<p><span style="color: #000000;"><strong>ភ្នំពេញ៖</strong> តារាចម្រៀងប្រុស ធ្លាប់ល្បីឈ្មោះ គួរសមក្នុងវិស័យសិល្បៈ លោក អាន គុណកូឡា ត្រូវបានគេមើលឃើញថា ជាង១ឆ្នាំទៅហើយ ស្ទើរតែបានបាត់មុខ នៅលើឆាកប្រគំតន្ត្រី តាមប៉ុស្តិ៍ទូរទស្សន៍ ដោយមិនដឹងច្បាស់ពីមូលហេតុ។ ស្របពេលថ្មីៗនេះ មានព័ត៌មានថាតារា ប្រុសរូបនេះត្រៀមចាកចេញ ពីផលិតកម្មសាន់ដេ ព្រោះបញ្ហាផ្ទៃក្នុងផ្ទាល់ខ្លួន។</span></p>
<p><span style="color: #000000;">លោក អាណ គុណកូឡា ក្នុងអំឡុងមួយរយៈពេល ចុងក្រោយនេះ ស្ទើតែបានបាត់មុខពីឆាកតន្ត្រីតាមបណ្តា ស្ថានីយទូរទស្សន៍ និងការចេញច្រៀង តាមខេត្តស្ទើរទាំងស្រុង ទៅហើយក្រោយមានព័ត៌មានថា តារាចម្រៀង រូបនេះបានផ្ទុះជម្លោះ ជាមួយតារារួមដំបូល។ ខណៈខាងផលិតកម្មសានដេ ក៏ពុំមានបទចម្រៀងណាមួយ ធ្វើឱ្យទស្សនិកជនចាប់អារម្មណ៍ តាំងពីដើមឆ្នាំ២០១៤ រហូតមកទល់នឹងពាក់កណ្តាល ឆ្នាំ២០១៥ ។</span></p>
<p><span style="color: #000000;">ជាការកត់សម្គាល់ តារាចម្រៀងម្ចាស់បទ «ធ្វើសង្សារគ្នាម្តងទៀតបានទេ?» លោក អាន គុណកូឡា ចាប់តាំងពីចូលខ្លួនជ្រក ក្រោមដំបូលផលិតកម្មសាន់ដេ ត្រូវបានគេសង្កេតឃើញថា លោកអាចទាញបានកេរ្តិ៍ឈ្មោះល្បី និងប្រជាប្រិយភាព ច្រើនគួរសម កាលពីឡុងប៉ុន្មានឆ្នាំដំបូង។ ប៉ុន្តែផ្ទុយទៅវិញ ចាប់តាំងដើមឆ្នាំ២០១៤មក លោកហាក់ទាន់មានបទចម្រៀងថ្មីណាមួយ ដែលធ្វើឱ្យទស្សនិកជន ចាប់អារម្មណ៍ និងគាំទ្រច្រើនទៀតឡើយ។</span></p>
<p><span style="color: #000000;">ទោះបីជាយ៉ាងណាក្តី ការបាត់វត្តមាន របស់តារាចម្រៀង លោក អាន គុណកូឡា ចេញពីពិភពសិល្បៈ អស់មួយ សន្ទុះធំនេះ ក៏មានព័ត៌មានខ្សឹបខ្សៀវ ខាងក្រៅថា តារាប្រុសរូបនេះ អាចនឹងចាកចេញពីផលិតកម្មសាន់ដេព្រោះតែរឿង គ្មានបទចម្រៀងចេញ ចរាចរលក់លើទីផ្សារ។ ម្យ៉ាងទៀតក៏លេចឮថា តារាចម្រៀង អាន គុណកូឡា មុននេះមានបញ្ហាជម្លោះ ផ្ទៃក្នុងជាមួយតារា រួមដំបូលទៀតផង។</span><br /><span style="color: #000000;"> ផ្អែកតាមប្រភពខ្លះ បាននិយាយថា ការបាត់មុខ លោក អាន គុណកូឡា ពីសិល្បៈនាពេលនេះ គឺបណ្តាលមកពី លោករវល់ទៅលើការ បើកមុខជំនួញ និងការងាររកស៊ីផ្ទាល់ខ្លួនច្រើនជាងក៏អាចថាបាន។ ប៉ុន្តែក៏មិនទាន់ មានប្រភពណាបញ្ជាក់ច្បាស់ ពីការបើកមុខជំនួញថ្មី របស់លោក អាន គុណកូឡា នៅឡើយទេ ។</span></p>
<p><span style="color: #000000;">គេហទំព័រ LookingTODAY នៅរសៀលថ្ងៃទី០៨ ខែមីថុនា ឆ្នាំ២០១៥នេះ មិនទាន់ស្វែងរកការបំភ្លឺពីសំណាក់លោក អាន គុណកូឡា បាននៅឡើយទេ ព្រោះលេខទូរស័ព្ទ ដែលលោក ធ្លាប់ប្រើមិនអាចទាក់ទងបាន។ ដូច្នេះ Looking TODAY និងព្យាយាមរកការបកស្រាយ នៅពេលក្រោយ ដើម្បីឱ្យមហាជន បានដឹងច្បាស់ពីរឿងនេះ៕</span></p>
<p><a class="thickbox" title="" href="/FileManager/Commons/2015/6/9/73-09-06-2015--15-27-54.jpg"><img src="/FileManager/Articles/mce/2015/6/9/73-09-06-2015--15-27-54.jpg" alt="" /></a></p>
<p><a class="thickbox" title="" href="/FileManager/Commons/2015/6/9/74-09-06-2015--15-28-04.jpg"><img src="/FileManager/Articles/mce/2015/6/9/74-09-06-2015--15-28-04.jpg" alt="" /></a></p>
<p><a class="thickbox" title="" href="/FileManager/Commons/2015/6/9/75-09-06-2015--15-28-12.jpg"><img src="/FileManager/Articles/mce/2015/6/9/75-09-06-2015--15-28-12.jpg" alt="" /></a><a class="thickbox" title="" href="/FileManager/Commons/2015/6/9/74-09-06-2015--15-28-04.jpg"></a><a class="thickbox" title="" href="/FileManager/Commons/2015/6/9/73-09-06-2015--15-27-54.jpg"></a></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>