាំជ្រួចត្រូវបាន</span><br /><span style="color: #000000;">បាញ់បង្ហោះក្នុងល្បឿន ១៥០ម/វិនាទី។</span></p>
<p><span style="color: #000000;">នេះគឺជាការពិសោធប្រកប់ដោយភាពក្លាហាន ហើយសំណាងល្អ លទ្ធផលដែលទទួលបានគឺហួស</span><br /><span style="color: #000000;">ពីការរំពឹងទុករបស់ក្រុមអ្នកវិទ្យាសាស្ដ្រ។ រូបភាពដំបូងស្ដីអំពីផែនដី ត្រូវបានគេប្រកាសបង្ហាញពីរ</span><br /><span style="color: #000000;">ថ្ងៃក្រោយ បន្ទាប់ពីបានប្រមូលយកកាមេរ៉ានៅលើកាំជ្រួច។</span></p>
<p><span style="color: #000000;">Fred Rulli អ្នកដែលបានចូលរួមក្នុងការត្រួតពិនិត្យកាមេរ៉ាដែលភ្ជាប់នៅលើកាំជ្រួច និយាយថា</span><br /><span style="color: #000000;"> “ក្រុមអ្នកវិទ្យាសាស្ដ្របានលោត និងស្រែកសាទរដូចកូនក្មេង”។</span></p>
<p><span style="color: #000000;">រូបភាពស-ខ្មៅ ដែលត្រូវបានថតនៅលើកំពស់ ១០៤គីឡូម៉ែត្រ បង្ហាញអំពីរូបរាងកោងមួយផ្នែករស់</span><br /><span style="color: #000000;">ផែនដី និងពពកគ្របដណ្ដប់តំបន់ភាគនិរតីរបស់អាមេរិក។ កាំជ្រួចដែលត្រូវបានប្រើប្រាស់ក្នុង</span><br /><span style="color: #000000;">បេសកកម្មនេះគឺកាំជ្រួច V-2 ដែលត្រូវបានផលិតឡើងដោយពួកណាស៊ីអាល្លឺម៉ង់។</span></p>
<p><span style="color: #000000;">កាំជ្រួច V-2 ត្រូវបានបាញ់ជាលើកដំបូងក្នុងឆ្នាំ ១៩៤៤ ក្រោយមក Hitler បានបញ្ជាឱ្យបញ្ជូនរាប់</span><br /><span style="color: #000000;">ពាន់គ្រាប់ទៅវាយប្រហារទៅលើក្រុង London, Antwerp និង Liège។ នេះត្រូវបានគេចាត់ទុកថា</span><br /><span style="color: #000000;"> ជាការវាយប្រហារខ្លាំងក្លាចុងក្រោយរបស់ Hitler មុនពេលសង្គ្រាមលោកលើកទីពីរបានបញ្ចប់។</span></p>
<p style="text-align: center;"><span style="color: #000000;"><a class="thickbox" title="" href="/FileManager/Commons/2016/10/28/earth1-28-10-2016--11-05-04.jpg"><span style="color: #000000;"><img src="/FileManager/Articles/mce/2016/10/28/earth1-28-10-2016--11-05-04.jpg" alt="" /></span></a></span></p>
<p style="text-align: center;"><span style="color: #000000;">កាំជ្រួច V-2 ត្រូវបានផលិតឡើងដោយពួកណាស៊ីអាល្លឺម៉ង់<br /></span><br /><span style="color: #000000;"><a class="thickbox" title="" href="/FileManager/Commons/2016/10/28/earth1-28-10-2016--11-05-04.jpg"></a></span></p>
<p><span style="color: #000000;">បន្ទាប់ពីចាញ់សង្គ្រាម ក្រុមអ្នកវិទ្យាសាស្ដ្រកាំជ្រួចរបស់អាល្លឺម៉ង់ ត្រូវបានគេចាប់ទៅអាមេរិក និង</span><br /><span style="color: #000000;">ធ្វើការឱ្យកម្មវិធីអវកាសរបស់កងទ័ពអាមេរិក។ ក្រុមនេះ ត្រូវបានបញ្ជាឱ្យស្រាវជ្រាវលទ្ធភាពនៃការ</span><br /><span style="color: #000000;">ប្រើប្រាស់កាំជ្រួច V-2 ដើម្បីស្រាវជ្រាវអំពីអវកាស និងការពារជាតិ។ ក្រោយមក រូបភាពដំបូងស្ដី</span><br /><span style="color: #000000;">អំពីផែនដីក៏ត្រូវបានគេបង្ហាញជាសាធារណៈ។</span></p>
<p><span style="color: #000000;">បច្ចេកវិទ្យាថតពីអវកាស ក្រោយមកក៏បានរីកចម្រើនយ៉ាងខ្លាំងក្លា ហើយកាលពីខែកុម្ភៈ ឆ្នាំ ១៩៩០ </span><br /><span style="color: #000000;">យានអវកាស Voyager 1 ក៏ថតបានរូបភាពដំបូងនៃផែនដី ពីភព Neptune៕</span></p>
<p style="text-align: right;"><span style="color: #000000;">ប្រែសម្រួល ៖ តារា</span><br /><span style="color: #000000;">ប្រភព ៖ Dailymail</span><br /><br /></p>