<p>កាលពីខែ មេសាកន្លង គេហទំព័រ globalfirepower.com បានប្រកាសចេញនូវបញ្ជីចំណាត់ថ្នាក់ និងបណ្ដាទិន្នន័យទាក់ទិននឹងកម្លាំងទ័ពរបស់ប្រទេសចំនួន ១០៦ ក្នុងពិភពលោក ក្នុងនោះ កម្ពុជា<br /> ឈរនៅលើលំដាប់លេខរាងទី ៨៤។</p>
<p style="text-align: center;"><a class="thickbox" title="" href="/FileManager/Commons/2014/7/19/cam1-19-07-2014--15-14-42.jpg"><img src="/FileManager/Articles/mce/2014/7/19/cam1-19-07-2014--15-14-42.jpg" alt="" /></a></p>
<p>ទំព័រ Business Insider របស់អាមេរិក បានបញ្ចេញនូវបញ្ជីចំណាត់ថ្នាក់ស្ដីពីប្រទេសចំនួន ៣៩ <br />ដែលមានកម្លាំងទ័ព ខ្លាំងបំផុត ក្នុងពិភពលោក ដោយយោងទៅលើតួលេខ Global Firepower <br />Index (តួលេខស្ដីពីកម្លាំងទ័ពទូទាំងពិភពលោក ដែលហៅកាត់ថា GFI) នៅលើគេហទំព័រ <br />globalfirepower.com ។ កាលពីខែ មេសាកន្លង គេហទំព័រនេះ បានប្រកាសនូវបញ្ជីចំណាត់ថ្នាក់ និងបណ្ដាទិន្នន័យទាក់ទិននឹងកម្លាំងទ័ពរបស់ប្រទេសចំនួន ១០៦ ក្នុងពិភពលោក ក្នុងនោះ <br />កម្ពុជា ឈរនៅលើលំដាប់លេខរាងទី ៨៤។</p>
<p>យោងតាមវិធីគិតរបស់ Global Firepower បណ្ដាតួលេខ ត្រូវបានគិតចេញជាពិន្ទុ(PwrIndx) ។<br /> ពិន្ទុ “PwrIndx” ដែលល្អបំផុត គឺ 0,0000 ដែលត្រូវបានវាយតម្លៃដោយយោងទៅលើកត្តាចំនួន <br />៥០ ដូចជា កត្តាទាក់ទិននឹងធនធានធម្មជាតិ ហិរញ្ញវត្ថុ កម្លាំងទ័ពជើងទឹក ចំនួនប្រជាជន និង <br />ភ័ស្ដុភារ ។ល។</p>
<p>ប៉ុន្ដែ បណ្ដាកត្តាធំៗ ដូចជា អាវុធនុយក្លេអែរ ឬកាំជ្រួចផ្លោងឆ្លងទ្វីបជាដើម ថ្វីបើត្រូវបានគេលើក<br />ឡើង ប៉ុន្ដែមិនត្រូវបានគិតជាពិន្ទុក្នុងតារាង Global Firepower នោះទេ។ មូលហេតុគឺដើម្បីធ្វើឱ្យ<br />មានតុល្យភាពក្នុងការប្រៀបធៀប រវាងប្រទេសតូច ប៉ុន្ដែមានបច្ចេកវិទ្យាទំនើបៗ ជាមួយប្រទេស<br />ធំ ប៉ុន្ដែមិនចំណាយច្រើនទៅលើវិស័យការពារជាតិ។</p>
<p style="text-align: center;"><a class="thickbox" title="" href="/FileManager/Commons/2014/7/19/cam2-19-07-2014--15-20-39.jpg"><img src="/FileManager/Articles/mce/2014/7/19/cam2-19-07-2014--15-20-39.jpg" alt="" /></a></p>
