<p><span style="color: #000000;"><strong>(បាត់ដំបង)៖</strong> ពិតជាមហាខ្លោចចិត្តយ៉ាងខ្លាំង បន្ទាប់ពីប្រជាពលរដ្ឋមួយគ្រួសារ ជាអ្នកស្រុកកងមាស ខេត្តកំពង់ចាម បានជួបគ្រោះថ្នាក់ចរាចរណ៍ដ៏រន្ធត់មួយ បណ្តាលឲ្យស្លាប់ទាំង៥នាក់ មានប្រុសម្នាក់ និងស្រី៤នាក់ (កុមារីម្នាក់) នៅរសៀលថ្ងៃទី២៤ ខែវិច្ឆិកា ឆ្នាំ២០១៦នេះ ស្ថិតនៅចំណុចភូមិព្រៃព្រាល ឃុំព្រៃស្វាយលើ ស្រុកមោងឫស្សី ខេត្តបាត់ដំបង លើកំណាត់ផ្លូវជាតិលេខ៥។</span></p>
<p><span style="color: #000000;">គ្រោះថ្នាក់ចរាចរណ៍ដ៏រន្ធត់នេះ បានកើតឡើងដោយរថយន្តដែលជនរងគ្រោះជួលជិះម៉ាក Lexus RX-300 ពណ៌ខ្មៅ ពាក់ស្លាកលេខភ្នំពេញ 2O-0998 បានទៅបុកជាមួយរថយន្តធន់ធំ ម៉ាក HINO ពណ៌ស ពាក់ស្លាកលេខ 3C-7509 ក្នុងទិសដៅបញ្ច្រាស់គ្នា ពោលរថយន្តរបស់ជនរងគ្រោះ ធ្វើដំណើរពីទិសដៅ ភ្នំពេញ-បាត់ដំបង ហើយរថយន្ត HINO ធ្វើដំណើរទិសដៅ បាត់ដំបង-ភ្នំពេញ។</span></p>
<p><span style="color: #000000;">លោកវរសេនីយ៍ឯក សាត គឹមសាន នាយការិយាល័យចរាចរណ៍ផ្លូវគោក នៃស្នងការដ្ឋាននគរបាលខេត្តបាត់ដំបង បានបញ្ជាក់ថា សម្រាប់ជនរងគ្រោះចំនួន៥នាក់ ដែលជិះនៅក្នុងរថយន្ត Lexus មួយគ្រួសារស្លាប់ទាំងអស់ ហើយពួកគេរស់នៅស្រុកកងមាស ខេត្តកំពង់ចាម។</span></p>
<p><span style="color: #000000;">លោក សាត គឹមសាន បានបន្តទៀតថា ជនរងគ្រោះទាំង៥នាក់ ដែលមានក្មេងតូចផងនោះ គឺជាសាច់ញាតិនឹងគ្នា ប៉ុន្តែសមត្ថកិច្ចមិនទាន់ស្គាល់ អត្តសញ្ញាណនៅឡើយទេ ដោយសារតែរវល់ជួយសង្គ្រោះជនរងគ្រោះ។</span></p>
<p><span style="color: #000000;">យ៉ាងណាក៏ដោយ នាយការិយាល័យចរាចរណ៍រូបនេះ បានបញ្ជាក់ថា សម្រាប់សពជនរងគ្រោះទាំង៥នាក់ ត្រូវបានលោកឧត្តមសេនីយ៍ទោ ស ថេត ស្នងការនគរបាលខេត្តបាត់ដំបង បានបញ្ជាឲ្យយករថយន្តពេទ្យ២គ្រឿង ជួយដឹកទៅកាន់ស្រុកកំណើតហើយ។</span></p>
<p><span style="color: #000000;">បើតាមលោក សាត គឹមសាន អ្នកបើកបរទាំង២គ្រឿង គឺរថយន្ត Lexus និងរថយន្ត HINO បានរត់គេចខ្លួនបាត់ភ្លាមៗ ក្រោយកើតហេតុ។</span></p>
<p><span style="color: #000000;">យោងតាមសមត្ថកិច្ច ដែលបានត្រួតពិនិត្យមើលកាកគ្រីរថយន្ត បានបង្ហាញថា រថយន្ត HINO មានម្ចាស់កម្មសិទ្ធិឈ្មោះ ឈុន រដ្ឋា រស់នៅផ្ទះលេខ១៩៣ ភូមិព្រៃទា សង្កាត់ចោមចៅ ខណ្ឌពោធិ៍សែនជ័យ ដោយឡែករថយន្ត Lexus មានម្ចាស់កម្មសិទ្ធិ ជាក្រុមហ៊ុន ហូលី អ៉ីខូ អ៉ិនដាស់ស្រ្ទៀល។</span></p>
