<p><span style="color: #000000;"><strong>ភ្នំពេញ ៖</strong> ជនសង្ស័យជាកម្មករ សំណង់ ចំនួន៦នាក់ ត្រូវបានកម្លាំង នគរបាលខណ្ឌ ពោធិ៍សែនជ័យ ចាប់ខ្លួនជា បន្ដបន្ទាប់នៅថ្ងៃ ទី២៩ ខែកក្កដា ឆ្នាំ២០១៥នេះ ក្នុងអំពើ ឃាតកម្មរំលោភ ហើយសម្លាប់ស្ដ្រីរកស៊ីផ្លូវ ភេទម្នាក់ រួចយកសពច្រកក្នុងអង្រឹងទៅ បោះចោល នៅខាងលិចវត្ដអង្គតាមិញ ។</span></p>
<p><span style="color: #000000;">អធិការនគរបាល ខណ្ឌពោធិ៍សែនជ័យ លោក យឹម សារ៉ាន់ បានបញ្ជាក់ថា ក្រោយការស្រាវជ្រាវរយៈពេល៣ថ្ងៃ ក្រោមការបញ្ជាផ្ទាល់ពីសំណាក់ ស្នងការ នគរបាល រាជធានីភ្នំពេញ និងស្នងការរង ទទួលផែនព្រហ្មទណ្ឌ រួចមកកម្លាំង នគរបាល របស់លោក បានឈានទៅ ដល់ការចាប់ខ្លួនជនសង្ស័យ ទាំងនេះ ជាបន្ដបន្ទាប់ ។</span></p>
<p><span style="color: #000000;">យោងតាម សេចក្ដីរាយការណ៍ ពីភ្នាក់ងារ ដើមអម្ពិល បានឱ្យដឹងថា មុនពេលមានអំពើ ឃាតកម្មខាងលើនេះ កើតឡើង ជនសង្ស័យ ម្នាក់ បានយកស្ដ្រីរងគ្រោះទៅដេក ដោយឱ្យ១០ដុល្លារ រួចហើយបានហៅ បក្ខពួកផ្សេងទៀត មករំលោភជាបន្ដបន្ទាប់ ប៉ុន្ដែមិនឱ្យលុយ ទើបស្ដ្រីរងគ្រោះ រករឿងបណ្ដាលឱ្យពួកគេ ព្រួតវាយសម្លាប់តែម្ដង ។</span></p>
<p><span style="color: #000000;">សូមបញ្ជាក់ថា ស្រ្តីម្នាក់អាយុជាង ៣០ឆ្នាំ ត្រូវបានឃាតក វាយសម្លាប់ ហើយយកសព ខ្ចប់ដោយអង្រឹង ទាំងអាក្រាតកាយ រួចយកទៅបោះចោល នៅក្នុងដីឡូត៏មួយកន្លែង ស្ថិតនៅខាងលិច វត្តអង្គតាមិញ ភូមិតាពាំងល្វា សង្កាត់កកាប ខណ្ឌពោធិសែនជ័យ បង្កអោយមានការភ្ញាក់ផ្អើល ដល់ប្រជាពលរដ្ឋ និងសមត្ថកិច្ច កាលពីព្រឹកព្រលឹមថ្ងៃទី២៦ ខែកក្កដា ឆ្នាំ២០១៥៕</span></p>
<p><span style="color: #000000;"><a class="thickbox" title="" href="/FileManager/Commons/2015/7/30/7-30-2015-8-45-52-am-30-07-2015--08-51-36.png"><span style="color: #000000;"><img src="/FileManager/Articles/mce/2015/7/30/7-30-2015-8-45-52-am-30-07-2015--08-51-36.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/7/30/7-30-2015-8-47-40-am-30-07-2015--08-53-32.png"><span style="color: #000000;"><img src="/FileManager/Articles/mce/2015/7/30/7-30-2015-8-47-40-am-30-07-2015--08-53-32.png" alt="" /></span></a></span></p>
<p style="text-align: right;">ផ្ដល់សិទ្ធដោយ៖ ដើមអម្ពិល<span style="color: #000000;"><a class="thickbox" title="" href="/FileManager/Commons/2015/7/30/7-30-2015-8-47-40-am-30-07-2015--08-53-32.png"></a></span></p>