<p><span style="color: #000000;"><strong>ភ្នំពេញ៖</strong> នាយករដ្ឋមន្រ្តីកម្ពុជា សម្តេចតេជោ ហ៊ុន សែន បានថ្លែងថា លោក សម រង្ស៊ី ប្រធានគណបក្សសង្រ្គោះជាតិ (CNRP) កំពុងតែលេងល្បែងកម្សាន្តដោយខ្លួនឯងសម្តែងជាតួស្លូត ចំណែកកូនចៅដើរតួកាច ក្នុងករណីទំនាស់ព្រំដែនរវាងកម្ពុជា និងវៀតណាម។</span></p>
<p><span style="color: #000000;">សម្តេច ហ៊ុន សែន បានលើកឡើងយ៉ាងនេះ បន្ទាប់ពីក្រុមតំណាងរាស្រ្តគណបក្សសង្រ្គោះជាតិប្រមាណជា ១០នាក់ បានដាក់ពាក្យបណ្តឹងប្តឹងសម្តេច ហេង សំរិន ប្រធានរដ្ឋសភា ទៅក្រុមប្រឹក្សាធម្មនុញ្ញ ក្នុងករណីសម្តេច ហេង សំរិន មិនព្រមបញ្ជូនពាក្យបណ្តឹងរបស់ពួកគេ ទៅសម្តេចតេជោ ឲ្យផ្អាកបោះបង្គោលព្រំដែនជាបណ្តោះអាសន្នជាមួយវៀតណាម។</span></p>
<p><span style="color: #000000;">សម្តេច ហ៊ុន សែន បានមានប្រសាសន៍ ក្នុងពិធីប្រគេនសញ្ញាបត្រ ដល់សមណនិស្សិត ពុទ្ធិកសាកលវិទ្យាល័យព្រះសីហនុរាជ នៅវិទ្យាស្ថានជាតិអប់រំ នា ព្រឹកថ្ងៃទី១៦ ខែកក្កដា ឆ្នាំ២០១៥ថា ចំពោះតំណាងរាស្រ្ត CNRP ដាក់ពាក្យបណ្តឹងសម្តេច ហេង សំរិន នោះសូមឲ្យលោក សម រង្ស៊ីជួយត្រួតពិនិត្យមើលកូនបន្តិចមើល ។</span></p>
<p><span style="color: #000000;">សម្តេចថា "ឥឡូវមេសន្ទនា ហើយកូនចៅធ្វើចឹង ឥឡូវធ្វើម៉េច នេះជាចំណោទចោទសួរវាទាមទារនូវការជឿទុកចិត្តគ្នា ពីថ្នាក់លើរហូតដល់ថ្នាក់ក្រោម។ ឥឡូវមានសញ្ញានូវការសង្ស័យ សូមផ្តាំទៅឯកឧត្តម សម រង្ស៊ី ។ ក្រែងមានសញ្ញាថា ឯកឧត្តម សម រង្ស៊ី ដើរតួស្លូតជាមួយ ហ៊ុន សែន ហើយទុកមនុស្សមួយចំនួនឲ្យបំផ្លាញតាមរបៀបតួកាច"។</span></p>
<p><span style="color: #000000;">សម្តេចនាយករដ្ឋមន្រ្តីបន្ថែមថា អត់មានបញ្ហាអ្វីទេបើចង់លេងជាមួយសម្តេច លេងបានគ្រប់យ៉ាង គឺសម្តេចទទួលយកបានទាំងអស់៕</span></p>
<p><span style="color: #000000;"><a class="thickbox" title="" href="/FileManager/Commons/2015/7/16/7-16-2015-4-07-03-pm-16-07-2015--16-15-52.png"><span style="color: #000000;"><img src="/FileManager/Articles/mce/2015/7/16/7-16-2015-4-07-03-pm-16-07-2015--16-15-52.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/7/16/7-16-2015-4-06-17-pm-16-07-2015--16-16-11.png"><span style="color: #000000;"><img src="/FileManager/Articles/mce/2015/7/16/7-16-2015-4-06-17-pm-16-07-2015--16-16-11.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/7/16/7-16-2015-4-06-39-pm-16-07-2015--16-16-22.png"><span style="color: #000000;"><img src="/FileManager/Articles/mce/2015/7/16/7-16-2015-4-06-39-pm-16-07-2015--16-16-22.png" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>