<div>
<p><span style="color: #000000;"><strong>(ក្រុងឡុងដ៍)៖</strong> ក្រុមកាំភ្លើងធំ Arsenal នឹងត្រូវធ្វើការធ្ងន់បន្ថែមទៀត ក្នុងការទទួលស្វាគមន៍ក្រុមភ្ញៀវ FC Barcelona មកពីអេស្ប៉ាញក្នុង Champions League យប់នេះក្នុងជើងទី១ វគ្គ១៦ក្រុម ។</span></p>
<p><span style="color: #000000;">តាមរយៈសារព័ត៌មាន Dailymail បានផ្សាយថា កាំភ្លើងធំបានជ្រុះចេញពីវគ្គនេះចំនួន៥សម័យកាលជាប់ៗគ្នា ហើយគ្រូបង្វឹកលោក Arsenal Wenger ក៏បានរំលឹកពីការឈឺចាប់នេះដែរ (Heartache) និងទទូចឲ្យគ្រប់កូនក្រុមទាំងអស់ប្រឹងប្រែងខ្លាំងឡើយ ក៏ដូចជាអ្នកគាំទ្រផងដែរ ដ្បិតអី Barcelona ជាក្រុមខ្លាំង និងការពារតំណែងជើងឯកផងដែរ ដោយមានកីឡាករឆ្នើម Neymar, Luis Suarez និង Lionel Messi សុទ្ធសឹងជាតារាជើងស៊ុតបើប្រហែស គឺប្រហោង ហើយ ។</span></p>
<p><span style="color: #000000;">ងាកទៅមើលអ្នកចាំទី Petr Cech វិញកាលលេងនៅក្នុងក្លឹប Chelsea រយៈពេល៨ឆ្នាំ គឺជួយសង្រ្គោះបាល់បានរហូត ពុំមាន Lionel Messi ស៊ុតចូល១គ្រាប់ណាឡើយ បូករួមទាំងការទាល់បាល់ប៉េណាល់ទីទៀតផង ហើយពួកគេទាំងពីរ នាក់ក៏ជាសត្រូវស្លាប់រស់ និងបំបែកប្រវត្តិសាស្រ្តដ៏ជូរចត់នេះដូចគ្នា ។</span></p>
<p><span style="color: #000000;">កាលពីសប្តាហ៍មុននៅកីឡដ្ឋាន Emirates ក្រុមកាំភ្លើងធំ Arsenal មិនអាចធ្វើអី្វក្រុមភ្ញៀវ Hull City បានទេក្នុងលទ្ធផល ០-០ ក្នុងវគ្គ១៦ក្រុមចុងក្រោយ ដែលធ្វើឲ្យជើងទី២កើតមានឡើងនៅទឹកដីរបស់ Hull City វិញសប្តាហ៍ក្រោយ នេះ ដើម្បីប្រជែងយកកៅអីឡើងទៅវគ្គ៨ក្រុមចុងក្រោយ គ្រាដែល Barcelona បានយកឈ្នះម្ចាស់ផ្ទះ Las Palmas ២-១ ពីការធ្វើបានសម្រេចដោយ Suarez និង Neymar ក្នុង La Liga ។</span></p>
<p><span style="color: #000000;">ទន្ទឹមនឹងនោះដែរ Bayern Munich ក៏ត្រូវស្វាគមន៍ក្រុមជើងឯកអ៊ីតាលី Juventus នាម៉ោង ២៖៤៥នាទីរំលងអាធ្រាត្រដូចគ្នាផងដែរ (ម៉ោងនៅកម្ពុជា) ៕</span></p>
<p style="text-align: center;"><span style="color: #000000;"><img src="http://i.dailymail.co.uk/i/pix/2016/02/22/12/3172051900000578-3458245-image-a-71_1456143848228.jpg" alt="" width="730" /></span></p>
<p style="text-align: center;"><span style="color: #000000;"><img src="http://i.dailymail.co.uk/i/pix/2016/02/22/13/317298E200000578-3458245-image-a-118_1456147753381.jpg" alt="" width="730" /></span></p>
<p style="text-align: center;"><span style="color: #000000;"><img src="http://i.dailymail.co.uk/i/pix/2016/02/22/12/317260D600000578-3458245-image-a-103_1456145230564.jpg" alt="" width="730" /></span></p>
<p style="text-align: center;"><span style="color: #000000;"><img src="http://i.dailymail.co.uk/i/pix/2016/02/22/12/3171F91700000578-3458245-_L_R_Kieran_Gibbs_Welbeck_Mohamed_Elneny_Oxlade_Chamberlain_and_-a-60_1456143063892.jpg" alt="" width="730" /></span></p>
<p style="text-align: center;"><span style="color: #000000;"><img src="http://i.dailymail.co.uk/i/pix/2016/02/22/12/3172499C00000578-3458245-image-a-98_1456144405667.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
</div>