<p><span style="color: #000000;"><strong>(ភ្នំពេញ)៖</strong> អគ្គនាយក នៃអគ្គនាយកដ្ឋាន អត្តសញ្ញាណកម្ម ក្រសួងមហាផ្ទៃ នាយឧត្តមសេនីយ៍ ម៉ៅ ច័ន្ទតារា បានថ្លែងថា ក្នុងរយ:ពេល១០ឆ្នាំទៀត សម្រាប់ប្រទេសកម្ពុជា នឹងសម្រេចបាន "បុគ្គលមួយរូបមានអត្តសញ្ញាណមួយ" ដែលកិច្ចការមួយនេះ មានភាពស្មុគស្មាញ ពិតជាមិនអាចសម្រេចបាន ក្នុងរយ:ពេលដ៏ខ្លីនោះឡើយ។</span></p>
<p><span style="color: #000000;">ការថ្លែងបែបនេះរបស់នាយ ឧត្តមសេនីយ៍ ម៉ៅ ច័ន្ទតារា បានធ្វើឡើង នៅក្នុងកិច្ចប្រជុំ ក្រុមការងារបច្ចេកទេស អន្តរក្រសួងពិគ្រោះយោបល់ និងផ្តល់ការគាំទ្រដល់ផែនការយុទ្ឋសាស្ត្រជាតិ ស្តីអត្តសញ្ញាណកម្ម ឆ្នាំ២០១៥-២០២៤ នៅព្រឹកថ្ងៃទី២៣ ខែធ្នូ ឆ្នាំ២០១៥ នៅក្រសួងមហាផ្ទៃ ដោយមានការចូលរួមពីថ្នាក់ ដឹកនាំពាក់ព័ន្ឋ តាមក្រសួង ស្ថាប័ន និងតំណាងអង្គការ យូនីសេហ្វ ប្រចាំនៅកម្ពុជា ។</span></p>
<p><span style="color: #000000;">នាយឧត្តមសេនីយ៌ ម៉ៅ ច័ន្ទតារា បានបញ្ជាក់ថា សេចក្តីព្រាងផែនការយុទ្ធសាស្រ្ត ជាតិស្តីពីអត្តសញ្ញាណកម្មនេះត្រូវបានកសាងឡើងដោយមានការពិគ្រោះយោបល់ក្នុងចំណោមក្រសួង ស្ថាប័ន ពាក់ព័ន្ធនានា មានជាអាទិ៍ ក្រសួងសុខាភិបាល ក្រសួងផែនការ ក្រសួងយុត្តិធម៌ ក្រសួងការបរទេស និងកិច្ចសហ ប្រតិបត្តិការអន្តរជាតិ ក្រសួងអប់រំ យុវជន និងកីឡា ក្រសួងសេដ្ឋកិច្ច និងហិរញ្ញវត្ថុ ក្រសួងការងារ និងបណ្តុះ បណ្តាលវិជ្ជាជីវៈ ក្រសួងប្រៃសនីយ៍ និងទូរគមនាគមន៍ និងក្រសួង ស្ថាប័នមួយចំនួនទៀត។</span></p>
<p><span style="color: #000000;"> បន្ទាប់មក ក៏មានកិច្ច ពិគ្រោះយោបល់ជាមួយដៃគូអភិវឌ្ឍន៍ សង្គមស៊ីវិល រដ្ឋបាលថ្នាក់ក្រោមជាតិ និងអ្នកទទួលសេវាមួយចំនួន ដើម្បី ប្រមូលបញ្ហា និងមតិយោបល់ទាំងអស់ សម្រាប់ធ្វើជាមូលដ្ឋានក្នុងការរៀបចំសេចក្តីព្រាងផែនការនេះ។ ជាងនេះ ទៀត សេចក្តីព្រាងផែការក៏បានដាក់ឱ្យពិគ្រោះយោបល់នៅក្នុងសិក្ខាសាលាពិគ្រោះយោបល់ ថ្នាក់ជាតិដែលបាន ប្រព្រឹត្តទៅនាថ្ងៃទី២២-២៣ ខែកញ្ញា ឆ្នាំ២០១៥កន្លងមក ដោយប្រមូលបាននូវអនុសាសន៍ដ៏មានសារៈសំខាន់ មួយចំនួន ហើយអគ្គនាយកដ្ឋានអត្តសញ្ញាណកម្មក៏បានពិនិត្យ និងកែសម្រួលសេចក្តីព្រាងផែនការនេះស្របតាម មតិយោបល់នោះរួចហើយដែរ។</span></p>
<p><span style="color: #000000;">នាយឧត្តមសេនីយ៌ បានបន្តថា កិច្ចប្រជុំនាថ្ងៃនេះមានគោលបំណងផ្តល់ព័ត៌មានឱ្យកាន់តែលម្អិតដល់ក្រសួងពាក់ព័ន្ធទាំងអស់ ឱ្យបានជ្រួតជ្រាបកាន់តែច្បាស់ពីផែនការយុទ្ធសាស្រ្តជាតិនេះ ដើម្បីជួយគាំទ្រ និងងាយស្រួលក្នុងការចូលរួម អនុវត្តបន្ទាប់ពីផែនការនេះ បានអនុម័តដោយរាជរដ្ឋាភិបាល។</span></p>
<p><span style="color: #000000;"><strong>ម៉្យាងទៀត ក្រសួងមហាផ្ទៃក៏ស្នើសុំឱ្យមានការ ពិគ្រោះយោបល់លើចំណុចមួយចំនួនដូចខាងក្រោម ៖</strong></span></p>