<p>យោងទៅលើលក្ខណៈវិនិច្ឆ័យ ចំនួន ៥០ ដែលបានមកពី CIA និងបណ្ដារបាយការណ៍សារ<br />ព័ត៌មាន គេហទំព័រ Global Firepower វាយតម្លៃថា អាមេរិក គឺជាប្រទេសនាំមុខគេ ក្នុងវិស័យ<br />ការពារជាតិ ដោយមានពិន្ទុ “PwrIndx” ០,២២០៨។ បន្ទាប់មកគឺប្រទេស រុស្ស៊ី ជាប់លេខ ២ <br />(ពិន្ទុ“PwrIndx” ០,២៣៥៥) និងទី ៣ គឺចិន ដែលមានពិន្ទុ “PwrIndx” គឺ ០,២៥៩៤។ បណ្ដាប្រទេស<br /> ចាប់បីលេខ ៤ ដល់លេខ ១០ រួមមាន ឥណ្ឌា អង់គ្លេស បារាំង អាល្លឺម៉ង់ ទួរគី កូរ៉េខាងត្បូង និង<br />ជប៉ុន។</p>
<p>ចំណែកតំបន់អាស៊ានវិញ ប្រទេស កម្ពុជា ជាប់ចំណាត់ថ្នាក់លេខ ៨៤ ក្នុងពិភពលោក ដោយ<br />មានពិន្ទុ ២,៥៧៩៨ គឺឈរនៅលើប្រទេសឡាវ ក្នុងតំបន់អាស៊ាន។ ប្រទេស ឥណ្ឌូនេស៊ី ជាប់<br />លេខ ១៩ , វៀតណាម លេខ ២៣ , ថៃ លេខ ២៤, ហ្វីលីពីន លេខ ៣៧, ម៉ាឡេស៊ី លេខ ៣៨ ,<br /> សឹង្ហបុរី ៤៤ និងប្រទេសឡាវ ជាប់លេខ ១០២។</p>
<p>ដោយឡែក បើគេគិតតែក្នុងតំបន់អាស៊ីអាគ្នេយ៍ គេឃើញថា ប្រទេសដែលនាំមុខគេក្នុងវិស័យ<br />យោធា គឺ ឥណ្ឌូនេស៊ី បន្ទាប់មកគឺ វៀតណាម ចំណែកថៃជាប់លេខ ៣ ប្រទេសហ្វីលីពីន ជាប់<br />លេខ ៤ ប្រទេសម៉ាឡេស៊ីលេខ ៥ ប្រទេសសឹង្ហបុរីជាប់លេខ ៦ ចុងក្រោយគឺកម្ពុជា លេខ ៧ <br />ប្រទេសឡាវ លេខ ៨។ ប្រទេសព្រុយណេ និងភូមា មិនត្រូវបានប្រភពព័ត៌មានលើកឡើងនោះ<br />ទេ។</p>
<p style="text-align: center;"><a class="thickbox" title="" href="/FileManager/Commons/2014/7/19/cam4-19-07-2014--15-27-16.jpg"><img src="/FileManager/Articles/mce/2014/7/19/cam4-19-07-2014--15-27-16.jpg" alt="" /></a></p>
<p>រីឯ ក្នុងតំបន់អាស៊ីប៉ាស៊ីហ្វិក ដែលមានសរុប ២៨ ប្រទេស ត្រូវបាននាំមុខដោយរុស្ស៊ី ចិន ឥណ្ឌា។<br /> ក្នុងតំបន់អាស៊ីប៉ាស៊ីហ្វិកនេះ កម្ពុជា ជាប់លេខទី ២៥ ឈរនៅពីលើប្រទេស ញូវស៊ីឡែន ស្រី<br />ឡាំងកា និងឡាវ។</p>
<p>ប្រភពព័ត៌មានបន្ថែមថា នេះគ្រាន់តែជាទិន្នន័យមួយដែលមិនអាចយកជាការបាន ១០០% នោះទេ គឺវាគ្រាន់តែជាព័ត៌មានសម្រាប់ថ្លឹងថ្លែងទៅនឹងភាពជាក់ស្ដែងប៉ុណ្ណោះ៕</p>
<p style="text-align: right;"><br />ប្រែសម្រួលដោយ ៖ តារា<br />ប្រភព ៖ Globalfirepower/Business Insider<br /><br /></p>