<p><span style="color: #000000;"><strong>(កូឡាឡាំពួ)៖</strong> សហព័ន្ធកីឡាបាល់ទាត់ប្រទេសម៉ាឡេស៊ី ត្រូវបានរាជរដ្ឋាភិបាលបង្គាប់បញ្ជាមិនឲ្យបញ្ជូនក្រុម ជម្រើសជាតិទៅប្រកួតទល់នឹងម្ចាស់ផ្ទះកូរ៉េខាងជើងឡើយ ដោយសារតែខ្លាចពីបញ្ហាសុវត្ថិភាព គ្រាដែលជម្លោះការទូត នៃប្រទេសទាំងពីរ កំពុងតែឡើងកំដៅ។</span></p>
<p><span style="color: #000000;">សេចក្តីថ្លែងការណ៍មួយដែលត្រូវបានចេញដោយសហព័ន្ធបាល់ទាត់ម៉ាឡេស៊ី (FAM) បានឲ្យដឹងថា <strong>«ការប្រកួតបាល់ ទាត់រវាងក្រុមជម្រើសជាតិម៉ាឡេស៊ី និងកូរ៉េខាងជើង ក្នុងវគ្គជម្រុះពានរង្វាន់អាស៊ី Asian Cup 2019 នៅថ្ងៃទី២៨ ខែមីនា ឆ្នាំ២០១៧ ខាងមុខនេះ នឹងមិនកើតឡើងឡើយ ដោយសារតែប្រទេសទាំងពីរ ក្នុងទ្វីបអាស៊ីកំពុងតែមាន វិបត្តិនយោបាយ ដែលឈានដល់ការបណ្តេញមន្រ្តីទូតចេញពីប្រទេសរៀងៗខ្លួនទៀត»</strong>។</span></p>
<p><span style="color: #000000;">ភ្លាមៗនោះដែរ សហព័ន្ធបាល់ទាត់ម៉ាឡេស៊ី ក៏បានដាក់សំណើអំពីការសុំពន្យារពេលនៃការប្រកួតខាងលើ ទៅសហព័ន្ធកីឡាបាល់ទាត់អាស៊ី AFC រួចរាល់ផងដែរ តែពុំទាន់មានការឆ្លើយតបនៅឡើយទេ នេះបើយោងតាមសារ ព័ត៌មាន Dailymail របស់ចក្រភពអង់គ្លេសចេញផ្សាយនៅព្រឹកថ្ងៃអង្គារ ទី៧ ខែមីនា ឆ្នាំ២០១៧ នេះ។</span></p>
<p><span style="color: #000000;">ក្រុមបាល់ទាត់ជម្រើសជាតិម៉ាឡេស៊ី និងកូរ៉េខាងជើងស្ថិតក្នុងពូល B ជាមួយនឹងគ្នា និង២ក្រុមផ្សេងទៀតគឺលីបង់ និង ហុងកុង នៃព្រឹត្តិការណ៍ជើងឯកអាស៊ី Asian Cup 2019 វគ្គជម្រុះសន្សំពិន្ទុក្នុងជុំទី៣ ដែលនឹងត្រូវបានចាប់ប្រកួតដំបូង ក្នុងជើងទី១ ថ្ងៃទី២៨ ខែមីនាខាងមុខនេះ។</span></p>
<p><span style="color: #000000;">សូមរំលឹកផងដែរថា ជម្លោះការទូតរវាងប្រទេសម៉ាឡេស៊ី និងកូរ៉េខាងជើង គឺបានកើតឡើងបន្ទាប់ពីទីក្រុងព្យុងយ៉ាង បានធ្វើការរិះគន់លើការស៊ើបអង្កេតរបស់ម៉ាឡេស៊ី លើសំណុំរឿងឃាតកម្មលោក គឺម ជុងណាំ ដោយចាត់ទុកថា វាជា ការឃុបឃិតគ្នារវាងទីក្រុងកូឡាឡាំពួ និងទីក្រុងសេអ៊ូល ដើម្បីបង្ខូចកេរ្តិ៍ឈ្មោះរដ្ឋាភិបាលកូរ៉េខាងជើង រហូតឈានដល់ ការដេញមន្រ្តីទូតចេញពីប្រទេសប្រទេសរៀងៗខ្លួនថែមទៀតផងមិនឲ្យលើសពី៤៨ម៉ោង ស្មើនឹង២ថ្ងៃ៕</span></p>
<p><span style="color: #000000;"><img class="spotlight" src="https://fb-s-d-a.akamaihd.net/h-ak-xlp1/v/t31.0-8/17097731_1858109681095215_7702896013933487085_o.jpg?oh=6e7daf5c35d8cd75468c59d3f80029ac&oe=59314746&__gda__=1500458486_afbdedb3f0a2f2e52f9d7b4514eb88ed" alt="Image may contain: 11 people, stadium and outdoor" /></span></p>
<p style="text-align: center;"><span style="color: #000000;">ក្រុមជម្រើសជាតិម៉ាឡេស៊ី</span></p>
<p><span style="color: #000000;"><img class="spotlight" src="https://fb-s-b-a.akamaihd.net/h-ak-xpl1/v/t1.0-9/17200961_1858109674428549_2578338721636629452_n.jpg?oh=d73d1a3c62da1fe3bfcfcc6871d6d739&oe=5966835D&__gda__=1495668974_f7b562ecc0a33c3eded552fec2fee993" alt="Image may contain: 11 people, outdoor" /></span></p>
<p style="text-align: center;"><span style="color: #000000;">ក្រុមជម្រើសជាតិកូរ៉េខាងជើង</span></p>
<p><span style="color: #000000;"><img class="spotlight" src="https://scontent-kut2-1.xx.fbcdn.net/v/t1.0-9/17155502_1858109644428552_8246006750919633452_n.png?oh=57a2ceb436b87911ca79f65e5ab23a4b&oe=592E3690" alt="No automatic alt text available." /></span></p>
<p style="text-align: center;"><span style="color: #000000;">តារាងពិន្ទុនៃពូល B</span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>