<p><span style="color: #000000;"><strong>(ភ្នំពេញ)៖</strong> ខ្សែប្រយុទ្ធឆ្នើមរបស់ក្លឹបបឹងកេតអង្គរកីឡាករ ចាន់ វឌ្ឍនាកា និងខ្សែប្រយុទ្ធបរទេសចំណូលថ្មីនៃក្លឹបក្រសួងការពារជាតិកីឡាករ Choe Myon-Ho ដែលគេល្បីជា Ronaldo កូរ៉េខាងជើង ពេលនេះពួកគេកំពុងនាំមុខគេ សម្រាប់បញ្ជីឈ្មោះកីឡាករស៊ុតបាល់បញ្ជូលទីគូប្រកួតច្រើនជាងគេ ក្រោយបញ្ចប់ការប្រកួតជើងទី១ នៃពាន C-League រដូវកាលថ្មី ៣សប្ដាហ៍កន្លងទៅ ។</span></p>
<p><span style="color: #000000;">ខណៈពេលនេះកីឡាករជើងខ្លាំងទាំងពីរ រកបានម្នាក់ ៦គ្រាប់ស្នើគ្នា ដោយក្នុងនោះការបង្ហាញខ្លួនលើទីលាន ៣ប្រកួតរបស់ ចាន់ វឌ្ឍនាកា គឺរកបាន ២គ្រាប់ ពេលបឹងកេតយកឈ្នះអាស៊ីអឺរ៉ុប ៣-២, រកបាន ៣គ្រាប់ នៅពេលបឹងកេត លត់ក្រុមជ្ឈមណ្ឌលកំចាត់មីនកម្ពុជា(CMAC) ៧-០ និងរកបាន ៣គ្រាប់(Hat-Trick) នៅពេលជួយក្រុមបឹងកេត លត់ក្រុមវេស្ទើន ៦-០ ។</span></p>
<p><span style="color: #000000;">ចំណែកកីឡាករ Choe Myon-Ho វិញ គេរកបាន ១គ្រាប់ប៉ុណ្ណោះ សម្រាប់ការបង្ហាញខ្លួនលើកដំបូងជាមួយក្រុមក្រសួងការពារជាតិ នៅពេលយកឈ្នះក្រុមអគ្គស្នងការដ្ឋាននគរបាលជាតិ ដោយលទ្ធផល ១-០ និងរកបាន ១គ្រាប់ទៀត នៅពេលជួយក្រុមក្រសួងការពារជាតិ យកឈ្នះក្រុមណាហ្គាវើល ១-០ ។ ប៉ុន្ដែអ្វីដែលអស្ចារ្យ គឺកីឡាករ Ronaldo កូរ៉េខាងជើងនេះ រកបាន ៤គ្រាប់ម្នាក់ឯង ពេលក្រសួងការពារជាតិ លត់ម្ចាស់ផ្ទះវេស្ទើន ៥-១ កាលពីសប្ដាហ៍មុន ។</span></p>
<p><span style="color: #000000;">ដោយឡែកកីឡាករ ដែលកំពុងតាមពីក្រោយកីឡាករឆ្នើម ដែលជួយឲ្យក្រុមបឹងកេត និងក្រសួងការពារជាតិ ឈ្នះ ៣ប្រកួតជាប់គ្នានេះ គឺមានកីឡាករ Atuheire Kipson មកពីក្រុមព្រះខ័នរាជស្វាយរៀង និងកីឡាករ Okereke មកពីក្រុម CMAC ដែលរកបាន ៤គ្រាប់ស្មើគ្នា សម្រាប់ការបង្ហាញខ្លួនលើទីលានបាល់ទាត់ ៣ប្រកួតដូចគ្នា ៕</span></p>
<p><span style="color: #000000;"><a class="thickbox" title="" href="/FileManager/Commons/2016/3/9/19-09-03-2016--11-23-14.jpg"><img src="/FileManager/Articles/mce/2016/3/9/19-09-03-2016--11-23-14.jpg" alt="" /></a><br /></span></p>
<div id="aside" class="span3">
<div class="moduletable">
<div class="custom">
<p style="text-align: right;"><span style="color: #000000;"> <span class="a2a_kit a2a_kit_size_32 addtoany_list" style="line-height: 32px;" data-a2a-url="http://www.freshnewsasia.com/index.php/en/19431-2016-03-06-02-00-11.html" data-a2a-title="ឃាតកម្មសាហាវមួយទៀតហើយនៅសៀមរាប យុវជនល្មោភកាមរំលោភហើយសម្លាប់ កុមារីអាយុ១១ឆ្នាំម្នាក់">ផ្តល់សិទ្ធដោយ ៖ ហ្វ្រេសញូវអាស៊ី </span></span></p>
</div>
</div>
</div>