<p><span style="color: #000000;">តាមរយះការឲ្យដឹងពីខ្សែសង្វាក់ផ្គត់ផ្គង់នៅតៃវ៉ាន់ DigiTimes បានឲ្យយើងដឹងថា Samsung Display នឹងជាអ្នកផ្គត់ផ្គង់តែមួយគត់នូវ panel AMOLED ដល់ជំនាន់ iPhone 2017 ហើយពួកគេក៏នឹងអាច ធ្វើការផ្គត់ផ្គង់បានចំនួន ២០លាន panel ក្នុងមួយខែផងដែរ។ តាមប្រភពដដែល បានបន្ថែមឲ្យដឹងថា Apple នឹងដាក់បង្ហាញ iPhone 2017 ដល់ទៅបីម៉ូដែលផ្សេងគ្នាគឺ ម៉ូដែលទំហំអេក្រង់ 4,7-inch, 5,5-inch និង 5,8-inch ហើយក្នុងនោះ ពីរម៉ូដែលដំបូងគេនៅតែប្រើប្រាស់អេក្រង់ LCD ដដែល មានតែម៉ូដែល 5,8-inch ទេដែលប្រើ OLED។ Apple បានរំពឹងទុកមុនថា នឹងលក់ iPhone 5,8-inch បានពី ៦០លាន ទៅ ៧០លានគ្រឿង ក្នុងឆ្នាំ២០១៧ ខាងមុខនេះ។</span></p>
<p style="text-align: center;"><span style="color: #000000;"><a class="thickbox" title="" href="http://camnews.com.kh/FileManager/Commons/2016/12/30/iphone8concept8-30-12-2016--14-01-12.png"><img src="http://camnews.com.kh/FileManager/Articles/mce/2016/12/30/iphone8concept8-30-12-2016--14-01-12.png" alt="" /></a></span></p>
<p style="text-align: center;"><em>(រូបតំណាង)</em><span style="color: #000000;"><br /></span></p>
<p><span style="color: #000000;">បើតាមការប៉ាន់ស្មានទុក Apple នឹងចាប់ផ្តើមផលិត iPhone 2017 នូវបរិមាណតិចមួយ នៅក្នុងខែមីនា បន្ទាប់មកនឹងបន្ថែមបរិមាណផលិត នៅក្នុងខែឧសភា និងខែមិថុនា។ នៅមិនទាន់ច្បាស់ថា Samsung Display តែម្នាក់ឯង អាចមានលទ្ធភាពគ្រប់គ្រាន់ ក្នុងការផ្គត់ផ្គង់តម្រូវការអេក្រង់ OLED ដល់ Apple បានឬក៏អត់នោះទេ? ប៉ុន្តែមុននេះ ធ្លាប់មានព័ត៌មានចចាមអារ៉ាមថា Apple ចង់ស្វែងរកការជួយជ្រោមជ្រែងបន្ថែមពីខាង Japan Display ឬក៏ Foxconn ផងដែរ៕</span></p>
<p style="text-align: right;"> </p>
<p style="text-align: right;"><em>ប្រែសម្រួល៖ មង្គល</em><br /><em> ប្រភព៖ DigiTimes, Tinhte</em></p>