<p><span style="color: #000000;">(ភ្នំពេញ)៖ នៅយប់មិញនេះ កម្មវិធី The Voice Cambodia 2 បានឈានដល់ការប្រកួតវគ្គពាក់កណ្តាលផ្តាច់ព្រ័ត្រ ដោយ Coach និមួយៗមានកូនក្រុម២នាក់ ដើម្បីប្រកួតប្រជែងជាមួយគ្នា ជ្រើសរើសយកតែម្នាក់ ទៅប្រកួតនៅវគ្គផ្តាច់ព្រ័ត្រ ដែលនឹងរៀបចំឡើងនៅយប់ថ្ងៃអាទិត្យ ទី១៩ ខែមិថុនា ឆ្នាំ២០១៦។</span></p>
<p><span style="color: #000000;">អ្វីដែលចាប់អារម្មណ៍នៅ ក្នុងការប្រកួតយប់មិញនេះ កូនក្រុមរបស់ Coach តារាចម្រៀង ឱក សុគន្ធកញ្ញា គឺបេក្ខនារី រ៉េត ស៊ូហ្សាណា បានធ្លាក់ពីកម្មវិធី The Voice Cambodia ហើយ បន្ទាប់ពីមិនអាចយកឈ្នះគូប្រជែងរួមក្រុមគឺបេក្ខជន ថែល ថៃ បាន ខណៈក្នុងបណ្តាលសង្គម Facebook មួយចំនួន បានរិះគន់ចំពោះ Coach ឱក សុគន្ធកញ្ញា ថាមានភាពមិនយុត្តិធម៌ ព្រោះតែឲ្យ រ៉េត ស៊ូហ្សាណា ច្រៀងបទដែលមានមេឡូឌីទាប ហើយឲ្យ ថែល ថៃ ច្រៀងបទស្រែកៗពិបាកៗនោះក្តី។</span></p>
<p><span style="color: #000000;">ក្នុងវគ្គពាក់កណ្តាលផ្តាច់ព្រ័ត្រនាយប់មិញនេះ បេក្ខនារី រ៉េ ស៊ូហ្សាណា ដែលនិយមច្រៀងបទចម្រៀង ជាភាសាអង់គ្លេស ហើយទទួលបានការរិះគន់ ជាបន្តបន្ទាប់នោះ បានច្រៀងចម្រៀង២ បទខ្មែរមួយបទ និងបទអង់គ្លេសមួយបទ។ បទខ្មែរ មានចំណងជើងថា «ផ្ការីកក្នុងសមុទ្រទឹកភ្នែក» និងបទជាភាសាអង់គ្លេស «Blank Space»។</span></p>
<p><span style="color: #000000;">យ៉ាងណាក៏ដោយការរិះគន់ដែលបានកើតឡើង ទៅលើគ្រូបង្វឹក ឱក សុគន្ធកញ្ញា ត្រូវបានបញ្ចប់ បន្ទាប់ពីបេក្ខនារី រ៉េត ស៊ូហ្សាណា ត្រូវបានទម្លាក់នៅ យប់ថ្ងៃទី១២ ខែមិថុនា ក្នុងកម្មវិធី The Voice Cambodia ដោយជើងខ្លាំង ថែល ថៃ។ ការបរាជ័យរបស់នាង គឺជាការបិទបញ្ចប់រាល់ការរិះគន់ ខណៈដែលមុនការប្រកាសលទ្ធផល គឺការផុសផុលយ៉ាងខ្លាំង វាយសន្ធាប់ថា កម្មវិធីបានរៀបចំឲ្យ រ៉េត ស៊ូហ្សាណា ទៅកាន់វគ្គផ្ដាច់ព្រ័ត្រ ដើម្បីឲ្យមានប្រៀបលើ ថែល ថៃ នោះ។</span></p>
<p><span style="color: #000000;">ក្នុងវគ្គប្រកាសលទ្ធផល យុវតីវ័យ១៦ឆ្នាំ រ៉េត ស៊ូហ្សាណា បាននិយាយក្នុងភាពជឿជាក់ថា<strong> «ចាប់តាំងពីការផ្តើមចូលរួមក្នុងកម្មវិធីប្រកួតនេះ នាងខ្ញុំមិនដែល ស្រមៃថា អាចឈានចូលមកដល់វគ្គ ពាក់កណ្តាលផ្តាច់ព្រ័ត្រដូចពេលនេះទេ ព្រោះវគ្គពាក់កណ្តាលផ្តាច់ព្រ័ត្រ គឺវាមានន័យណាស់ ហើយវាគឺជាវគ្គដ៏ធំមួយ នៃជីវិតរបស់ខ្ញុំ ។ ខ្ញុំមិនដែលជឿថា នាងខ្ញុំឡើងមកដល់វគ្គហ្នឹងទេ អីចឹងវាមាន័យសម្រាប់ខ្ញុំ ។ បើទោះបីជាថ្ងៃនេះ លទ្ធផលបរាជ័យក៏ដោយប៉ុន្តែ នាងខ្ញុំសប្បាយចិត្តក្នុងការទទួលយកវា ហើយនាងខ្ញុំនឹងយកការបរាជ័យមួយនេះ ទៅជាបទពិសោធន៍របស់នាងខ្ញុំទៅថ្ងៃអនាគត»</strong>។</span></p>
<p><span style="color: #000000;">សម្តីគ្រប់មាត់របស់ រ៉េត ស៊ូហ្សាណា និយាយក្នុងវេទិកា បានធ្វើឲ្យ កញ្ញា ឱក សុគន្ធកញ្ញា ដែលជាគ្រូបង្វឹកហូរទឹកភ្នែក នៅចំពោះមុខទស្សនិកជនរាប់ម៉ឺននាក់។</span></p>
<p><span style="color: #000000;">សូមជម្រាបថា បេក្ខជន បេក្ខនារី The Voice Cambodia 2 ដែលអាចឈានជើង ទៅប្រកួតវគ្គផ្តាច់ព្រ័ត្ររួមមាន៖ បេក្ខជន ថែល ថៃ របស់ Coach ឱក សុគន្ធកញ្ញា, បេក្ខនារី សាន ស្រីឡៃ របស់ Coach ពេជ្រ សោភា, បេក្ខជន ឃី សុឃុន របស់ Coach ឆន សុវណ្ណរាជ និង បេក្ខនារី ឈីន រតនៈ របស់ Coach ណុប បាយ៉ារិទ្ធ៕</span></p>
<p><span style="color: #000000;"><img src="http://image.freshnewsasia.com/2016/019/05/fn-2016-06-13-07-54-10-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-06-13-07-54-10-1.jpg" alt="" width="730" /></span></p>
<p> </p>
<p><span style="color: #000000;"><iframe src="https://www.facebook.com/plugins/video.php?href=https%3A%2F%2Fwww.facebook.com%2FTheVoiceCambodia%2Fvideos%2F780159278775734%2F&show_text=0&width=560" frameborder="0" width="500" height="410"></iframe></span></p>
<p><span style="color: #000000;"><iframe src="https://www.facebook.com/plugins/video.php?href=https%3A%2F%2Fwww.facebook.com%2FTheVoiceCambodia%2Fvideos%2F780273815430947%2F&show_text=0&width=560" frameborder="0" width="500" height="410"></iframe></span></p>
<p><span style="color: #000000;"><iframe src="https://www.facebook.com/plugins/video.php?href=https%3A%2F%2Fwww.facebook.com%2FTheVoiceCambodia%2Fvideos%2F780302062094789%2F&show_text=0&width=560" frameborder="0" width="500" height="410"></iframe></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>