<p><span style="color: #000000;">ព័ត៌មានកីឡា៖ Luis Suarez បានអះអាងពីស្មារតីក្រុមរបស់ខ្លួនថាពិតជារឹងមាំ ក្រោយពីបានផ្ដួលក្រុមភ្ញៀវ Getafe យ៉ាងរាបនៅនឹងកន្លែងត្រឹមពិន្ទុ ៦-០ ហើយក្រោយមកទៀត នឹងត្រៀមខ្លួនបើកទ្វារទទួល ក្រុម Bayern Munich ក្នុងទឹកដីរបស់ខ្លួនដដែល ក្នុងព្រឹត្ដិការណ៍ប្រកួត Champions League ជម្រុះផ្ដាច់ព្រ័ត្រ។ </span></p>
<p><span style="color: #000000;">Barcelona បានទើបតែផ្ដួល Getafe FC យ៉ាងអាម៉ាស់ក្នុងទឹកដីរបស់ខ្លួនត្រឹមពិន្ទុ ៦-០ នៃព្រឹត្ដិការណ៍ប្រកួត League ប្រចាំតំបន់ ។ ទិដ្ឋភាពក្រុមនៅពេលនេះ កំពុងតែពុះកញ្ជ្រោលជាខ្លាំង ក្រោយពី ១៤ ប្រកួតកន្លងទៅ ក្រុមមិនទាន់ភ្លក្សរសជាតិចាញ់នៅឡើយ ។ </span></p>
<p><span style="color: #000000;">ទន្ទឹមនឹងការមើលឃើញដូច្នោះ កីឡាករ Luis Suarez បានស្រែកអួតក្ដែងៗថា គាត់ពិតជាសប្បាយចិត្ដនឹងមើលឃើញលទ្ធផលរបស់ក្រុមនៅពេលនេះណាស់ ហើយគាត់សង្ឃឹមថាទម្រង់លេងដ៏ល្អបែបនេះ (ផ្ដួល Getafe FC ស៊ី ៦-០ ) នឹងរក្សាបានរហូតដល់ការប្រកួតធំនាពេលនខាងមុខនេះ ។ ហើយមិនត្រឹមតែប៉ុណ្ណោះ គាត់ពិតជាត្រេកអរនឹងការមើលឃើញនៅកម្លាំងទឹកចិត្ដគាំទ្រពីទស្សនិកជន ដែលជម្រុញឲ្យក្រុមកាន់តែប្ដេជ្ញាចិត្ដតស៊ូដើម្បីជោគជ័យថែមទៀត ។ ហើយអ្វីដែលត្រូវ ជួបបន្ដគឺក្រុម នឹងត្រូវបើកទ្វារទទួលស្វាគមន៍ អ្នកលេងល្បីឈ្មោះមកពីប្រទេស អាល្លឺម៉ង់គឺ Bayern Munich នៅថ្ងៃខាងមុខនេះហើយ ។ </span></p>
<p><span><span><span><span><span style="color: #000000;"><a class="thickbox" title="" href="/FileManager/Commons/2015/4/29/4-29-2015-2-49-46-pm-29-04-2015--14-54-50.png"><span style="color: #000000;"><img src="/FileManager/Articles/mce/2015/4/29/4-29-2015-2-49-46-pm-29-04-2015--14-54-50.png" alt="" /></span></a></span></span></span></span></span></p>
<p style="text-align: right;"><span><span><span><span>ដោយ៖ អឿ អ៊ុយ</span></span></span></span></p>
<p style="text-align: right;"><span><span><span><span>ប្រភព៖ App onefootball</span></span></span></span></p>