<p><span style="font-size: 12px; color: #000000;">ចិនបាននិយាយថា ខ្លួនមានភាពតក់ស្លត់ ក្រោយពីសហរដ្ឋអាមេរិក បានប្រកាសពន្ធគយថ្មី ដោយធ្វើឱ្យកំសួលសង្រ្គាមពាណិជ្ជកម្មនៃប្រទេសទាំងពីរ កាន់តែពុះកញ្រ្ជោលខ្លាំងឡើង។</span></p>
<p class="story-bodyintroduction"><span style="color: #000000;">សហរដ្ឋអាមេរិក បានកត់ត្រាទុកទំនិញចិនបន្ថែមទៀត ដែលមានតម្លៃ ២០០ ពាន់លានដុល្លារអាមេរិក ដែលខ្លួន មានបំណងនឹងយកពន្ធឱ្យបានឆាប់ ក្នុងខែកញ្ញា។</span></p>
<p class="story-bodyintroduction"><span style="color: #000000;">ចលនានេះ កើតឡើងត្រឹមរយៈពេលប៉ុន្មានថ្ងៃប៉ុណ្ណោះ ក្រោយពីប្រទេសទាំងពីរ បានដាក់ពន្ធគយទៅលើទំនិញគ្នាទៅវិញទៅមក ក្នុងតម្លៃ ៣៤ ពាន់លានដុល្លារអាមេរិក។</span></p>
<p class="story-bodyintroduction"><span style="color: #000000;"><a class="thickbox" title="" href="/FileManager/Commons/2018/7/11/43-11-07-2018--14-35-22.PNG"><img src="/FileManager/Articles/mce/2018/7/11/43-11-07-2018--14-35-22.PNG" alt="" /></a><br /></span></p>
<p class="story-bodyintroduction"><span style="color: #000000;">ក្រុងប៉េកាំងបានចាត់ទុកថា ការគំរាមកំហែងចុងក្រោយរបស់ក្រុងវ៉ាស៊ីងតោន គឺជាទង្វើទទួលយកមិនបានទាល់តែសោះ ដោយនិយាយថា អាមេរិកនឹងធ្វើឱ្យប៉ះពាល់ដល់ពិភពលោក។</span></p>
<p class="story-bodyintroduction"><span style="color: #000000;">អ្នកនាំពាក្យនៃក្រសួងពាណិជ្ជកម្មចិន បាននិយាយនៅក្នុងរបាយការណ៍មួយថា៖”អាកប្បកិរិយារបស់អាមេរិក គឺបង្កការឈឺចាប់ដល់ចិន ពិភពលោក និងប្រទេសខ្លួនឯង”។ បញ្ជីនោះ បានកត់ត្រាឈ្មោះមុខទំនិញ ៦,០០០ មុខដោយរួមបញ្ចូលទាំងផលិតផលម្ហូបអាហារ សារធាតុរ៉ែ និងទំនិញប្រើប្រាស់ជាច្រើនមុខទៀតដូចជា កាបូបជាដើម។</span></p>
<p class="story-bodyintroduction"><span style="color: #000000;">សាធារណជន មានឱកាសសម្ដែងមតិលើបញ្ជីទំនិញនោះរហូតដល់ចុងខែ សីហា មុនពេលពន្ធគយថ្មី ១០% បន្ថែមទៀតចូលជាធរមាន ៕</span></p>
<p class="story-bodyintroduction"><span style="color: #000000;"><a class="c_tab" href="http://mekongnet.com.kh/pages/SpecialOfferCamnews.aspx" target="_blank"><img src="/FileManager/Articles/mce/2018/7/11/mekongnet-11-07-2018--14-35-43.PNG" alt="" /></a></span></p>
<p class="story-bodyintroduction" style="text-align: right;"><span style="color: #000000; font-size: 12px; text-align: right;">ប្រែសម្រួល៖ សារ៉ាត</span></p>
<p class="story-bodyintroduction" style="text-align: right;"><span style="color: #000000;">ប្រភព៖ ប៊ីប៊ីសុី </span></p>