<div class="article-content">
<p><strong>ភ្នំពេញ៖</strong> តាមប្រភពព័ត៌មានក្រៅផ្លូវការ ដែលជិតស្និទ្ធនឹងរាជរដ្ឋាភិបាលកម្ពុជា បានលួចបង្ហើបឲ្យដឹងថា បេក្ខជនដែលប្រឡង សញ្ញាបត្រមធ្យមសិក្សាទុតិយភូមិ (បាក់ឌុប) ឆ្នាំ២០១៤នេះ មានវាសនាជាប់ទៅសិក្សា បន្តនៅសកលវិទ្យាល័យ មានប្រហែល តែ ៥ភាគរយប៉ុណ្ណោះ។</p>
<p>ប្រភពខាងលើបន្តថា ប្រហែលដោយសារ តែមានចំនួនតួលេខប្រឡងធ្លាក់រហូតទៅដល់ ៩០ភាគរយនោះ ទើបប្រមុខ រាជរដ្ឋាភិបាលកម្ពុជា បានបញ្ជាឲ្យរដ្ឋមន្រ្តីក្រសួងអប់រំ យុវជន និងកីឡា លោក ហង់ ជួនណារ៉ុន រៀបចំការប្រឡងជាលើកទី២ ឡើងវិញ ដើម្បីផ្តល់ឱកាសឲ្យបេក្ខជនប្រឡង មានឱកាសជាថ្មី។</p>
<p>ប៉ុន្តែទោះបីជាយ៉ាងណា មានមតិមួយចំនួនបានលើកឡើងថា ទោះបីជាការប្រឡងឡើងវិញ ក៏មិនមានចំនួនជាប់ច្រើនដែរ គឺដូចគ្នាទៅនឹងការប្រឡងលើកទី១ដដែល ដោយសារគុណភាពនៃការអប់រំខ្សោយ។</p>
<p>ជុំវិញបញ្ហាខាងលើនេះ មជ្ឈមណ្ឌលព័ត៌មានដើមអម្ពិល មិនអាចទាក់ទងសុំការបំភ្លឺ ពីអ្នកនាំពាក្យក្រសួងអប់រំ យុវជន និង កីឡា លោក រស់ សាលីន បានទេ៕</p>
<p style="text-align: center;"><a class="thickbox" title="" href="/FileManager/Commons/2014/8/13/hour-013-13-08-2014--09-03-30.jpg"><img src="/FileManager/Articles/mce/2014/8/13/hour-013-13-08-2014--09-03-30.jpg" alt="" /></a></p>
<p style="text-align: center;"><img src="http://image.dap-news.com:81/dap-news/dap-images/2014/August/id-014/that-0285.jpg" alt="Photo by DAP-News" width="500" /></p>
<p style="text-align: left;"><a href="/News/Detail/53791/local-news" target="_blank"><span style="color: #0000ff;">- អាន ៖ សិស្សប្រឡងបាក់ឌុបឆ្នាំនេះ ធ្លាក់ជាង៩០ភាគរយ</span></a></p>
</div>
<p style="text-align: right;"><a href="http://www.dap-news.com/2011-06-14-02-39-55/92656-2014-08-12-10-28-54.html" target="_blank">ផ្តល់សិទ្ធដោយ ៖ ដើមអម្ពិល</a></p>