<p><span style="color: #000000;">អ្នកស្រី សុខគា ដែលកូនស្រីរបស់ស្ត្រីជនរងគ្រោះ ក្នុងគ្រោះថ្នាក់ចរាចរណ៍នេះ បានស្រែកទ្រហោយំនៅយប់ថ្ងៃនេះថា ជនរងគ្រោះទាំង៥នាក់ ដែលជាសាច់ញាតិនឹងគ្នានោះ មានជីវភាពក្រក្រី ហើយពួកគេបានជួលរថយន្ត ទៅចូលរួមបុណ្យសពបងប្អូន នៅឯខេត្តបាត់ដំបង ស្រាប់តែជួបសោកនាដកម្មបែបនេះតែម្តងទៅពិតជារន្ធត់ណាស់។ អ្នកស្រី សុខគា បញ្ជាក់ថា គ្រួសារលោកពិតជាឯកោណាស់ ដែលក្នុងគ្រោះថ្នាក់ចរាចរណ៍នេះ ម្តាយក៏ស្លាប់ បងប្រុសក៏ស្លាប់ ក្មួយស្រីក៏ស្លាប់ ប្អូនស្រីក៏ស្លាប់(៥នាក់) ខណៈនៅផ្ទះសល់តែរូបអ្នកស្រី និងឪពុកដែលពិការដៃទៀតផង។ </span></p>
<p><span style="color: #000000;">សាច់ញាតិរូបនេះ សុំអំពាវនាវដល់ថ្នាកដឹកនាំ និងសប្បុរសជន ជួយអន្តរាគមន៍ផង ជាពិសេសការធ្វើបុណ្យសព នៅឯស្រុកកំណើត។</span></p>
<p><span style="color: #000000;">ប្រជាពលរដ្ឋដែលឃើញហេតុការណ៍នេះបានឲ្យដឹងថា គ្រោះថ្នាក់ចរាចរណ៍នេះបង្កឡើងដោយរថយន្តតាក់ស៊ី ម៉ាក Lexus RX300 បើកពីភ្នំពេញ ទៅខេត្តបាត់ដំបង ពេលមកដល់កន្លែងកើតហេតុ អ្នកបើកបរដូចជាមានអាការៈងងុយដេក ក៏រេចង្កូតរថយន្តទៅបុកនឹង រថយន្តដឹកទំនិញធុនធំ ដែលបើកបរបញ្ច្រាសទិសគ្នា យ៉ាងពេញទំហឹង។ សម្រាប់រថយន្តទាំង២គ្រឿង ត្រូវបានសមត្ថកិច្ចយកទៅរក្សាទុក នៅអធិការដ្ឋាននគរបាល ស្រុកមោងឫស្សី ដើម្បីរង់ចាំការដោះស្រាយបន្តទៀត៕</span></p>
<p><span style="color: #000000;"><img src="http://image.freshnewsasia.com/2016/099/fn-2016-11-24-17-00-31-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-11-24-17-00-31-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-11-24-17-00-32-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-11-24-17-00-32-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-11-24-17-00-32-4.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-11-24-16-15-08-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-11-24-16-21-33-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-11-24-16-15-08-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-11-24-16-15-08-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-11-24-16-15-08-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-11-24-16-15-08-4.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-11-24-16-15-08-5.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>