<p><span style="color: #000000;">យានយន្ដ៖ មិនទាន់មានការបញ្ជាក់ឲ្យបានច្បាស់លាស់នៅឡើយ ទេពីមូលហេតុដែលឈានទៅការប្រព្រឹត្ដនូវអំពើគួរឲ្យក្ដៅក្រហាយរបស់ បុរសម្នាក់ ដែលសម្រាតខោខ្លួនឯង ក្នុងហ្វូងមនុស្សទីសាធារណៈ ហើយមកអង្គុយលើរថយន្ដ ដ៏ទំនើប និងថ្មីស្រឡាង ទើបតែនឹងទិញកាលពីប៉ុន្មានខែមុន ។ </span></p>
<p><span style="color: #000000;">យោងតាមការចុះផ្សាយ របស់គេហទំព័រ carscoops បានឲ្យដឹងថា បុរសពីរនាក់ ស្រវឹងស្រា ក្នុងហ្វូងមនុស្សដទៃទៀត បានធ្វើដំណើរថ្នើរជើង ស្របទិសដៅគ្នាជាមួយរថយន្ដទំនើបម៉ូដែល Lamborghini Aventador ក៏ស្រាប់តែម្នាក់ក្នុងចំណោម ពីរនាក់នោះ បានមកស្រាតខោខ្លួនហើយអង្គុយលើ ក្បាលរថយន្ដ សម្ញ៉ែងភាពអង់អាចដោយមិនខ្វល់អ្វីទាំងអស់ ចំណែកម្នាក់ទៀត គ្នាគេនោះបានខំប្រឹងចំអន់ខ្លាំងៗដាក់ម្ចាស់រថយន្ដ ទំនងគួរទ្រាំមិនបាន។ ហេតុការណ៍នេះបានកើតឡើង ក្នុងប្រទេសអង់គ្លេសទីក្រុង Manchester ខណៈដែលម្ចាស់រថយន្ដថ្មីនេះ ទើបតែទិញបានរថយន្ដកាលពីប៉ុន្មានខែមុន ដោយមានការបើកបង្ហាញចេញចូល ក្នុងទឹកដីអង់គ្លេស ។ </span></p>
<p><span style="color: #000000;">គូសបញ្ជាក់ផងដែរថា រថយន្ដទំនើប ម៉ូដែល Lamborghini Aventador ស៊េរីឆ្នាំ 2013 នោះគឺ មានតម្លៃមិនក្រោម ២០ម៉ឺនដុល្លារនោះទេ ហើយប្រើកម្លាំងម៉ាស៊ីន V12 ត្រូវនឹង ៧១០ សេះ អាចរត់បានល្បឿនលឿនបំផុត ដល់ទៅ ៣៥០ គ.ម/ម៉ ។ </span></p>
<p><span style="color: #000000;">តោះទស្សនាវីដេអូខាងក្រោម៖ </span></p>
<p><span style="color: #000000;"><a class="thickbox" title="" href="/FileManager/Commons/2015/12/15/12-15-2015-2-44-03-pm-15-12-2015--14-51-00.png"><span style="color: #000000;"><img src="/FileManager/Articles/mce/2015/12/15/12-15-2015-2-44-03-pm-15-12-2015--14-51-00.png" alt="" /></span></a></span></p>
<p><span style="color: #000000;"><object width="500" height="300" data="http://www.youtube.com/v/LlbR8eUZhfo&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/LlbR8eUZhfo&rel=1" /></object></span></p>
<p style="text-align: right;"><span style="color: #000000;">ដោយ៖ អឿ អ៊ុយ</span></p>