<p><span style="color: #000000;">ព័ត៌មានអន្តរជាតិ ៖ អូស្រ្តាលី លើកឡើងអោយដឹងថា ខ្លួននឹងទទួល យកជនភៀស ខ្លួន ស៊ីរី រាប់ ពាន់នាក់បន្ថែមទៀត ខណៈតាំងចិត្ត នឹងដាក់សម្ពាធអោយកាន់ តែខ្លាំងឡើង ដើម្បីធានាអោយ បានថា ជួយដល់ក្រុមជនភៀសខ្លួន ដែលបាត់បង់ទីជម្រក ដោយសារតែសង្គ្រាម នៅតំបន់មជ្ឈឹម បូពាហ៍ ។</span></p>
<p><span style="color: #000000;"><a class="thickbox" title="" href="/FileManager/Commons/2015/9/9/20-09-09-2015--15-09-24.jpg"><img src="/FileManager/Articles/mce/2015/9/9/20-09-09-2015--15-09-24.jpg" alt="" /></a><br /></span></p>
<p><span style="color: #000000;">នាយករដ្ឋមន្រ្តី អូស្រ្តាលី លោក Tony Abbott ថ្ងៃពុធនេះ ធ្វើសេចក្តីប្រកាសអោយដឹងថាអូស្ត្រាលី នឹងទទួលយកជនភៀសខ្លួន ស៊ីរី ១២,០០០ នាក់បន្ថែមទៀត ពីហានិភ័យភ្លើងសង្គ្រាម ធ្វើទុក្ខទោ ម្នេញ។ តួរលេខ នៃការទទួលយក ជនភៀសខ្លួនបន្ថែមទៀត លើកនេះ ញ៉ាំងអោយតួរលេខសរុប អូស្ត្រាលី ទទួលជនភៀសខ្លួន កើនឡើងដល់ ១៣,៧៥០ នាក់ អំឡុងឆ្នាំ ២០១៥ ។ មិនត្រឹមតែ ប៉ុណ្ណោះ អូស្ត្រាលី តាំងចិត្ត យ៉ាងមុតមាំអោយដឹងថា នឹងបន្តសកម្មភាពកាន់តែខ្លាំងខ្លាឡើង ពាក់ ព័ន្ធទៅនឹងការវាយប្រហារ ក្រុមរដ្ឋអ៊ីស្លាម ជ្រុល និយម ISIS ដែល កំពុង តែ មានវត្តមាន ក្រាញ ននាល នៅក្នុងប្រទេសស៊ីរី ។</span></p>
<p><span style="color: #000000;"><a class="thickbox" title="" href="/FileManager/Commons/2015/9/9/21-09-09-2015--15-09-35.jpg"><img src="/FileManager/Articles/mce/2015/9/9/21-09-09-2015--15-09-35.jpg" alt="" /></a><br /></span></p>
<p><span style="color: #000000;">រយៈពេល មួយឆ្នាំកន្លងមកហើយ ដែលកងទ័ពអាកាស អូស្រា្តលី បើកការវាយប្រហារ កំទេចពួក ISIS នៅក្នុងប្រទេស អ៊ីរ៉ាក់ ប៉ុន្តែ អំឡុង ខែ សីហា កន្លង ទៅនេះ អាមេរិក ទទូចអោយ អូស្តា្រលី បង្កើនការវាយប្រហារ របស់ខ្លួនប្រឆាំង ISIS នៅក្នុង ប្រទេស ស៊ីរី បន្ថែមទៀត ។ គួរបញ្ជាក់ថា សេចក្តីប្រកាសផ្លូវការ ពីលោក Abbott គឺជា ការផ្លាស់ប្តូរគោលនយោបាយ ដ៏ចម្បងមួយ ។ ប៉ុន្មាន ថ្ងៃមុននេះ លោកបញ្ជាក់ក្តែងៗអោយដឹងថា នឹង មាន ការទទួលយក ជនភៀសខ្លួនបន្ថែមទៀត ប៉ុន្តែ គ្រាន់តែជាផ្នែកមួយ នៃបរិមាណដែលធ្លាប់បានកំណត់ស្រាប់ ។ </span></p>
<p><span style="color: #000000;"><a class="thickbox" title="" href="/FileManager/Commons/2015/9/9/22-09-09-2015--15-09-45.jpg"><img src="/FileManager/Articles/mce/2015/9/9/22-09-09-2015--15-09-45.jpg" alt="" /></a><br /></span></p>
<p><span style="color: #000000;">គួរបញ្ជាក់ថា សហគមន៍អឺរ៉ុប កំពុងតែព្យាយាមជាខ្លាំង ទាក់ទិនទៅនឹង ដំណោះ ស្រាយ នៃវិបត្តិ ជនអន្តោប្រវេសន៍ អាក្រក់បំផុត ចាប់តាំង ពីសង្គ្រាមលោកលើកទី ២ ខណៈ ក្រុមជនអន្តោប្រវេស ន៍រាប់ពាន់ម៉ឺននាក់ កំពុងតែព្យាយាមឆ្លងកាត់ ចូលទៅកាន់ ព្រំប្រទល់ដែនរបស់ខ្លួន ។ គណៈកម្ម ការអឺរ៉ុប គ្រោងនឹងធ្វើសេចក្តីប្រកាស គម្រោងបំណែកចែកចាយ អ្នក ស្វែង រកសិទ្ធជ្រកកោនប្រ មាណ ១២០,០០០ នាក់ ទៅកាន់ ប្រទេសសមាជិកតំបន់អឺរ៉ុប ។ គួររំឮកថា ប្រទេស តំបន់អឹរ៉ុប រយៈពេល ប៉ុន្មានសប្តាហ៍ចុងក្រោយនេះ ត្រូវបានគេមើល អោយ ឃើញថា ពុំសូវជា រិតត្បិតនូវ គោលនយោបាយ អមនុស្សធម៌ ទទួលយកជនភៀសខ្លួន ទៀតនោះទេ ក្រោយពីរង្គោះរង្គើផ្លូវចិត្ត បន្ទាប់ពីផ្ទុះឡើង ព័ត៌មាន ក្មេងតូច ចំណាកស្រុក វ័យ ៣ ឆ្នាំ ស្លាប់ ផ្គាប់មុខ នៅលើឆ្នេរ ប្រទេស ទួរគី កាលពីពេលកន្លងទៅនេះ ៕</span></p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ ប៊ីប៊ីស៊ី</span></p>