<div>
<p><span style="color: #000000;"><strong>(ភ្នំពេញ)៖</strong> អ្នកនាង ស្វែង សុជាតា ស្ថិតក្នុងវ័យជាង៣០ឆ្នាំ ធ្លាប់ជាតារាភាពយន្ត មានទេពកោសល្យក្នុងពិភពសម្តែង ពិសេសជាតួកាចឆ្នាសឆ្នើម។ ប៉ុន្តែអំឡុងរយៈពេល២ឆ្នាំចុងក្រោយ អ្នកនាងក៏ផ្តើមបាត់មុខ ពីសិល្បៈទាំងស្រុងដោយសាធ្លាក់ខ្លួនមានជំងឺធ្ងន់ ដុះសាច់ខួរក្បាលត្រូវសម្រាកព្យាបាល និងសង្គ្រោះជីវិត។</span></p>
<p><span style="color: #000000;">ការបាត់វត្តមាន ពីសង្វៀនសិល្បៈជាច្រើនឆ្នាំ ពីសំណាក់តារាសម្តែង អ្នកនាង ស្វែង សុជាតា កាលនោះ ស្ទើរធ្វើឲ្យទស្សនិជន អ្នកគាំទ្រភាគច្រើនភ្លេចនាងទៅហើយ តែណាយ៉ាងមិញ ជីវិតសិល្បៈរបស់អ្នកនាង ស្វែង សុជាតា ក៏ចាប់ផ្តើមមានពន្លឺជាថ្មីឡើងវិញ ក្រោយពេលព្យាបាលជំងឺ ជាសះស្បើយ និងត្រូវបានផ្តល់ឱកាស ថតសម្តែងភាពយន្តរឿងបណ្តាស្ថានីយទូរទស្សន៍ ពិសេសភាពយន្តហូលីវ៉ូតរបស់អ្នកស្រី Angelina jolie តែម្តង។</span></p>
<p><span style="color: #000000;">ថ្លែងប្រាប់គេហទំព័រ Khmertalking ក្នុងជំនួបផ្ទាល់កាលពីពេលថ្មីៗនេះ តារាសម្តែង អ្នកនាង ស្វែង សុជាតា បាននិយាយឲ្យដឹងថា បន្ទាប់ពីថតភាពយន្តហូលីវ៉ូតរបស់អ្នកស្រី Angelina jolie ច្ចុប្បន្នអ្នកនាងមានកុងត្រាថ្មី២រឿងថែមទៀត គឺថតឲ្យស្ថានីយទូរទស្សន៍CTN និងប៉ុស្តិ៍អាស៊ីអាគ្នេយ៍។ ប៉ុន្តែចំណងជើងនៃសាច់រឿង ពុំទាន់ត្រូវបានបញ្ជាក់ឲ្យដឹង ពីសំណាក់អ្នកនាង ស្វែង សុជាតា នៅឡើយទេ។</span></p>
<p><span style="color: #000000;">«សូមលាក់ចំណងជើងនៃរឿងនេះសិន ព្រោះបងនៅមិនទាន់ប្រាកដែរ។ ចំណែករឿងចុះកុងត្រា ឲ្យខាងទូរសទស្សន៍ CTN គឺយើងធ្វើរួចរាល់អស់ហើយ តែសម្រាប់ទូរទស្សន៍អាស៊ីអាគ្នេយ៍ ត្រៀមនឹងធ្វើនៅថ្ងៃទី៣១ ខែធ្នូខាងមុខនេះ »។ នេះជាការបញ្ជាក់របស់អ្នកនាង ស្វែង សុជាតា ។</span></p>
<p><span style="color: #000000;">អ្នកនាង ស្វែង សុជាតា បាននិយាយបន្តឲ្យដឹងទៀតថា «សម្រាប់ខ្ញុំមិនដែលខ្វល់ ពីតំណែងអ្វីនោះទេ សំខាន់មានសាច់រឿងឲ្យសម្តែង ហើយរក្សាតម្លៃខ្លួន នៅដដែល។ ខ្ញុំក៏អរគុណ ចំពោះសិល្បករខ្មែរទាំងអស់ ដែលកន្លងមកតែងគិតគូជួយដល់ខ្ញុំ ពេលជួបការលំបាក ពិសេសលោក សាវិន ហ្វីលីព និងភរិយារបស់គាត់ គឺខ្ញុំអរគុណដល់ ពួកគាត់ខ្លាំងណាស់ ដែលផ្តល់ជាកំលាំងចិត្ត និងស្វះស្វែង ដើម្បីឲ្យអ្នកស្រី Angelina jolie ធ្វើការទំនាក់ទំនងហៅខ្ញុំថតភាពយន្តហូលីវ៉ូត និងបានតំណែងជាតួលំដាប់ទី២ នៅក្នុងរឿងនេះ.»។</span></p>
<p><span style="color: #000000;">តាមរយៈការលេចមុខ សម្តែងរឿងជាថ្មីឡើងវិញ ពេលនេះ អ្នកនាង ស្វែង សុជាតា ក៏បាននិយាយបង្ហាញក្តីសង្ឃឹមថា «ខ្ញុំជឿជាក់ថាអ្វីៗនឹងមានភាពប្រសើរឡើងវិញ នៅពេលខាងមុខ ព្រោះពេលនេះជំងឺរបស់ខ្ញុំ បានជាសះស្បើយវិញហើយ។ បើទោះបីជាពេលនេះ ខ្ញុំគ្មានទ្រព្យធនដូចមុនក៏ពិតមែន តែខ្ញុំនឹងព្យាយាមខំប្រឹងរកវាមកវិញ។ ខ្ញុំសូមអរគុណផងដែរ សម្រាប់បងប្អូនមិត្តភក្តិ និងអ្នកគាំទ្រទាំងអស់..»៕</span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xaf1/v/t1.0-9/10599154_1538671346447231_5366950176923283337_n.jpg?oh=590c1c09e763d2ac9b9feba01652b5e3&oe=570C8E87" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xfp1/v/t1.0-9/10399608_1538671343113898_4067949637624223657_n.jpg?oh=ac999f54554bcd69f241677aadf7d1ba&oe=5718D086" alt="" width="730" /></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ហ្វ្រេសញ៉ូវអាស៊ី</span></p>
</div>