<p>ព័ត៌មានអន្តរជាតិ ៖ ក្រុមមន្រ្តីប្រទេស អូស្រា្តលី ក៏កំពុងតែធ្វើការតាមដានវិភាគ ពីសាកសពមនុស្សដែលបានរកឃើញ នៅក្នុងខ្លួន ក្រពើកំណាចមួយក្បាល ថា តើ វាពិតជាត្រូវនឹង DNA បុរសម្នាក់ ដែលបានបាត់ខ្លួន កាលពីពេលកន្លងទៅនោះ ឬក៏យ៉ាងណា ។</p>
<p>បុរសវ័យចំណាស់ អាយុ ៦២ ឆ្នាំនេះ បើតាមសេចក្តីរាយការណ៍ ត្រូវបានបញ្ជាក់អោយដឹងថា លោក ត្រូវបានសត្វកំណាច កញ្ឆក់ ខាំពាំ អូសចូលទៅក្នុងទឹក ពីលើទូករបស់គាត់ នៅឯឧទ្យានជាតិ Ka - kadu National Park នៅឯភាគខាងជើង ប្រទេស ។</p>
<p><a class="thickbox" title="" href="/FileManager/Commons/2014/6/13/01-13-06-2014--08-59-06.jpg"><img src="/FileManager/Articles/mce/2014/6/13/01-13-06-2014--08-59-06.jpg" alt="" /></a></p>
<p>ក្រពើកំណាច ប្រវែង ជិត ៥ ម៉ែត្រ មួយនេះ គឺជាក្រពើមួយក្បាល ក្នុង ចំណោមពីរក្បាល ដែលត្រូវ បានបាញ់ដោយគ្រាប់ពិត ពីសំណាក់ មន្រ្តីឧទ្យាន នៅជិតនឹងកន្លែងវាយប្រហារ ។ បន្ថែមពីលើនេះ មានការបញ្ជាក់បានអោយដឹងថា ប្រពន្ធជនរងគ្រោះ កូនជនរងគ្រោះ ក៏ដូចជា កូនប្រសាស្រីជនរង គ្រោះ ក៏បានមានវត្តមានជាមួយនឹងជនរងគ្រោះខាងលើ ដូចគ្នា ដែរ អំឡុងពេលដែលមានការវាយ ប្រហារ កាលពីថ្ងៃសៅរ៍ កន្លងទៅនេះ នៅឯទន្លេ South Alligator River ។</p>
<p><a class="thickbox" title="" href="/FileManager/Commons/2014/6/13/02-13-06-2014--08-59-16.jpg"><img src="/FileManager/Articles/mce/2014/6/13/02-13-06-2014--08-59-16.jpg" alt="" /></a></p>
<p>លោក Andrew Hocking មន្រ្តីប៉ូលីសជាន់ខ្ពស់ ប្រចាំតំបន់ សរបញ្ជាក់អោយដឹងថា សាកសពដែល ត្រូវបានរកឃើញ នៅក្នុងក្រពះ ក្រពើកំណាចនោះ នឹងត្រូវ យកទៅវិភាគ DNA ដើម្បីបញ្ជាក់អោយ ច្បាស់ថាតើ ពិតជាត្រូវនឹង DNA បុរសដែលបាត់ខ្លួនទៅនោះ ឬក៏អត់ ។</p>
<p>គួររំឭកថា ក្រពើទឹកសាប ឬ Saltwater crocodiles បើ តាមការអោយដឹង វាអាច នឹងមានការលូត លាស់ដល់ទៅ ៧ ម៉ែត្រ ខណៈទម្ងន់ អាចធំធាត់លើសពី ទម្ងន់ ១ តោន ទៅទៀត ។ ប្រភពបញ្ជាក់ ថា ពូជក្រពើ ប្រភេទនេះ នៅក្នុងប្រទេស អូស្រ្តាលី ត្រូវបានអាជ្ញាធរ គាំពារ និង អភិរក្ស ៕</p>
<p style="text-align: right;">ប្រែសម្រួល ៖ កុសល<br />ប្រភព ៖ ប៊ីប៊ីស៊ី </p>