<p><span style="color: #000000;">១. តួនាទី និងដំណើរការរបស់វិស័យសុខាភិបាលនៅមានមិនទាន់បានកំណត់ឱ្យបានជាក់លាក់ក្នុងចូលរួម ជួយលើកកម្ពស់ការចុះបញ្ជីអត្រានុកូលដ្ឋាន ជាពិសេសការចុះបញ្ជីមរណភាព។ ចំណុចនេះខ្ញុំយល់ថា ក្រសួង សុខាភិបាលក៏កំពុងរៀបចំផែនការយុទ្ធសាស្រ្តរបស់ខ្លួនដែរ ដែលអាចមានការពាក់ព័ន្ធជាមួយនឹងការងារអត្រានុ កូលដ្ឋាន។ ដូច្នេះ គួរមានការពិភាក្សាក្នុងការធ្វើសង្គតិភាពលើគោលបំណងយុទ្ធសាស្រ្តមួយចំនួនដែលមានការ ពាក់ព័ន្ធគ្នា ធ្វើយ៉ាងណាអាចគាំទ្រគ្នាទៅវិញទៅមកបានដើម្បីឱ្យអាចឆ្លើយតបបានទៅនឹងគោលដៅនានាដែល បានកំណត់នៅក្នុងក្របខ័ណ្ឌសកម្មភាពថ្នាក់តំបន់អាស៊ី និងប៉ាស៊ីហ្វិកស្តីពីអត្រានុកូលដ្ឋាន និងស្ថិតិអត្រានុកល ដ្ឋាន។</span><br /><span style="color: #000000;">២. ការសម្រេចក្នុងការប្រើប្រាស់កូដជំងឺអន្តរជាតិ១០ (ICD10) ក៏នៅមិនទាន់មានភាពច្បាស់លាស់នៅ ឡើយ។ ចំណុចនេះក៏ជាប្រការដ៏សំខាន់មួយដែលក្រសួងសុខាភិបាលគួរធ្វើការសម្រេចជាសកម្មភាពអាទិភាព ទើប អាចធ្វើឱ្យកម្ពុជាងាយស្រួលក្នុងការទទួលបានការគាំទ្រពីដៃគូអភិវឌ្ឍន៍ដើម្បីពង្រឹងប្រព័ន្ធអត្រានុកូលដ្ឋាន និងស្ថិតិ អត្រានុកូលដ្ឋានទៅអនាគត។</span><br /><span style="color: #000000;">៣. ចំពោះស្ថិតិអត្រានុកូលដ្ឋានក៏ត្រូវពិភាក្សាគ្នាដែរ ដើម្បីឱ្យដឹងថា តើវិទ្យាស្ថានជាតិស្ថិតិ នៃក្រសួងផែនការ នឹងចូលរួមពាក់ព័ន្ធយ៉ាងណា? ថ្មីៗនេះសភាជាតិបានអនុម័តច្បាប់ស្តីពីស្ថិតិជាតិ ដូច្នេះ តើច្បាប់នេះមានឥទ្ធិពល បែបណាជាមួយនឹងបញ្ហានេះ?</span><br /><span style="color: #000000;">៤. ក្រៅពីបញ្ហាខាងលើនេះ លោកស្រី អស់លោក អាចលើកឡើងពីចម្ងល់ និងមតិ យោបល់នានាទៀតដែលពាក់ព័ន្ធដល់កិច្ចការនៃវិស័យរបស់ខ្លួន សម្រាប់ចូលរួមចំណែកជាធាតុចូលក្នុងផែនការយុទ្ធ សាស្រ្តជាតិនេះ ៕</span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xpa1/v/t1.0-9/10464338_1536677163313316_540141520593930495_n.jpg?oh=162fbc5b75027f31dd2a577cabfaf243&oe=571B25FE" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xpf1/v/t1.0-9/12391798_1536677089979990_5882948445159599436_n.jpg?oh=400d97fe3e5923d28fc3095d7567db7c&oe=56DD6DF9" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xpl1/v/t1.0-9/1010480_1536677066646659_5004971824178732538_n.jpg?oh=9c75ca283e7a8147a30d44b7afab98d4&oe=570C19DD" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-d-a.akamaihd.net/hphotos-ak-xlp1/v/t1.0-9/12366371_1536677103313322_1119717469880563686_n.jpg?oh=8c34491074fc5664768c6afeea5e34d8&oe=5716432F&__gda__=1456829754_1dc4483a37752f7800ea2357e26a444f" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xft1/v/t1.0-9/12366297_1536677026646663_4766155816758614942_n.jpg?oh=52029f71d2b206190cd5125a9d8637e6&oe=56D8AC69" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xfl1/v/t1.0-9/12376565_1536677029979996_8518223107228057958_n.jpg?oh=3d0381caba4b39f32e7687ed4eae2036&oe=56DAE3E8" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xtf1/v/t1.0-9/224967_1536677023313330_6876290505114934656_n.jpg?oh=04f0c216e75f9c1ce076a1c4abc654bb&oe=56D41498" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្រ្វេសញូវអាស៊ី</span></p>