<p><span style="color: #000000;"><strong>(តាកែវ)៖</strong> បុរស៧នាក់ដែលស្លៀកសំលៀកបំពាក់ ជាកងទ័ព ក្នុងរយៈពេលប៉ុន្មានថ្ងៃកន្លងមកនេះ បាននាំគ្នាដើរសំឡុតទារលុយពីប្រជាកសិករ ធ្វើស្រូវប្រាំងនៅក្នុងស្រុកបូរីជលសារ ដោយពួកគេបានគំរាមទារប្រាក់ក្នុង១ហិកតា ចំនួន៩០ម៉ឺនដុង។ </span></p>
<p><span style="color: #000000;">លោក លឹម លន់ ប្រជាកសិករដែលមានស្រែប្រាំងធ្វើជាង១០ហិកតា ស្ថិតនៅខាងក្រោយសាលាស្រុកបូរីជលសា បានថ្លែងឲ្យដឹងថា ក្នុងរយៈពេលប៉ុន្មានថ្ងៃកន្លងមកនេះ មានយោធាមួយក្រុមបានមកសំឡុតទារលុយពីលោក ក្នុងមួយហិកតា៩០ម៉ឺនដុង។ ទាហានទាំងនោះដែលមានម្នាក់ឈ្មោះ ធូ ដយ បានអះអាងថា ពួកគេបានទទួលបញ្ជាពីមេរបស់ខ្លួនឈ្មោះ ឡេះ សូនី ជាទាហាន នៅវរៈការពារព្រំដែន៣០១។ បន្ទាប់ពីរូបគាត់មិនព្រមឲ្យលុយ ក្រុមទាហានទាំងអស់នោះ បាននាំគ្នាវាយកម្ទេចរោងចាំស្រូវ និងបានវាយកម្ទេចសម្ភារមួយចំនួន ហើយថែមទាំងយកធុងបាញ់ថ្នាំស្រូវមួយចំនួន របស់គាត់ថែមទៀតផង។ ប្រជាពលរដ្ឋខាងលើ បានបន្តថា ពាក់ព័ន្ធទៅនិងការបំផ្លិចបំផ្លាញរោងចាំស្រូវ និងបំផ្លាញសម្ភារ និងរឹបអូសយករបស់របរមួយចំនួនរបស់គាត់។</span></p>
<p><span style="color: #000000;">ក្រោយមានហេតុការណ៍នេះកើតឡើង គាត់ក៏បានប្ដឹងទៅលោក អេង ឃាង មេវរៈព្រំដែន៣០១ ឲ្យជួយដោះស្រាយផងដែរ ក៏ប៉ុន្តែមិនមានដំណោះស្រាយចំពោះគាត់នោះទេ។ បន្ទាប់ពីគ្មានដំណោះស្រាយគាត់ក៏បានដាក់ពាក្យបណ្ដឹងទៅតុលាការខេត្តតាកែវ ដោយប្ដឹងទាហានម្នាក់ឈ្មោះ ឡេះ សូនី ពីបទបំផ្លាញទ្រព្យសម្បត្តិរបស់គាត់។ ដោយឡែក ក្រុមទាហានទាំងអស់នោះនៅតែមកសំឡុតគំរាមកំហែងគាត់រាល់ថ្ងៃ មិនឲ្យគាត់ច្រូតស្រូវប្រាំងនោះទេ។ លោក ស៊ុត ខុន អភិបាលស្រុកបូរីជលសា បានថ្លែងឲ្យដឹងថា លោកក៏បានទទួលព័ត៌រមាននេះដែរ ហើយឥឡូវលោកកំពុងតែចុះពិនិត្យ ប្រសិនបើមានករណីនេះ កើតឡើងមែនយើង នឹងមានវិធានការ និងរាយការណ៍ទៅអង្គភាពគាត់ ធ្វើការអប់រំទាហានទាំងអស់នោះឲ្យបញ្ឈប់សកម្មភាពខុសច្បាប់នេះ។ លោកឧត្តមសេនីយ៍ត្រី សេក រស់ មេបញ្ជាការតំបន់ប្រតិបត្តិការសឹករងខេត្តតាកែវ បានបញ្ជាក់យ៉ាងខ្លីថា លោកនឹងសាកសួរព័ត៌មាននេះទៅខាងស្រុកសិន ថាតើពិតជាមានទាហានដើរទារលុយពីប្រជាកសិករ ពិតមែនឬយ៉ាងណា។ លោក ឈុំ សុជាតិ អ្នកនាំពាក្យក្រសួងការពារជាតិ បានថ្លែងឲ្យដឹងថា លោកមិនទាន់បានទទួលព័ត៌មាននេះនៅឡើយទេ ហើយលោកនឹងសាកសួរពីបញ្ហានេះ។ </span></p>
<p><span style="color: #000000;">លោកសង្កត់ធ្ងន់ថា<strong> «សកម្មភាពនេះជាសកម្មភាពខុសច្បាប់។ ក្រសួងការពារជាតិមិនមានច្បាប់ណាឲ្យទាហានដើរយកលុយពីប្រជាកសិករនោះទេ។ ដូច្នោះប្រសិនបើពិតជាមានករណីនេះ កើតឡើងមែនយើង នឹងដាក់វិន័យពួកគេទៅតាមច្បាប់កងទ័ព»</strong>៕</span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xap1/v/t1.0-9/10670043_1562393367408362_5531175421304585671_n.jpg?oh=9f202082cc24a9a6ce2d4c6cc51e1bda&oe=575BD858" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-f-a.akamaihd.net/hphotos-ak-xtl1/v/t1.0-9/12744283_1562393434075022_2744943458012311308_n.jpg?oh=e8b6fcb81c09b8cd1d3aaa6487546fec&oe=575DCAFC&__gda__=1466099663_aa656451bb4c2af30e2990d8429e5a6a" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-g-a.akamaihd.net/hphotos-ak-xft1/v/t1.0-9/12743675_1562393440741688_2338234794229108684_n.jpg?oh=5b42f7ce3b1c3e178d7909da54bd140e&oe=57602C78&__gda__=1465018137_9f84576653f117df84898b999e3735ed" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xal1/v/t1.0-9/10253987_1562393370741695_2639170755087758289_n.jpg?oh=d377652df3c3f7b31580bff17218e388&oe=575B25BA" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-a-a.akamaihd.net/hphotos-ak-xaf1/v/t1.0-9/12745933_1562393374075028_7042640886217848873_n.jpg?oh=3abb2ed61b9e24d492d7c08f345f21d3&oe=5753B563&__gda__=1465166036_6e715505bfb3c884dc50cd334c67c400" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>