<p><span style="color: #000000;"><strong>(សិង្ហបុរី)៖</strong> ត្រឹមតែរយៈពេលមួយថ្ងៃប៉ុណ្ណោះ គឺថ្ងៃព្រហស្បតិ៍ អ្នកឆ្លងវីរុស Zika ៣១ករណីទៀត ត្រូវបានក្រុមគ្រូពេទ្យរកឃើញ ដែលជាហេតុនាំឲ្យចំនួនអ្នកឆ្លងវីរុស ដែលមានដើមកំណើតមកពីសត្វមូស និង កំពុងវាយប្រហារខ្លាំងនៅអាមេរិកឡាទីននេះ កើនឡើងដល់ ១៥១នាក់ហើយនៅប្រទេសសិង្ហបុរី ក្នុងចំណោម នោះក៏មានជនជាតិចិន និងឥណ្ឌា ជាច្រើននាក់ផងដែរ។ នេះបើតាម Channel News Asia ចេញផ្សាយនៅមុននេះបន្តិច នាព្រឹកថ្ងៃសុក្រ ទី០២ ខែកញ្ញា ឆ្នាំ២០១៦។</span></p>
<p><br /><a class="thickbox" title="" href="/FileManager/Commons/2016/9/3/04d-03-09-2016--10-31-31.jpg"><img src="/FileManager/Articles/mce/2016/9/3/04d-03-09-2016--10-31-31.jpg" alt="" /></a></p>
<p><span style="color: #000000;">លោកនាយករដ្ឋមន្ត្រីសិង្ហបុរី Lee Hsien Loong ភ្លាមៗបានចេញសេចក្តីព្រមាន ជាសាធារណថា វីរុស Zika នេះនឹងមិនមែនមានតែ នៅក្នុងតំបន់ Aljunied និង Bedok នោះឡើយ ដោយលោកបានអំពាវនាវឲ្យ គ្រប់ទីកន្លែងទាំងអស់ នៅទូទាំងប្រទេសដីកោះមួយនេះ ធ្វើការបង្កើនការប្រុងប្រយ័ត្នកម្រិតខ្ពស់បំផុត ដើម្បីការពារឆ្លង និងរាលដាល ជាពិសេសត្រូវនាំគ្នាកម្ចាត់ប្រភព នៃសត្វមូសដែលជាភ្នាក់ងារ ចម្លងជំងឺនេះ។</span></p>
<p><span style="color: #000000;">គួរបញ្ជាក់ថា បណ្តាប្រទេសក្នុងតំបន់មួយចំនួនទៅហើយ ដែលបានណែនាំប្រជាជនខ្លួន ឲ្យមានការប្រុងប្រយ័ត្នខ្ពស់ ក្នុងការទៅប្រទេស សិង្ហបុរីដូចជា កូរ៉េខាងត្បូង អូស្ត្រាលី នូវែលសេឡង់ និង ហុងកុងជាដើម ដោយសារតែរីករាលដាលនៃវីរុសនេះ។ វីរុស Zika មានឥទ្ធិពល អាក្រក់ ទៅលើស្ត្រីមានផ្ទៃពោះ ប្រសិនបើ មានឆ្លងជំងឺប្រភេទនេះ វានឹងធ្វើឲ្យទារកកើតមកមានក្បាលតូចខុសធម្មតាហើយផ្នែក ប្រាជ្ញាស្មារតី ក៏នឹងអន់ខ្សោយទៅតាមនោះដែរ៕</span></p>
<p><span style="color: #000000;"><a class="thickbox" title="" href="/FileManager/Commons/2016/9/3/04e-03-09-2016--10-31-18.jpg"><img src="/FileManager/Articles/mce/2016/9/3/04e-03-09-2016--10-31-18.jpg" alt="" /></a></span></p>
<p style="text-align: right;"><br /><span style="color: #000000;">ប្រភព៖ CNA</span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>