<p><span style="color: #000000;"><strong>(ក្រុងរីយ៉ូ)៖</strong> ភ្លើងគប់ (Flame) ដែលជាសញ្ញាបើកសម្ពោធការប្រកួតកីឡាអូឡាំពិកពិភពលោក ឆ្នាំ២០១៦ នេះ ត្រូវបានដង្ហែមកដល់ទីកន្លែងចាប់ផ្តើម នៃប្រទេសប្រេស៊ីលជាផ្លូវការហើយ ក្រោយចាកចេញពីទីក្រុង Geneva ប្រទេសស្វីស នារសៀលថ្ងៃទី៣ ខែឧសភា ។</span></p>
<p><span style="color: #000000;">សារព័ត៌មាន BBC បានឲ្យដឹងថា ភ្លើងគប់ ត្រូវបានដង្ហែតាមជើងហោះហើរត្រង់ពីទីក្រុង Geneva នៃប្រទេសស្វីស មកកាន់ទីក្រុង Brasilia របស់ប្រេស៊ីល ដែលមានការទទួលស្វាគមន៍ពីប្រធានាធិបតី Dilma Rousseff រួមជាមួយ អត្តពលិកចំនួន ១២០០០នាក់ផងដែរ ដែលត្រូវចាប់ផ្តើមធ្វើការដង្ហែជុំវិញទីក្រុងចំនួន ៣០០នៅទូទាំងប្រទេស ប្រេស៊ីលក្នុងរយៈពេល៩៥ថ្ងៃ មុនការប្រកួតកីឡាអូឡាំពិក ចាប់ផ្តើមជាផ្លូវការនៅថ្ងៃទី៥ ដល់ថ្ងៃទី២១ ខែសីហា ខាងមុខ ។</span></p>
<p><span style="color: #000000;">ការដង្ហែភ្លើងគប់ នៅទូទាំងជាង៣០០ទីក្រុងនោះដែរ នឹងត្រូវបានដង្ហែថ្ងៃចុងក្រោយចេញពីទីក្រុង Amazon ឆ្ពោះទៅកាន់ព្រំប្រទល់ភាគខាងត្បូងនៃប្រទេសប្រេស៊ីល មុនដង្ហែមកទីចាប់ផ្តើមនៃកីឡដ្ឋាន Maracana ស្ថិតក្នុងទីក្រុង Rio de Janeiro ជាផ្លូវការនៅថ្ងៃទី៥ សីហា ។</span></p>
<p><span style="color: #000000;">ព្រឹត្តិការណ៍ប្រកួតកីឡាអូឡាំពិក រដូវក្តៅ លើកទី៣១ ឆ្នាំ២០១៦ នេះ នឹងមានអត្តពលិកសរុបចំនួន ១០៥០០នាក់មកពី ២០៦ប្រទេសចូលរួមប្រកួតដណ្តើមមេដាយទៅលើ ២៨ប្រភេទកីឡា នៅទីតាំងចំនួន៣៣កន្លែងទូទាំងប្រទេស ប្រេស៊ីល ជាមួយនឹងប្រភេទកីឡាបាល់ទាត់ចាប់ផ្តើមមុនគេ នាថ្ងៃទី៣ សីហា នេះបើយោងតាមគេហទំព័រ IOC អន្តរជាតិ ហើយវាក៏ជាលើកទី១ផងដែរ សម្រាប់លោកប្រធាន Thomas Bach ក្នុងការរៀបចំយុទ្ធនាការកីឡា Summer Olympic Games នេះ ៕</span></p>
<p><img src="https://fbcdn-sphotos-e-a.akamaihd.net/hphotos-ak-xlt1/t31.0-8/13147876_1725173324388852_9017609607697988190_o.jpg" alt="" width="730" /></p>
<p><img src="https://scontent-hkg3-1.xx.fbcdn.net/t31.0-8/13116339_1725173347722183_8189024667949455580_o.jpg" alt="" width="730" /></p>
<p><img src="https://scontent-hkg3-1.xx.fbcdn.net/t31.0-8/13119792_1725173321055519_4999615915357425465_o.jpg" alt="" width="730" /></p>
<p><br /><object width="480" height="380" data="http://www.youtube.com/v/A5UHLUsVl40&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/A5UHLUsVl40&rel=1" /></object></p>
<p><span style="color: #000000;"><br /></span></p>
<p style="text-align: right;"> </p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>